Skinfaxi - 01.08.1986, Page 18

HIISAVIK »7i
19. LANDSMOT UMFI 10.-12. JULI
Texti og myndir: Guðmundur Gíslason
Fimmtudaginn 25. sept. s.l. efndi
landsmótsnefnd til kynningarfundar í
félagsheimilinu á Húsavík þar sem 19.
Landsmótið var kynnt fyrir íbúum
Húsavíkur og fleirum. Var fundurinn
sæmilega vel sóttur og líflegur.
Kristján Yngvarsson formaður HSÞ
setti fundinn og bauð gesti velkomna,
síðan var byrjað að kynna landsmótið
og undirbúning þess. Um þá kynningu
sáu Vilhjálmur Pálsson, Gunnlaugur
Árnason og Bjarni Þór Einarsson og
sýndu þeir skuggamyndir til að skýra
mál sitt betur. Þá var kvikmynd sú sem
gerð var um 18. Landsmótið sýnd, og
þeir Ólafur Stephensen og Gísli Blöndal
frá Auglýsingastofu Ólafs kynntu
víkinginn sem er tákn mótsins.
Eftir að þessu lauk voru pallborðs-
umræður þar sem gestum út í sal var
gefið tækifæri á að spyrja og koma
með hugmyndir, og notfærðu þeir sér
það mjög vel. Þá kom fram að margar
hugmyndir eru í gangi um hin ýmsu
atriði í sambandi við landsmótið og má
þar t.d. nefna; kassabílarallí, diskódans-
keppni, reiðhjólakeppni, bridsmót,
aflraunakeppni með þátttöku Jón Páls
og fleiri og svona mætti lengi telja. Þá
kom fram sú hugmynd að sjósetja
bátinn Hrafninn sem gefinn var frá
Noregi og sigla honum umhverfis
landið til að kynna mótið.
Ljóst er því að allur undirbúningur fyrir
þetta landsmót er í fullum gangi, enda
ætla þingeyingar að gera þetta mót
mjög glæsilegt. Því má svo bæta hér
við að búið er að tímasetja keppni í
frjálsum íþróttum og sundi.
Landsmótmótsvíkingurinn
Þessi myndarlegi víkingur verður
tákn 19. Landsmóts UMFÍ sem
haldið verður á Húsavík 10.-12.
júlí 1987. Hann mun bregða sér í
hin ýmsu gervi til að kynna mótið
sem víðast og oftast. Ætlunin er
að framleiða ýmsa muni með
þessum víking á til að selja og
t.d. er búið að gera prufueintök
af peysum þar sem hann er á. Því
vill Skinfaxi hvetja alla til að
kynna víkinginn og þar með
landsmótið og leggja þar með lið
við að gera þetta landsmót
glæsilegt og fjölmennt.
Hér til hliðar sjáiði víkinginn í
ýmsum gervum.
18
Skinfaxi