Skinfaxi - 01.04.1974, Page 24
Næst betri árangur með því
að synda nakinn?
í frásögn af fyrsta heimameistaramót-
inu í sundi í 6. hefti Skinnfaxa 1973 var
sagt frá nýstárlegum sundklæðnaði aust-
urþýsku stúlknanna. Margir héldu að
leyndardómur árangurs þeirra lægi að
einhverju leyti í þessum nýju sundbolum
sem veittu sáralitla mótstöðu í vatninu.
Nú hefur vesturþýskur sundþjálfari, Ger-
hard Hetz, gert tilraunir á þessu sviði
og skýrt frá þeim í þýsku blaði.
Hetz fullyrðir að austurþýska sund-
fólkið æfi án sundfata, en hefur samt
engar sannanir fyrir því. Sjálfur stóð
hann fyrir tilraunum af þessu tagi í Vest-
ur-Þýs'kalandi. Hafði hann fimm stúlkur
og fjóra pilta úr hópi afrekssundfólks sér
til hjálpar og lét það synda ýmist nakið
eða í sundklæðum. Fyrir tilraunina hafði
Hetz fullyrt að sundfólkið myndi auð-
veldlega hnekkja bæði þýskum metum
og Evrópumetum og jafnvel heimsmet-
um þegar það fengi að keppa strípað. En
niðurstaðan varð á annan veg. Mesti
munur á 100 metra spretti varð 3/10
úr sekúndu.
En stúlkurnar sem þátt tóku í tilraun-
inni, voru á einu máli um að það væri
miklu skemmtilegra að synda án sund-
bols og allar hreyfingar í vatninu auð-
veldari.
24
SKINFAXI