Skinfaxi - 01.06.1970, Blaðsíða 17

ætlum okkur líka að koma hér upp bæði
sögulegri sýningu, er sýni þróun byggð-
arinnar og þróun fyrirtækja og stofnana,
og einnig málverkasýningu, þar sem sýnd
verða verk eftir skagfirzka listmálara.
Þessar sýningar verða svo opnar meðan
landsmótið stendur, því að við viljum
auðvitað að sem flestum gefist kostur
á að sjá þær.
Þá vil ég geta þess, að leikfélag stend-
ur mjög föstum fótum hér á Sauðárkróki,
og við væntum þess, að það muni leggja
fram menningarlegan skerf til afmælis-
hátíðarinnar, þótt enn sé ekkert afráðið
um það.
— Er nokkuð af hátíðarbrigðunum
orðið sýnilegt?
— Já vissulega. Kristmundur Bjarna-
son, fræðimaður á Sjávarborg, tók að sér
að rita sögu Sauðárkróks. Þetta er mikið
ritverk, og fyrra bindi þess kom út á s.l.
vetri, en það síðara kemur út á afmælis-
árinu sjálfu. Bókinni hefur verið mjög
vel tekið, enda er hún vel og skemmtilega
skrifuð og jafnframt hið ágætasta heim-
ildarrit.
Þá efndi afmælisnefndin til samkeppni
um skjaldarmerki fyrir kaupstaðinn, og
hefur verið ákveðið að velja tillögu
Snorra Friðrikssonar. Merki hans er sterk
táknmynd og einkennandi fyrir staðinn.
— Ertu vongóður um framgang há-
tíðarinnar?
— Eg er mjög bjartsýnn og ég held,
að þetta verði eftirminnilegt afmæli. Það
er ekki sízt fyrir það, að landsmót UMFÍ
verður háð hér um svipað leyti. Þess
vegna verður samfelldari og veglegri há-
hð hér að ári en dæmi eru um áður. Við
vonum að þessar tvær stórhátíðir byggi
hvor aðra upp og styðji hvor aðra.
Land^
á
nýrri ferðamannaleið
Sigfús Ólafsson er formaður gróður-
verndarnefndar UMSS, en einnig er
hann í vaarstjórn sambandsins og nefnd-
armaður í landsmótsnefnd 14. landsmóts
UMFÍ. Við hittum Sigfús, daginn eftir
að hann kom úr landgræðsluferð skag-
firzkra ungmennafélaga.
— Hvar unnuð þið að Iandgræðslu
núna, Sigfús?
— Við fórum á Hofsafrétt eins og í
fyrra og bárum áburð á svæðið, sem þá
var sáð í. Auk þess dreifðum við núna
fræi og áburði á nýtt svæði, samtals um
8 lestum.
— Var góð þátttaka í ferðinni?
—— Já, þátttakendur voru milli 40 og
50, og þá má geta þess að við áfonnum
að fara aðra landgræðsluferð í sumar á
Eyvindarstaðaheiði, en þar er sameigin-
legur afréttur Skagfirðinga og Húnvetn-
inga.
— Er greiðfært á landgræðslusvæði
\'kkar á Hofsafrétti?
— Á þeim slóðum á áreiðanlega eftir
að verða fjölfarin ferðamannaleið, því nú
er verið að brúa Eystri-Jökulsá skammt
frá Eyfirðingavaði, og kemur þá ný og
skemmtileg leið milli bvggða sunnan- og
norðanlands.
skinfaxi
17