Skinfaxi - 01.10.1971, Blaðsíða 9
Jóhannes Sigmundsson
(annar frá vinstri)
form. HSK með for-
setabikarinn og Jjrir
aðrir Skarphéðinsmenn
með sérverðlaun, sem
HSK hlaut fyrir körfu-
knattleik, starfsiþróttir
og sund.
sögu í 400 m. hlaupinu, þar sem hann
náði einnig öðru sætinu, en sigurvegari
varð þar Sigurður Jónsson, sem þar með
var tvöfaldur sigurvegari og leiddi auk
þes Skarphéðins-sveitina til sigurs í 1000
m. boðhlaupinu. Stefán varð hins vegar
stigahæstur í karlakeppninni. Jón Péturs-
son (HSH) sigraði í annað sinn í röð á
landsmóti bæði í kúluvarpi og kringlu-
kasti. Guðmundur Jónsson (HSK) náði
bezta árangri á landinu í ár í langstökki.
Guðmundur Jóhannesson (HSH) setti
landsmótsmet í stangarstökki og Sig-
mundur Hermundsson í spjótkasti. Jón
H. Sigurðsson sigraði í 5000 m. hlaupi á
öðru landsmótinu í röð og Sigvaldi Júlí-
usson vann 1500 m. hlaup með yfirburð-
um.
Þótt hin mikla þátttaka og hinn góði
keppnisandi sé ávallt aðalsmerki lands-
mótanna, þá er augljóst að á Sauðár-
króki voru mörg afrek unnin, sem eru
með því bezta á landsmælikvarða, og
ber þar ekki sízt að nefna árangurinn í
frjálsum íþróttum kvenna og í sundi.
Sundkeppnin.
Sundkeppnin var háð í Sundlaug Sauð-
árkróks, sem er orðið hið glæsilegasta
íþróttamannvirki. Áhorfendasvæði er
stórt og gott við sundlaugina, og var þar
þétt setið og fylgzt með keppninni af
áhuga. Þarna var líka mikið um jafna og
skemmtilega keppni og góð afrek. Sett
voru landsmótsmet í öllum keppnisgrein-
um nema tveimur. Það vekur athygli, að
aðeins 6 sambandsaðilar hlutu stig í
sundkeppninni. Þetta er lítt skiljanleg
þróun, þar sem sundaðstaða hefur tæp-
lega versnað á þeim svæðum, sem nú létu
minna að sér kveða en oft áður. Þá varð
sú breyting á, að nú kom UMSK með
mjög sterkt sundlið, en hlaut ekkert stig í
sundi á Eiðamótinu. Hér munar mest um
nýju sundlaugina í Kó]Davogi og hið ötula
starf sundjjjálfarans þar Steinars Lúð-
víkssonar. Hið unga sundfólk frá UmJ.
Skipaskaga á Akranesi hlaut næstflest
stig í sundkeppninni, og furðar víst engan
á því, sem sá tilþrif þeirra á Eiðamótinu.
Þess má geta að Akurnesingarnir hafa
mjög slæma aðstöðu til sundæfinga, að-
eins litla 12,5 m. laug. Skarphéðinsfólkið
vann stigakeppni sundsins með miklum
yfirburðum, og þess sigurs er ekki hægt
að geta án þess að minnast starfs sund-
þjálfara jiess, Harðar Óskarssonar, sem
um árabil hefur unnið að uppbyggingu
SKINFAXI
9