Skinfaxi - 01.10.1971, Blaðsíða 10

sundstarfsins þar eystra með prýðilegum
árangri.
Af einstaklingum í sundkeppninni bar
mest á Guðmundu Guðmundsdóttur
(HSK), sem hlaut fern gullverðlaun að
boðsundinu meðtöldu. Hún hlaut einnig
bæði sérverðlaun kvenna, fyrir bezta af-
rekið og fyrir flest stig. í 100 m. skrið-
sundi bætti hún landsmótsmetið um tæp-
ar 5 sek. og í 400 m. um 20 sek. Þrjú
beztu kvennaafrekin voru öll hennar. í
karlaflokki voru það Akurnesingamir,
sem hreptu sérverðlaunin, Guðjón Guð-
mundsson fyrir bezta afrekið og Elvar
Ríkarðsson fyrir flest stig.
Starfsíþróttir.
Keppt var í 12 greinum starfsíþrótta og
var þátttaka mikil í öllum greinum nema
í netabætingu. Keppnin var jöfn og
skemmtileg í flestum greinum, og það er
ánægjulegt, að fleiri aðilar senda nú fólk
í starfsíþróttakeppnina en áður. Nú var
í fyrsta sinn keppt í pönnukökubakstri, og
voru keppendur 16 í þeirri grein. Sér-
staka athygli vakti sigur Vignis Valtýs-
sonar (HSÞ) í dráttarvélaakstri, en hann
sigraði nú í þessari grein á þriðja lands-
mótinu í röð. í stigakeppni einstaklinga í
starfsíþróttum voru þrír keppendur jafnir
og hæstir að stigum: Guðrún Sveinsdóttir
(HSK), Hildur Marinósdóttir (UMSE) og
Guðmundur Theódórsson (UNÞ). Varð
því að varpa hlutkesti um sérverðlaunin,
og komu þau í hlut Guðmundar.
Knattleikir.
Lið Ungmennafélags Keflavíkur sigr-
aði í úrslitum knattspyrnukeppninnar, en
lið UMSK og UMSS komu næst á eftir.
Skagfírðingar urðu svo óheppnir að verða
að leika tvo erfiða leiki sama daginn, og
sannaðist enn, að þetta fyrirkomulag úr-
slitakeppninnar er óviðunandi. Eins og
sagt var frá í 5. tbl. Skinfaxa í fyrra, var
það álit síðasta sambandsráðsfundar
UMFÍ, að breyta þyrfti tilhögun lirslita-
keppninnar í knattleikjum, þannig að eitt
liðið sæti ekki því óhagræði miðað við
hin liðin að verða að keppa tvisvar sama
daginn. Dómari var Einar Hjartarson og
línuverðir Sveinn Friðvinsson og Bogi
Ingimarsson.
í körfuknattleik bar lið Skarphéðins
sigur úr býtum. UMSB var í öðru sæti og
UMFN í þriðja. Dómarar voru Guð-
mundur Þorsteinsson og Kristinn Stefáns-
son.
Handknattleiksstúlkurnar úr HSÞ sigr-
uðu í handknattleik eftir jafna og spenn-
andi keppni við bæði hin liðin í úrslitum
UMFN og UÍA. Flestir höfðu spáð Njarð-
víkurstúlkunum sigri, en þær þingeysku
voru mun ákveðnari og baráttuglaðari í
úrslitaleiknum og unnu verðskuldaðan
sigur. Dómarar voru Matthías Ásgeirsson
og Ámi Sverrisson.
Glíma.
Nú var í fyrsta sinn keppt í tveim
þyngdarflokkkum í glímu, og mæltist sú
nýbreytni vel fyrir. í glímukeppninni
vakti það athygli að hinn gamalkunni
glímumaður Ármann Lárusson (UMSK)
kom nú aftur til keppni eftir nokkurra ára
hlé og sigraði í þyngri flokknum eftir
jafna keppni við Sigurð Steindórsson
(HSK). Yfirdómari í glímukeppninni var
Ólafur H. Óskarsson og meðdómarar
Garðar Erlendsson og Grétar Sigurðsson.
Skák.
Skákþing UMFÍ var háð á landsmót-
inu, eins og lög gera ráð fyrir, og sigraði
10
SKINFAXI