Skinfaxi - 01.04.1980, Blaðsíða 9

þyrfti sannarlega að gera þar
bragarbót á. Einnig höfum við í
Sundsambandinu miklar áhyggj-
ur af þeim stöðum sem eru með
lokaðar laugar að vetri til eins og
á Siglufirði og Seyðisfirði en þar
eru byggð gólf yfir laugarnar og
notaðar sem íþróttasalir og
sundið því forsmáð illilega.
Hver er fjöldi iðkenda í sundi?
Iðkendur með keppni fyrir
augum eru samkvæmt kennslu-
skýrslum rúmlega 4000. Það er
þó lítið brot af þeim mikla fjölda
sem iðkar sund sér til ánægju og
heilsubótar, því alls komu
2.092.765 manns á sundstaði
landsins árið 1978 og eru þá
mætingar skólanema meðtaldar.
Hvernig eru tengsl SSÍ við ÍSÍ
og UMFÍ?
Tengsl Sundsambandsins við
ÍSÍ er mun meiri en við UMFÍ.
Kemur það aðallega til af
tvennu. í fyrsta lagi rennur beinn
fjárhagsstuðningur ríkisins til
sérsambandanna í gegnum ÍSÍ. í
öðru lagi eru öll stjórnarstörf í
nánum tengslum við skrifstofu
ÍSÍ vegna sameiginlegs húsnæðis
og starfsmannahalds þar sem
flest minni sérsamböndin hafa
ekki efni á sérstöku starfsliði.
Tengslin við UMFÍ eru mikið til í
gegnum ungmennafélögin vítt og
breitt um landið. Þar hafa
tengslin verið aukin til muna
með því t.d. að sundþingin eru
alltaf haldin annað hvert ár utan
Reykjavíkursvæðisins. Þá hafa
öll sundmót sem haldin eru á
vegum SSÍ verið haldin annað
hvert ár utan höfuðborgarinnar
nema Meistaramót íslands inn-
an- og utanhúss.
Önnur verkefni SSÍ?
Fyrir utan það sem áður er
getið má nefna erlend samskipti
en þau hafa verið töluverð og
hefur sitt sýnst hverjum.
Á s.l. ári var efnt til 3ja landa
keppni með írum og ísraelum.
Þá höfum við verið með í svo-
kallaðri 8-landa keppni, Norður-
landameistaramóti og Unglinga-
meistaramóti Norðurlanda enda
hefur SSÍ lagt metnað sinn í að
vera með þar þó erfitt hafi verið
stundum.
Á s.l. ári var svo tekin upp
samvinna í Kalott sundmótinu í
fyrsta sinn. En þar eiga hlut að
máli nyrstu byggðir Norðurland-
anna; Finnlands, Svíþjóðar og
Noregs og nú íslands. Þessi jað-
arsvæði Norðurlandanna keppa
árlega saman í frjálsum íþróttum
og sundi og til skiptis hjá hvoru
öðru. Þó ég nefni hér frjálsar þá
eru þessi mót haldin á sitt
hvorum árstímanum.
Er ekki mikill kostnaður sam-
fara svo öflugu samstarfi við er-
lenda aðila?
Jú, og einmitt vegna þess
höfum við dregið okkur út úr
8-landa keppninni en í staðinn
leitað hófanna við Svisslendinga
og Færeyinga um samstarf á
sviði sundíþróttarinnar.
Er farið að undirbúa afmœl-
ið?
í tilefni af 30 ára afmæli
Sundsambandsins á næsta ári
hefur verið ákveðið að halda
Norðurlandameistaramót í sundi
í byrjun júní 1981 ásamt þingi
sundsambanda Norðurlanda. Þá
verður Kalott sundmótið vænt-
anlega haldið hér um páskana.
Einnig vonumst við til að geta
boðið uppá veglegt afmælis-
sundmót stuttu eftir að afmælis-
árið gengur í garð.
Hvað leggið þið afmörkum til
íþróttahátíðarinnar?
Á íþróttahátíðinni í sumar
verður haldið tveggja daga sund-
mót í öllum aldursflokkum og
verður reynt að vanda til þess
svo sem kostur er. Sérstaklega
væntir SSÍ þess að félög utan
höfuðborgarinnar sjái sér fært
að senda sem flesta sundmenn til
mótsins, og efni heima í héraði
til úrtökumóta fyrir þetta sund-
mót. Þá er í ráði að koma á
hraðkeppni í hinni sívaxandi
grein sundknattleiknum og
munu sennilega 4 lið taka þátt í
því.
Við þökkum Herði spjallið en
hann hefur síðasta orðið:
Fjármál sundíþróttarinar og
reyndar iþróttahreyfingarinnar í
heild eru sífellt í brennidepli og
er orðin brýn nauðsyn að hreyf-
ingin efni til sérstakrar ráðstefnu
um fjármál íþróttahreyfingar-
innar og þá með sérstöku tilliti til
sérsambanda ÍSÍ.
Þar kemur til greina t.d. að
ræða breytingu á úthlutunarregl-
um ríkisstyrksins til sérsamband-
anna og skapa fasta tekjustofna
sem sérsamböndin geta byggt
starfsemi sína á. Þeim er mjög
stakkur skorin til sjálfstæðra
fjáröflunar vegna hættu á að
það skaði starfsemi hinna ein-
stöku félaga og hindri þau í öfl-
ugu starfi.
Flest sérsamböndin eru í al-
gjöru fjársvelti og geta varla
sinnt þeim föstu verkefnum sem
þau eru þó lagalega skyldug að
sinna. Ef þessu verður ekki
hreyft á næstunni er hætt við að
hreyfingin missi frá sér margan
manninn og konuna úr þessu
annars ánægjulega tómstunda-
starfi.
SKINFAXI
9