Skinfaxi - 01.07.1969, Blaðsíða 5
GUÐJÓN INGIMUNDARSON, varaformaður UMFÍ
Æska og ábyrgð
Ungmennafélögin hafa frá fyrstu tíð
verið ábyrgur félagsskapur, sem í senn
hefur beitt yfirvegaðri gagnrýni á sam-
tíðina og háð leiðbeinandi baráttu í
málefnum framtíðarinnar. Þau hafa
aldrei skorazt undan ábyrgri þátttöku
í menningarlegri og félagslegri upp-
byggingu. Framlög þeirra eru ekki fyrst
og fremst í krónum eða milljónum
króna heldur í frjóum hugmyndum og
starfi að félags- og framfaramálum.
Ekki ætla ég að rekja hér sögu þess-
ara samtaka. Hins vegar vil ég í fáum
orðum leitast við að íhuga stöðu þeirra
í dag, og þó aðeins að litlu leyti. Skal
þá fyrst minnzt á fjárhagsaðstöðuna.
Starf ungmennafélaganna um allt land
er svo gífurlega mikið, að ætla mætti
að þau nytu mikilla opinberra fjár-
framlaga. Það væri ekki óeðlilegt að
Ungmennafélag íslands hefði þau fjár-
ráð af opinberu fé, að það gæti miðlað
nokkru til hinna starfsömu ungmenna-
félaga. Það er þó víðs fjarri að svo sé.
Hitt er staðreyndin, að í stað þess að
geta veitt ungmennafélögunum fjár-
hagslegan stuðning í hinu víðtæka
starfi þeirra, verður Ungmennafélag
Islands að lifa slíkum kotungsbúskap,
að hafa ekki ráð á að halda opinni
skrifstofu með framkvæmdastjóra til
fyrirgreiðslu fyrir starfið og félögin
nema með höppum og glöppum. Úr
þessu þarf að bæta og verður reynt að
bæta á þessu ári. Það er slíkt nauð-
synjamál, að það má ekki dragast leng-
ur.
A síðasta ári voru á vegum ung-
mennafélaganna farnar 9 hópferðir á
afréttarlönd til að sá fræi og dreifa á-
burði á gróðursnautt land. Starfsmenn
Landgræðslu ríkisins hafa gert lauslega
áætlun um, hve mikils virði sjálfboða-
vinna ungmennafélaganna að þessu
starfi hafi verið. Telja þeir, að meta
megi þetta sjálfboðastarf á kr. 250,000.
Þessi upphæð er nákvæmlega jafnhá
því framlagi, sem UMFl hefur notað af
opinberu fé hin siðustu ár til hins al-
menna félagsmálastarfs síns. Þannig
skila ungmennafélagar í einum þætti
starfsins landinu aftur þeim styrk, er
þeir hafa frá því fengið. Á þetta bendi
ég eingöngu til þess að auðvelda matið
SKINFAXI
5