Skinfaxi

Árgangur

Skinfaxi - 01.02.1970, Blaðsíða 14

Skinfaxi - 01.02.1970, Blaðsíða 14
Náttúruvernd. A. Náttúruvernd iná skilgreina sem skyn- samlega meðferð og nýtingu náttúr- unnar eftir alhliða mati og framsýni. Starf samtakanna á sviði náttúru- verndar hlýtur að mótast af samvinnu við Náttúruverndarráð og náttúru- verndarnefndir. Þá er eðlilegt, að stjórn samtakanna hafi samvinnu við félög, sem hafa náttúruvernd sérstak- lega á stefnuskrá sinni, við afgreiðslu náttúruverndarmála. Auk þess ber að leita eftir samvinnu við náttúruvemd- arsamtök erlendis. B. Samtökin beiti sér sérstaklega fyrir náttúruvernd á eftirfarandi sviðum: 1. Alfriðun landsvæða með fjölbreytt- um gróðri og dýralífi. Svæði þessi friðuð fyrir allri röskun eða íhlut- un manna, svo sem fyrir beit, plöntun og áburði. Svæðin verði það stór, að eðlileg hfverusamfélög nái að þróast innan þeirra. Haldið verði uppi kerfisbundnum rann- sóknum til langs tíma á þessum svæðum. 2. Fjölgun friðaðra landssvæða (þjóð- garða) til útivistar og náttúru- fræðslu fyrir almenning. 3. Verndun gróðurlenda, sem kunna að vera í hættu á hverjum tíma, þannig að ekki sé svo á slík sam- félög gengið, að útrýming þeirra vofi yfir eða þeim sé eytt að fullu. Sem dæmi um slíka verndun sem nú er aðkallandi má nefna tak- markaða friðun votlendis. 4. Samtökin stuðli að því að fvlgzt verði gaumgæfilega með mengun og mengunarhættu í lofti, láði og legi og hvetji til aðgerða gegn mengun í tæka tíð. 5. Samtökin beiti sér fyrir því, í sam- ráði við stjómvöld og aðra viðkom- andi aðila, að þegar ráðgerðar eru stórframkvæmdir, svo sem virkjan- ir, sem valda verulegum og óaftur- kallanlegum breytingum á náttúm- fari stórra landssvæða, þá séu frá upphafi hafðir með í ráðum sér- fróðir menn um hið líffræðilega jafnvægi í náttúrunni. Og þegar metið er, hvaða ávinningur sé að slíkum framkvæmdum, þá skuli ekki síður tekið tillit til líffræði- legra raka en verkfræðilegra. 6. Samtökin beiti sér fyrir því að sam- starfi sé komið á við alla þá aðila, sem mest áhrif hafa á ráðstöfun lands. 7. Samtökin stuðli að skrásetningu náttúrufyrirbæra og staða, sem ástæða er til að vemda eða hlynna að. C. Samtökin stuðli að almennri þátttöku í náttúruvernd og bættum umgengnis- venjum úti í náttúrunni. Sem dæmi má nefna: 1. Hvatningu til góðrar umgengni, svo sem framhald á kynningar- starfsemi í líkingu við „Hreint land — fagurt land“. 2. Hreinsun meðfram vegum, á vin- sælum ferðamannastöðum, á fjör- um og víðar í samvinnu við sveitar- félög á hverjum stað. 14 SKINFAXI

x

Skinfaxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skinfaxi
https://timarit.is/publication/334

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.