Skinfaxi - 01.02.1970, Blaðsíða 12

LANDVERND
Hinum nýstofnuðu Landgræðslu- og
náttúruverndarsamtökum íslands hefur
verið valið nafnið „Landvernd“, og er
það vissulega vel til fallið. Undir merkj-
um Landverndar ættu allir Islendingar
að leggja sitt af mörkum til vemdar ís-
lenzkum landgæðum og íslenzkri nátt-
úru.
Fyrsti aðalfundur Landverndar var
haldinn í Reykjavík dagana 28. febrúar
og 1. marz sl. Þá höfðu 43 félög og fé-
lagasambönd gerzt aðilar og höfðu þau
rétt til að senda 71 fulltrúa en 65 sátu
fundinn.
Formaður bráðabirgðastjórnar, Hákon
Guðmundsson yfirborgardómari, setti
fundinn. Fundarstjórar voru kosnir þeir
Jóhannes Sigmundsson, bóndi og Gunnar
J. Friðriksson, framkvæmdastjóri.
Eftir almennar umræður skiptust full-
trúar í nefndir eftir 5 aðalmálaflokkum,
sem eru fjáröflun — fræðsla — rann-
sóknir — landgræðsla og náttúruvernd.
Gerðu nefndir tillögur til starfsáætlunar
samtakanna, sem síðan voru ræddar og
samþykktar á fundinum.
Fyrstu hlutar starfsáætlunar Land-
verndar fjalla um fjármál samtakanna og
um fræðslu- og kynningarstarfsemi. Síð-
ari hlutar áætlunarinnar fara hér á eftir:
Rannsóknir.
Samtökin láti safna saman og nýta þá
þekkingu, sem til er um náttúru landsins.
Jafnframt því skulu þau beita sér fyrir
eftirfarandi:
1. Rannsóknum á orsökum og eðli gróð-
ur- og jarðvegseyðingar.
2. Mismunandi landgræðsluaðferðum.
3. Leit að hentugum plöntutegundum
eða staðbrigðum innan lands og utan
til notkunar við landgræðslu.
4. Verndun og skynsamlegri nýtingu á
náttúru landsins.
5. Rannsóknum á lífheildum á friðuðum
svæðum.
Samtökin vænta þess, að rannsóknir
verði áfram í höndum þeirra stofnana,
sem vinna að þessum málum, en hins
vegar vilja þau beita áhrifum sínum til
þess að afla fjár til rannsókna.
Samtökin stofni í þeim tilgangi rann-
sóknasjóð, sem styrki rannsóknir á sviði
náttúruverndar og landgræðslu með því:
a) að veita rannsóknastofnunum eða
sérfræðingum styrki til tiltekinna
verkefna.
b) að veita kandidötum styrki til fram-
haldsnáms í landnýtingu, náttúru-
vernd eða skyldum greinum.
Niðurstöður rannsókna skulu lagðar til
grundvallar starfsemi samtakanna.
12
SKiNFAXI