Skinfaxi - 01.04.1979, Blaðsíða 7
Hið árlega Víðavangshlaup íslands fór
fram á Miklatúni í Reykjavik 18. mars
síðastliðinn. Úrslit urðu nokkuð sérstæð
að þessu sinni því ungmennafélagar urðu
sigurvegarar í öllum flokkum hlaupsins, 7
að tölu.
Ágúst Þorsteinsson UMSB og Thelma
Björnsdóttir sýndu og sönnuðu að sigur-
ganga þeirra í víðavangshlaupum vetrar-
ins var engin tilviljun og sigruðu í karla og
kvennaflokki. Jóhann Sveinsson UBK
sigraði örugglega í drengjaflokki og
Bjarni Ingibergsson UMSB varð óvænt
annar. í piltaflokki var hörkukeppni milli
Erlendar Sturlusonar UMFA og Ólafs
Péturssonar UBK þar sem Erlendur hafði
betur. Hrönn Guðmundsdóttir UBK og
Guðrún Karlsdóttir UBK háðu einvígi um
sigur i telpnaflokki sem lauk með sigri
Guðrúnar. Jón B. Guðmundsson HSK
hafði yfirburði í strákaílokki og sigraði
eftir að hafa haft forystu alla leið. Þá
kepptu Eyja Sigurjónsdóttir UBK og
Rannveig Ámadóttir HSK um sigursætið
í stelpnaflokki og hafði Eyja betur.
Af um 200 þátttakendum var tæpur
helmingur úr ungmennafélögum. Sérlega
glæsileg þátttaka var frá Breiðabliki í
Kópavogi sem áttu 59 þátttakendur.
Afturelding í Mosfellssveit var með 22
þátttakendur og er greinilegur uppgangur
í frjálsíþróttalífinu þar. HSK átti 8 þátt-
takendur sem er líklega minnsta þátttaka
frá þeim í mörg ár og sama má segja um
UMSB sem aðeins var með þrjá þátttak-
endur.
Við nánari athugun á úrslitum hlaups-
ins kemur í ljós að ungmennafélagar
vinna ekki aðeins til fyrstu verðlauna
heldur ná þeir í flestum tilfellum í silfur
og bronsverðlaun líka. Þá sigraði UBK í
sveitakeppni í hinum ýmsu flokkum og
hlaut samtals 13 verðlaunabikara af 22
sem veittir voru. Félagar úr UBK unnu til
10 verðlaunapeninga, HSK til fjögurra,
UMFA til tveggja, UMSB til tveggja. Þrír
verðlaunapeningar skiptust á milli ÍR, FH
og Ármanns.
Af þessari upptalningu sést að hlutur
ungmennafélaga var mjög glæsilegur.
Skinfaxi skorar á ungmennafélaga um
land allt að láta þetta verða sér að leiðar-
ljósi i keppnum hvarvetna á næsta sumri.
SKINFAXI
7