Skinfaxi - 01.04.1974, Qupperneq 19

Námskeið á vegum
Breskt bringrusundsfólk lætur nú æ meira að
Eér kveða, og hæst ber þar heimsmethafann
og heimsmeistarann í 200 m bringusundi
karla, David Wilkie.
sundinu, og á ástralska meistaramótinu
náði hún 53,97 sek. Sonja Gray er aðeins
14 ára gömul, 1,65 m. á hæð og 52 kg.
1 200 m. skriðsundi hefur hún náð tím-
anum 2.04,27 mín., en það er næstbesti
tími sem nokkur stúlka hefur náð á þeirri
vegalengd. Shane Gould, sem nú stefnir
að því að verða sjónvarpsfréttaskýrandi,
spáir Sonju glæsilegri framtíð á millivega-
lengdum. Shane Gould á nú aðeins eitt
heimsmet eftir, en það er einmitt í 200
m. skriðsundi — 2.03,56 mín., og hún
spáir því að Sonja Gray verði sú sem
hnekki því meti þegar á þessu ári.
Sundsérfræðingar spá því að mikið af
nýju sundfólki muni láta til sín taka á
þessu ári. En það er ekki aðeins á Bret-
landi og í Ástralíu þar sem keppst er við
að fylgja hinni öru þróun í sundíþrótt-
inni. í flestum Evrópulöndum og í
Bandaríkjunum er kappsamlega æft. Ný-
sjálendingar og Kanadabúar eru líka
sagðir eiga góð tromp á hendinni, og allt
bendir til þess að keppnistímabil sumars-
ins verði óvenjulega spennandi.
UMFÍ 1974
í vor og sumar er ákveðið að efna til
þriggja námskeiða á vegum UMFI i
samstarfi við íþróttaskóla Sigurðar R.
Guðmundssonar að Leirárskóla í Borgar-
firði.
Dagana 4. til 6. júní verður efnt til
námskeiða fyrir framkvæmdastjóra aðild-
arsambanda UMFÍ og fyrir stjórnendur
ungmennabúða.
Á námskeiði fyrir framkvæmdastjóra
verður sérstaklega farið yfir helstu liði
í daglegri stjórn sambanda og félaga.
Einnig verður lögð áhersla á að menn
geti miðlað hver öðrum af reynslu sinni.
Námskeið fyrir stjómendur ungmenna-
búða verður með svipuðu sniði og fyrra
námskeið fyrir stjórnendur ungmenna-
búða, þ. e. farið verður yfir helstu liði
varðandi undirbúning og framkvæmd
slíkra búða.
25. til 29. ágúst verður haldið námskeið
fyrir leiðbeinendur í þjóðdönsum. Verður
miðað að því að þátttakendur geti að
námskeiði loknu gengist fyrir æfingum
jrjóðdansaflokka hver í sinni heimabyggð,
jafnvel með þátttöku í Landsmóti UMFÍ
á Akranesi í huga.
Framkvæmd þessara námskeiða er að
sjálfsögðu háð lágmarks þátttöku. Þess
vegna er æskilegt að þeir sem ætla sér
að sækja þau tilkynni þátttöku strax.
SKINFAXI
19