Skinfaxi - 01.04.1979, Blaðsíða 24

Ungmennafélagið Geisli Súðavík:
Nýjungar settu
svip á starfsemi
ársins 1978
Arið 1978 var fyrsta heila ár í starfsemi
Ungmennafélagsins Geisla Súðavík en fé-
lagið var stofnað í júlí 1977. í árslok var
félagsmannatalan orðin 89.
Um starfsemi ársins 1978 verður fátt
annað sagt en gott. Efniviður er frekar
ungur og samanstendur af óreyndum eins-
taklingum á sviði félagsmála sem þrátt
fyrir hið mikla vinnuálag sem hér er, og
reyndar þekkist á öðrum stöðum með
svipaðan fólksfjölda, leggur félaginu lið
því til framdráttar og sjálfum sér til
ánægjuauka.
Þegar farið er yfir starfsemi hins liðna
árs verða nýjungar í starfseminni settar
efstar á blað:
Snemma á árinu gekkst félagið fyrir
danskennslu og voru þátttakendur á öllum
aldri. Kenndir voru gömlu og nýju dans-
arnir. Leiðbeinendur voru Sigurður Há-
konarson og Anna María Guðnadóttir.
í haust tók meistaraflokkur félagsins
þátt í Vestfjarðamótinu í knattspyrnu og
fylgdi sú þátttaka í kjölfar þess hversu
duglegir knattspyrnumenn höfðu verið að
etja kappi við liðin hér í kring. Var út-
koman úr mótinu félaginu til sóma.
Leiklistarnámskeið var haldið fyrir ára-
mótin og voru þátttakendur 11 talsins.
Var á þessu námskeiði m.a. tekin fyrir
framsögn og leikgreining. Leiðbeinandi
var Margrét Óskarsdóttir.
Jólatrésskemmtun var síðasti liður
starfseminnar á árinu 1978 kom þar fram
hópur sá sem var á leiklistarnámskeiðinu
og sýndi leikþætti auk þess sem fleira var
til skemmtunar. Skemmtun þessi var fjöl-
mennasta samkoma félagsins frá upphafi
en hana sóttu milli 120—130 manns.
Hér að framan hafa verið nefndar þær
nýjungar sem litu dagsins ljós í starfsemi
Ungmennafélagsins á liðnu ári en einnig
ber að nefna hefðbundna liði svo sem
fundahöld, dansleiki og spilakvöld o.fl.
Af því sem fram hefur komið hér má
glöggt sjá að nýtt spor fram á við hefur
verið stigið í starfsemi félagsins. Nú er
það félagsmanna að leggjast á eitt og
standa vörð um að haldið verði áfram á
sömu braut. Þá er ekki síður mikilvægur
skilningur þess fólks sem fyrir utan fé-
lagið stendur á því sem er að gerast hverju
sinni. Samvinna þessa fólks við félagið
býður heim bjartari framtíð, bæði fyrir
félagið og byggðarlagið okkar.
EHG.
24
SKINFAXI