Skinfaxi - 01.12.1971, Qupperneq 14
SKIPULAGNING ÞJÁLFUNARINNAR
íþróttaárinu í frjálsum íþróttum er oft
skipt á eftirfarandi hátt:
1) Viðhaldstímabil, okt.—nóv. (léttara
tímabil).
2) Uppbyggingartímabil, des.—marz,
(undirbúningsþjálfun).
3) Sérþjálfunartímabil, apríl—júní.
4) Keppnistímabil, júlí—sept.
Þessi skipting er ekki nákvæm, því ekki
eru nein skýr skil á milli tímabilanna,
heldur er þetta allt mjög breytilegt og
rennur hvert tímabil eiginlega inn í það
næsta. Flestar breytingar frá þessu eru
þó vegna loftslags eða legu lands eða
þær ákvarðast af fjölda keppnimóta og
hvenær þau eru.
í grundvallaratriðum er uppbygging-
artímabilið mikilvægast, því enga sér-
þjálfun má hefja nema undirbúnings-
þjálfunin sé nógu vel unnin. Á uppbygg-
ingartímabilinu þarf að þroska alla þá
hæfileika og þau grundvallaratriði, sem
sérþjálfunin byggist á. Það hefur mjög
mikið að segja að uppbyggingartímabilið
hjá unglingunum nái yfir allt árið, nokk-
ur ár í röð. Almennt þol (alhliða úthald),
kraftur og mýkt byggjast bezt upp, þegar
þau eru æfð á uppvaxtarárunum, og ættu
þær æfingar raunar ekki að minnka neitt
að ráði, þótt komið sé inn á keppnistíma-
bilið. Til þess að þjálfunin geti gefið
góða raun og sýnt framfarir svo árum
skiptir, verður hún að halda áfram án af-
láts. Að öðrum kosti stöðvast þróunin.
Til þess að æfingin hafi bætandi áhrif
verður sérhvert grundvallaratriði og eig-
inleiki að æfast a. m. k. tvisvar á viku.
Ein æfing á viku getur ef til vill verið
nóg til að viðhalda vissum eiginleikum í
því ástandi, sem þeir eru þá stundina.
Eldri íþróttamenn, sem náð hafa ágætis
árangri í íþrótt sinni, eiga auðveldara
með að viðhalda getu sinni, og þeir eru
fljótir að vinna upp það, sem kann að
hafa orðið útundan af einhverjum orsök-
um í æfingum þeirra.
Unglingar mega því ekki apa eftir
æfingaprógrömmum þeirra beztu. í þau
má alltaf búast við að vanti einhver
atriði, sem eru mikilvæg fyrir unglingana
í uppbyggingu þeirra eða þá að meistar-
inn vanrækir ýmis þau atriði, sem ungl-
ingnum eru nauðsynleg, ef æfingin á að
koma honum að fullum notum.
Sameiginlegar æfingar inni og úti inn-
an félagsins þarf að skipuleggja. Að vetr-
arlagi þurfa æfingamar að vera 3—4 í
viku sameiginlegar og af þeim ættu
minnst tvær að vera innanhúss. Æfing-
arnar geta verið sameiginlegar fyrir fleiri
14
SKINFAXI