Skinfaxi - 01.08.1990, Blaðsíða 8
LANDSMÓTIÐ
þessu efni verða hugsjón sinni trúir og
stuðla að fjöldaþátttöku við ræktunar-
störfin.
Minnugir orða skáldsins Guðmundar
Böðvarssonarfrá Kirkjubóli íHvítársíðu
er hann sagði: „Ef æskan bregst þeirri
ættjörð sem henni var gefin er ekkert í
heiminum sem bjargar því landi.”
íslendingar félagsmálamenn
Það sem af er sumri hefurþað sannast að
íslendingar eru ntiklir félagsmálamenn
og starfrækja öflugar félagsmálahreyf-
ingar í landinu, þannig hafa fjórar slíkar
landshreyfingar haldið landsmót nú með
stuttu millibili með tugþúsunda þátttöku,
sem mér er til efs að gæti gerst með
öðrum þjóðum, allavega sem hlutfall af
íbúafjölda, þar er um að ræða Íþróttahátíð
ÍSÍ1990, Landsmót hestamanna, Lands-
mót skáta og nú Landsmót UMFÍ.
íþróttahreyfingin í landinu þ. e. a. s. ÍSI
og UMFI munu með þessum hátíðum
sínum á sama ári sýna hvílíkt aíl hún er.
íþróttaleg þátttaka er meiri en nokkru
sinni fyrr, en félagslegi styrkurinn sem
að baki býr hjá félögunum, héraðs-
samböndunum og íþróttabandalögunum
í hinum dreyfðu byggðum og hjá fram-
kvæmdaaðilumþessarahátíða erundra-
verður og sannar að í okkar röðum er
fólk sem hefur hlotið gott félagslegt
uppeldi sem mun koma því vel og þjóð
vorri ekki síður við lausn hinna ýmsu
mála í þjóðfélaginu.
Hreinn og regnhlífin
Eitt sinn er Hreinn Erlendsson fór að
kaupa sér hlaupaskó á Selfossi var hon-
um gefin forláta regnhlíf. Regnhlífinni
fylgja þau álög að ef Hreinn er staddur á
iþróttamótum og regnhlífin er ekki við
hlið hans þá fer að rigna. Það hefur
aldrei rignt á móti þar sem Hreinn hefur
verið með regnhlífina.
Nú gerðist það, að á Landsmótinu í
Mosfellsbæ urðu Hreinn og regnhlífin
viðskila um tíma og regnhlífin lenti aust-
ur í Flóa. A meðan buldi rigningin á
Hreini, en um leið og hann fékk regn-
hlífina senda úr Flóanum hætti hann að
rigna eins og hendi væri veifað.
Þeir félagar Hreinn Erlendsson og Rögnvaldur Gísla-
son taka sig bara vel út meö regnhlífina góöu og ekki
rignir hann.
Sameinuð stendur íþróttahreyfingin nú
frammi fyrir viðamiklu verkefni sem
henni hefur verið trúað fyrir, en það er
rekstur hinnar nýju íþróttamiðstöðvar
Islands á Laugarvatni, í samvinnu við
ríkið og æðstu menntastofnun þjóðar-
innar á sviði íþrótta, Iþróttakennaraskóla
Islands og heimamenn á Laugarvatni.
Stórkostleg uppbygging íþróttamann-
virkja er hafin til viðbótar við þau sem
fyrir voru og þátttaka í allri starfsemi
íþróttamiðstöðvarinnar er þegar mjög
mikil. Skoraðeráforráðamenn þjóðar-
innar að styðja þessa uppbyggingu
fjárhagslega og forráðamenn íþrótta-
hreyfingarinnar að leggja metnað sinn í
fjölþættan og myndarlegan rekstur, þar
við liggur heiður okkar.
Skinfaxi heimildarit
Góðirlandsmótsgestir, írúm 80árhefur
Ungmennafélagshreyfingin gefið út
málgagn sitt Skinfaxa, blaðinu hafa rit-
stýrt ýmsir þekktir pennar hver á sinni
tíð og óhætt að fullyrða að hreyfingin
væri nú sínu fátækari af rituðum heim-
ildum um sögu sína ef blaðsins hefði
ekki notið við. Enginn félagsskapur
eða fjöldahreyfing getur verið án slíks
miðils, vandinn er bara sá eins og með
félagsskapinn sjálfan, að laða verður
útgáfuna að breyttum tíma, og það hefur
verið gert.
Konaritstýrirmálgagnihreyfingarinnar
nú í fyrsta sinn og fer myndarlega á
stað, henni er óskað velfarnaðar í mik-
ilsverðu starfi fyrir samtökin.
Góðir hátíðargestir, 20. Landsmóti
UMFÍ hefur verið búin hér góð aðstaða
í Mosfellsbæ, nú er það okkar keppenda,
starfsmanna og mótsgesta að sýna það
og sanna að við séum aðstöðunnar verð
og það munum við gera. Eg vil þakka
framkvæmdaaðilum Landsmótsins og
stjórn UMFI allan heiður mér sýndan
og konu minni, í mínum huga er hún
lfka heiðursgestur hér því fátt eða lítið
hefði ég geta unnið þessurn félagsskap
ef hennar hefði ekki notið við. Þannig
er það með maka þeirra félagsmála-
manna sem í eldlínunni standa hverju
sinni, gagnkvæmur skilningur verður
að ríkja og helst meðþátttaka ef vel á að
fara. Alls þessa hefi ég notið og sam-
eiginlega munum við hjónin svo njóta
þess meðal fjölmargra vina og sam-
starfsmanna á þessu 20. Landsmóti
UMFI að fylgjast með því sem fram fer
við þessar glæsilegu aðstæður hér í
Mosfellsbæ.
Aratugir munu nú liðnir síðan UMSK
sótti fyrst um að halda Landsmót og
allan þann tíma hefur landsmóts-
staðurinn verið áformaður hér að V armá,
þrátt fyrir myndarlega uppbyggingu á
íþróttaaðstöðu annarsstaðar á sam-
bandssvæðinu. Forustumenn UMSK
hafa alltaf framlengt umsóknarfrestinn,
staðráðnir í því að halda veglegt mót
þegar tími og aðstæður leyfðu. Nú er
þeirra tími kominn og við gleðjumst öll
með þeim, við vitum að mótið verður
glæsilegt og tekst vel, en það sem meira
er um vert, aðstaðan sem mótið skapaði
verður hér áfram, og sá félagslegi styrkur
sem þurfti til þess að koma þessu öllu
svo vel í höfn.
Ungmennafélagshreyfingin á Islandi er
voldug og sterk og hún verður líka að
vera það, hún varð á sínum tíma til fyrir
brýna þörf ti 1 að efla dáð með íslenskum
æskulýð og til þess að efla trú þjóðar-
innar á öllu því sem íslenskt er, ekki síst
íslenskri tungu og menningu.
Við hjónin óskum þess að guðs hönd
haldi um stjórnvölinn með ykkur á þess-
ari miklu íþrótta- og æskulýðshátíð og
þetta mót sem hin fyrri sýni það hversu
öflug ungmennafélagshreyfingin er,
bæði íþróttalega og félagslega.
Islandi allt! Hafsteinn Þorvaldsson.
8
Skinfaxi