Skinfaxi - 01.04.1980, Blaðsíða 18

Frétta tilkynning
UNGMENNASAMBAND AUSTUR- HÚNVETNINCA
63. héraðsþing Ungmenna-
sambands Austur-Húnvetninga
var haldið á Skagaströnd laugar-
daginn 1. mars. Þingið sátu rúm-
lega 30 fulltrúar auk stjórnar
USAH og gesta.
Á þinginu var lögð fram árs-
skýrsla sambandssins. Þar kom
m.a. fram að á síðasta ári voru
íþróttaþjálfarar í starfi hjá sam-
bandinu og aðildarfélögum þess.
Héraðsmót voru haldin í frjáls-
um íþróttum, knattspyrnu og
sundi. Unglingamót voru í frjáls-
um íþróttum og knattspyrnu.
Keppni fór fram í ýmsum íþrótt-
um milli skólanna í héraðinu, en
USAH stendur árlega fyrir slíkri
keppni.
Keppendur voru sendir á mörg
íþróttamót utan héraðs. Frjáls-
íþróttalið sambandsins sigraði
sýslukeppni við Vestur-Húnvetn-
inga og Skagfirðinga og í þriðju
deild íslandsmótsins varð liðið i
þriðja sæti. Unglingar voru
sendir á meistaramót yngri ald-
ursflokkanna í frjálsum íþrótt-
urp. Þangað fá þeir unglingar að
fara sem skara fram úr á skóla-
mótinu. Á meistaramótinu, sem
háð var í febrúar s.l. átti USAH
tvo íslandsmeistara og tveir
keppendur urðu í öðru sæti.
Húnavakan, hin árlega
fræðslu- og skemmtivika Ung-
mennasambandsins var haldin í
apríl. í ár er áætlað að Húnavak-
an hefjist 23. apríl. Ritið Húna-
vaka kemur árlega út í tengslum
við samkomuna. Nú er verið að
leggja siðustu hönd á endur-
prentun tveggja fyrstu árganga
ritsins, sem komu út fjölritaðir
árin 1961 og 1962, en þeir eru
löngu uppseldir. Áformað er að
halda áfram endurprentun þeirra
árganga sem eru uppseldir.
Á síðasta sumri voru ung-
mennabúðir starfræktar á
vegum sambandsins. Svo verður
einnig í sumar. Af öðrum málum
sem á döfinni eru má t.d. nefna
að knattspyrnulið sambandsins
mun taka þátt í þriðju deildar-
keppni KSÍ og frjálsíþróttaliðið
mun keppa í þriðju deild FRÍ en
sú keppni verður háð á Blöndu-
ósi.
Á þinginu var lýst kjöri
íþróttamanns ársins og var það
Sigríður Gestsdóttir. Þá var af-
hentur farandbikar því félagi
sem bestum árangri náði á mót-
um innan sambandsins á síðasta
ári. Umf. Fram á Skagaströnd
sigraði þá keppni með 48 stigum
en Umf. Hvöt á Blönduósi hlaut
46 stig. Formaður UMFÍ, Pálmi
Gíslason, afhenti sr. Pétri Þ.
Ingjaldssyni prófasti starfsmerki
UMFÍ fyrir mikil og góð störf í
þágu USAH.
Ritari USAH.
íþróttanefnd USAH aó störfum.
18
SKINFAXI