Skinfaxi - 01.02.1970, Blaðsíða 3
SKINFAXI
0£T>
Jtci
Tímarit Ungmennafélags Islands — LXI árgangur — 1. hefti — 1970 — Ritstjóri Eysteinn
Þorvaldsson — Út koma 6 hefti á ári hverju, hvert 32 síður.
Hvert er þitt mat?
Það ber stundum við, að raddir heyrast um
að verkefni ungmennafélaganna séu þrotin.
Þeirra sé því ekki lengur þörf.
Eldri félögum, sem á sínum tima skipuðu
sveit atorkumanna innan hreyfingarinnar, sést
stundum yfir hið mikilsverða hlutverk félag-
anna í dag sökum þess að þeir eru ekki leng-
ur beinir þátttakendur í starfinu. Þeim finnst
bví fátt um verkefnin nú.
Þeir menn kunna jafnvel að vera til, sem
lelja að opinberar stofnanir geti sem bezt tekið
við þessum verkefnum og leyst þau jafn vel
eða betur af hendi.
Þetta ásamt mörgu öðru þurfa ungmenna-
félagar að meta og taka afstöðu til. Höfum
við gert okkur fulla grein fyrir hvað hið frjálsa
starf félaganna er mikilvægt og á mörgum
sviðum, og að það vekur athygli meðal þeirra
bjóða, sem hafa ekki svo fjölbsett frjálst starf
sem við.
Ef við erum í vafa um svarið, lítum þá i
kring um okkur. Litum til hinna gróðurvana
heiða, lítum til hinna skóglausu hlíða, sem
víða blasa við. I þessum tilfellum hafa ung-
mennafélagar lagt virka hönd á plóg til úrbóta,
gera enn og áfram. Hvað um gróðurreiti viðs
vegar við byggð ból og samkomustaði? Hvað
um hin mörgu og veglegu félagsheimili víða
um land? Hvern þátt hafa ungmennafélögin
átt í gerð íþróttamannvirkja í mörgum bæjum
°9 byggðalögum? Hvern þátt hafa ungmenna-
félögin og ungmennafélagar yfirleitt átt I fram-
SKINFAXI
fara- og menningarmálum sinna heimabyggða?
Eru þau verkefni tæmd? Sé svo ekki, er örugg-
lega þörf á félagslegu átaki ungmennafélaga
þeim til framdráttar.
Kynning á störfum félaganna er takmörkuð
og oftast alveg ófullnægjandi. Fólkið í land-
inu veit því of lítið um það, hvað fram fer inn-
an þeirra, nema þá helzt þegar getið er stórra
móta.
Umfram allt og sérstaklega skal þó minnt á
það, sem mest er um vert, og verður það æfin-
lega, og ungmennafélögin láta sig mestu varða,
— akurinn, sem sífellt endurnýjast, hið unga
fólk, æsku íslands.
Þegar metin er staða og starf ungmennafé-
laganna í dag verður að hafa þetta og margt
annað í huga. Annað vœri blekking.
Að þessu athuguðu. Hvert er þá þitt svar?
Guðjón Ingim.
LANDSBÓKASAFN
302478
ISLANDS