Skinfaxi - 01.02.1971, Blaðsíða 19

Sigurður Greipsson
Ekki er hægt að minnast á sögu Héraðssam-
bandsins Skarphéðins án Jiess að geta Sigurð-
ar Greipssonar og hins mikla starfs hans í
Þágu HSK. f næsta hefti Skinfaxa mun birtast
viðtal við Sigurð, sem var formaður HSK í 45
ár, 1921—1966.
Félagsmálaskóli UMFÍ
ÞRJÚ NÁMSKEIÐ
STARFANDI
Nú standa yfir þrjú námskeið í Félags-
málaskóla UMFÍ. Annað starfsár skólans
hófst 18. nóvember s.l. með námskeiði í
Kennaraskóla íslands, eins og greint var
Þ'á í desemberhefti Skinfaxa, og er það
haldið að tilhlutan málfundanefndar
Skólafélags Kennaraskólans. Námskeiðið
hefur staðið það sem af er vetri, að vísu
með smáhvíldum vegna prófa og skóla-
leyfa nemenda, og í þátttakendahópnum
eru margir áhugasamir kennaranemar
víðsvegar af landinu.
Þá eru nú einnig starfandi tvö önnur
námskeið á vegum Félagsmálaskólans,
sem hófust í janúar. Hið fyrra hófst 11.
janúar í Arnesi í Gnúpverjahreppi og hið
síðara í íþróttakennaraskóla Islands að
Laugarvatni hinn 22. janúar. Þátttakend-
ur í Árnesi eru milli 20 og 30, og hefur
námskeiðið verið líflegt og árangursríkt,
en margir þátttakendur í þessu námskeiði
hafa talsverða reynzlu í félagsmálum.
Þátttakendur í námskeiðinu í Iþrótta-
kennaraskólanum enr allir nemendur
skólans 24 að tölu. Hafa þeir sýnt mikinn
áhuga á félagsfræðslunni. Hefur reynzlan
sannað að slíkt námskeið hæfir mjög vel
menntunarmarkmiði Iþróttakennaraskól-
ans og hefur samstarfið við skólann verið
allt hið ánægjulegasta.
Aðalkennari skólans í framsögn, ræðu-
mennsku, og fundarstjórn er Sigurfinnur
Sigurðsson, en meðleiðbeinendur og
framsögumenn Sigurður Guðmundsson
ritari UMFÍ, Hafsteinn Þorvaldsson form.
UMFÍ og Sigurður Geirdal framkvæmda-
stjóri. Námskeið er nú að hefjast á Sel-
fossi á vegum Umf. Selfoss, og mun
væntanlega verða kennt í nokkrum ald-
ursflokkum.
Stjórn UMFÍ hefur nú til athugunar að
efna til námskeiðs fyrir leiðbeinendur,
sem tekið gætu að sér kennslu á vegum
skólans, svo hægt verði að sinna öllum
þeim fjölmörgu eftirspurnum sem borist
hafa um námskeið.
Kennslugögn skólans er ekki hægt að
láta af hendi nema til þeirra aðila sem
tryggt er að geti náð árangri, en slíkir
einstaklingar eru að sjálfsögðu margir í
okkar samtökum, og til þeirra þarf að ná
sem fvrst.
H. Þ.
SKINFAXI
19