Skinfaxi - 01.02.1970, Síða 23
Greinilegur var munurinn á því landi,
sem áburð hafði fengið í fyrra, og því, sem
aldrei hefur áburð fengið. Vonandi á þessi
starfsemi eftir að stóraukast um land allt
því alltof víða er geysileg hætta á stóraukn-
um uppblæstri verði ekkert við gert.
Sveitakeppni í skák var háð í fyrravetur
og þar sigraði lið frá Ungmennafélaginu
Hvöt. Héraðsmót í skák var haldið í sam-
vinnu við U.S.V.H. Héraðsmeistari varð Jón
Torfason frá Torfalæk. í vetur teflir hann
á alþjóðaskákmótinu, sem háð er í Reykja-
vík.
Lið sambandsins tók þátt í undanrásum
Skákþings U.M.F.Í. og tefldi við lið U.M.S.S.
og U.M.S.E. á Blönduósi.
52. þing U.S.A.H. var haldið á Blönduósi
11. maí. Þingið sátu 30 fulltrúar frá 8 félög-
um auk gesta þingsins, en þeir voru: Guðjón
Ingimundarson varaform. U.M.F.Í., Sigurð-
ur Guðmundsson stjórnarnefndarmaður í
U.M.F.Í. og Ólafur Óskarsson form. U.S.V.H.
Formaður sambandsins, Kristófer Krist-
jánsson, lagði fram fjölritaða ársskýrslu
U.S.A.H. fyrir árið 1968 og skýrði hana.
Einnig lét hann þess getið að hann gæfi ekki
kost á sér við formannskjör sem fram átti
að fara síðar á fundinum. Taldi sig ekki hafa
tíma til að sinna því starfi sem skyldi og
hann væri búinn að gegna þessu starfi í 5
ár og áliti að sami maður ætti ekki að vera
°f lengi formaður. Þakkaði hann síðan gott
samstarf með félögunum og hvatti þá til
virkrar og vaxandi starfsemi.
Síðan ávörpuðu gestirnir fundinn og for-
menn hinna ýmsu nefnda innan sambands
ins skýrðu frá störfum sínum.
Síðan störfuðu nefndir og margar tillögur
voru samþykktar.
Formaður til næstu þriggja ára var kjör-
inn Magnús Ólafsson Sveinsstöðum, en aðrir
1 stjórn eru Jón Ingi Ingvarsson varaform.,
Stefán Á. Jónsson ritari, Ottó Finnsson
gjaldkeri og Valur Snorrason meðstjórn-
andi.
30. 1. 1970.
48. ÁRSÞING U.M.S. BORGARFJARÐAR.
48. ársþing UMSB. var haldið í samkomu-
húsinu í Borgarnesi sunnudaginn 18. janúar
Form. UMSB, Vilhjálmur Einarsson
skólastj. setti þingið og bauð þingfulltrúa
velkomna til þings. Kvaðst hann vona að
störf öll á þinginu yrðu unnin til heilla og
framfara fyrir héraðið, íþróttirnar og æsk-
una. Fundarstjóri var kjörinn Sigurður R.
Guðmundsson skólastj. og til vira Gísli
Halldórsson. Fundarritarar: Jón F. Hjartar,
og Kjartan Sigurjónsson.
Þingið sátu 34 þingfulltrúar frá 9 sam-
Vilhjálmur
Einarsson,
form. UMSB.
bandsfélögum, auk gesta, en þeir voru: Frá
UMFÍ. Hafsteinn Þorvaldsson og Guðm.
Guðmundsson, frá Í.S.Í. Gunnlaugur J.
Briem og Sveinn Björnsson og Þorsteinn
Einarsson íþróttafulltrúi.
Þinggögn lágu frammi í vönduðum möpp-
um og ársskýrsla fjölrituð, hið vandaðasta
rit. Ársskkýrsla UMSB sýnir, að starfsemi
sambandsins er mjög fjölþætt og fer stöðugt
vaxandi.
12 fastanefndir eru starfandi á vegum
sambandsins í hinum ýmsu starfsgreinum,
er vinna með sambandsstjórn. UMSB. starf-
rækir sumarbúðir fyrir börn og unglinga
að Reykholti og Leirárskóla með mikilli
þátttöku. Spurningakeppni fór fram á sam-
bandssvæðinu að tilhlutan UMSB. Mikil og
vaxandi þátttaka er í landgræðslustörfum
og vel að unnið. Fyrsta skákmót UMSB. fór
skinfaxi
23