Skinfaxi - 01.10.1971, Blaðsíða 14
>I1II1IIIII1IIII1II1II1IIII1IIIII1IIIIIIII1IIII1II1IIIIIII1IIIIIII1IIIIIII*1IIIIIIIIIII1I1I
Góðir mótsgestir! Á þessu 14. lands-
móti UMFÍ eru skráðir keppendur 650 í
keppnisgreinum. — Þátttakendur í hóp-
sýningum og dagskrá 300 og starfsmenn
200.
Til leiks eru komin þátttökulið frá 20 af
24 sambandsaðilum UMFÍ. Þessar tölur
gefa okkur til kynna hversu viðamikil
framkvæmd landsmótin eru orðin. Hin
mikla þátttaka gerir þau einnig svo
eftirminnileg fyrir fólk á öllum aldri,
hvort sem þú ert þátttakandi í keppni
dagskrá, við framkvæmdastörf eða sem
almennur mótsgestur. — Það er ósk
sambandsstjórnar UMFI, að þetta mót
megi sem hin fyrri marka spor í sögu
hreyfingarinnar, þessa byggðarlags og
landsins í heild. — Mótið er ykkar mót,
það er undir ykkur komið, góðir lands-
mótsgestir, hvernig til tekst.
Framkvæmdaaðilar þessa móts treysta
því sem fyrr, að hinn góði andi lands-
mótanna muni gera þetta mót að hátíð
íþrótta, æsku, lista, sögu, starfs og sannr-
ar gleði.
Fátt skortir hér á ytri aðbúnað frá
hendi heimamanna. Við erum þeirrar
ánægju aðnjótandi að sækja þennan stað
heim í hátíðarskrúða á merkum tímamót-
um í sögu byggðar hér.
Afmælishátíð Sauðárkróks hófst fyrir
viku. Hátíð skal nú enn haldin með
fjöldaþátttöku fólks úr öllum landshlut-
um, eins konar þjóðhátíð, hinnar fjöl-
mennu æskulýðshreyfingar ungmenna-
félaganna á íslandi.
Leikvangurinn bíður vor, fram til leiks
og starfs, æskumenn og -konur. 14. lands-
mót UMFÍ er sett. — ÍSLANDI ALLT.
111111111 ■ 1111111111111 ■ 111111111111 ■ ■ 11 ■ 1111111 ■ 11111111! 1111 ■ 11111111111 ■ I ■ 11111 ■ 111111 ■
Morgunblaðið hlaut
vináttufána UMFÍ
Eins og öll önnur félagssamtök eiga
ungmennafélögin mikið undir velvilja og
skilningi fjölmiðla til að koma stefnu-
málum sínum á framfæri og að fá fréttir
birtar af starfseminni. Alllangt er siðan
að stjórn UMFÍ tók að ræða nauðsyn þess
að sýna að samtökin kynnu vel að meta
það, sem bezt væri gert í þessum efnum.
Því var það að ákveðið var að veita því
dagblaðinu, sem mest sinnti 14. landsmót-
inu og fréttum þaðan, vináttufána UMFÍ.
Engan, sem fylgdust með fréttaflutningi
frá undirbúningi landsmótsins og fram-
kvæmd þess, þarf að undra, þótt viður-
kenningin kæmi í hlut Morgunblaðsins.
Fréttaflutningur blaðsins um mótið, sem
Steinar J. Lúðviksson blaðamaður sá um
ásamt samstarfsmönnum sínum, var víð-
tækur, glöggur og vel fram settur. Með
þessu er auðvitað ekki verið að kasta rýrð
á önnur blöð og fjölmiðla, sem vissulega
eiga miklar þakkir skildar.
Steinar J. Lúðvíksson blaðamaður með vin-
áttufána UMFÍ ásamt Sigurði Geirdal fram-
kv.stj. UMFÍ (t. v.) og Hafsteini Þorvaldssyni
form. UMFÍ.
14
SKINFAXI