Skinfaxi - 01.04.1979, Blaðsíða 21
Umf. Hrunamanna
hélt upp á afmæli sitt að Flúðum. Afmælishátíð
þessi, sem var mjög fjölsótt hófst með kaffidrykkju.
Margar ræður voru haldnar þar sem menn kepptust
um að árna félaginu allra heilla í framtíðinni og
þakka því mikil og góð störf á iiðnum árum.
Skemmtiatriði voru, svo sem glímusýning, Hreppa-
kór söng undir stjórn Sigurðar Ágústssonar, leik-
þáttur og danssýning, að lokum var stiginn dans
fram eftir nóttu. Þá hafa ungmennafélagar í Hruna-
mannahreppi sýnt leikritið Dansinn í Hruna í tilefni
afmælisins. Núverandi formaður félagsins er Krist-
mundur Sigurðsson.
Umf. Hvöt í Grímsnesi
Þegar kaffidrykkju var lokið hófust skemmti-
atriði. Sýndur var leikþáttur, söngur og margt fleira.
Meðal gjafa sem félaginu bárust var forkunnarfagur
burðarfáni, sem hreppsnefnd Grímsneshrepps gaf
félaginu, margar fleiri gjafir bárust ásamt árnaðar-
óskum. Að lokum var stiginn dans þar sem Hljóm-
sveit Stefáns P. lék af miklu fjöri. Núverandi for-
maður félagsins er Guðmundur Guðmundsson,
Ljósafossskóla.
Umf. Biskupstungna
Afmælisfagnaður Umf. Biskupstungna var hald-
inn á sumardeginum fyrsta og hófst kl. 14. Margar
ræður voru haldnar og mikið kaffi drukkið. við
þetta bættust fjölmörg skemmtiatriði svo sem
söngur og fleira. Um kvöldið var stiginn dans.
Félagið æfir um þessar mundir leikritið íslands-
klukkuna. Núverandi formaður félagsins er Sveinn
Sæland, Espiflöt.
Umf. Laugdæla
hélt upp á afmæli sitt í Barnaskólanum á Laugar-
vatni. Afmæii þetta var hefðbundin afmælisveisla
ungmennafélagsins; ræður, söngur og fleira til
skemmtunar auk þess var drukkið kaffi eins og hver
gat í sig látið, og að lokum var stiginn dans fram
eftir nóttu. Núverandi formaður félagsins er Snæ-
björn Jónsson, Austurey.
Umf. Skeiðamanna
í Brautarholti á Skeiðum var haldinn afmælis-
fagnaður Umf. Skeiðamanna. Mjög fjölsótt var á
samkomunni. Veislustjóri var hinn síungi Hermann
Guðmundsson á Blesastöðum. Auk fjölda skemmti-
atriða, sem fram fóru var drukkið kaffi og þarna var
sú stærsta afmælisterta sem Skarðhéðinn hefir séð á
einni hæð og er hann þó ýmsu vanur þegar um mat
er að ræða. Ofan á þetta allt bættist það að viðtal
var haft við fyrsta formann Umf. Skeiðamanna,
Eirík Þorsteinsson, Löngumýri. Að lokum var
stiginn dans.
Núverandi formaður félagsins er Vigfús Þór
Gunnarsson, Húsatóftum.
Umf. Samhygð
Þegar Umf. Samhygð í Gaulverjabæjarhreppi hélt
upp á afmæli sitt var það gert í samvinnu við kvenfé-
lagið í hreppnum. Afmælishátíðin hófst með guðs-
þjónustu í Gaulverjabæjarkirkju, prestur var séra
Valgeir Ástráðsson, og að guðsþjónustu lokinni var
gengið fylktu liði í Félagslund þar sem beið veislu-
gesta veglegt kaffiborð. Eftir margar ræður, heiðurs
viðurkenningar, skemmtiatriði og fleira var sam-
komunni frestað fram til kvölds og voru þá aftur
skemmtiatriði og fleira og að lokum var stiginn
dans.
SKINFAXI
21