Skinfaxi - 01.12.1990, Blaðsíða 30

G R E I N
Fjölmargir gestir hafa dvalið í
Þrastaskógi um lengri eða skemmri tíma,
bæði ungmennafélagar og aðrir
landsmenn. Þarhafa verið skipulagðar
samkomur, íþróttamót og vinnubúðir.
Árið 1973 var vinnuskóli UMFÍ og
UMSK settur á fót í Þrastaskógi. Alls
dvöldu þá í skóginum unr 40 börn við
iðkun íþrótta, leikja og við vinnu undir
stjórn Sigurðar Geirdal, þáverandi
framkvæmdastjóra UMFÍ. Margir
einstaklingar hafa lagt ómælda vinnu
sína til framkvæmda í Þrastaskógi. Á
síðari árum hafa Þórður Pálsson,
Hafsteinn Þorvaldsson, Páll Aðalsteins-
son og Kristján Jónsson verið þar
fremstir í flokki að mörgum öðrum
ólöstuðum. Einnig smíðaði Ingvi
Guðmundsson lítið hús í skóginum 1978
og gaf það UMSK.
FramtíðarskipulagÞrastaskógarmiðast
við að opna skóginn fyrir almenningi.
Markmiðið er að Þrastaskógur megi
verða til þess að fjölsky ldan komi saman
til útivistar og dvalar í yndislegri náttúru.
Það hlýtur að vera von ungmennafélaga
að uppbyggingu í Þrastaskógi verði sem
fyrst hrundið í framkvæmd, en Ijóst er
að framkvæmdir eru bundnar við góðan
stuðning almennings og ungmenna-
félaganna í landinu.
Bréfanám í fimmtíu ár.
Á þessu ári heldur Bréfaskólinn upp á
að liðin eru 50 ár frá því hann hóf
starfsemi sína.
Á þeim árum sem liðin eru hefurmikið
breyst í starfsemi skólans og hafa
samskipti kennara og foreldra breyst
mikið vegna þeirrar tækniþróunar sem
átt hefur sér stað. Þörf fyrir skólastarf
sem þetta hefur alltaf verið fyrir hendi
og er ef til vill aldrei meiri en nú.
Bréfaskólinn hefur ávallt leitast við að
mæta þeim breytingum sem verða í
þjóðfélaginu og ávallt verið í takt við
tímann. Miklar breytingar hafa orðið í
kennsluháttum og hefur Bréfaskólinn
náð að festa sig vel í sessi og er nú
viðurkenndur sem brautryðjandi í allri
fjarkennslu á Islandi.
Megináhersla hefur verið lögð á
tungumálanám, en hin síðari ár hafa
fjölmargar aðrar greinar komið inn í
námsefnisval skólans; siglingafræði,
bókasafnsfræði, landbúnaðarhagfræði,
vaxta- og verðbréfareikningur. I
samstarfi við Bændaskólana og
gistiþjónustu bænda er nú verið að hefja
kennslu á námsefni tengdu þessum
samtökum. Bréfaskólinn hefur haft gott
samstarf við aðrar fræðslustofnanir í
landinu.
Ungmennafélag íslands er nú fullgildur
aðili að Bréfaskólanum. Ástæða er til
þess að hvetja félagana vítt og breitt um
landið til þess að nýta sér það hagnýta
Stjórn Bréfaskólans, talið frá vinstri: Harald Holsvik FFSÍ, Hörður S. Óskarsson UMFÍ, Ingibjörg
Guðmundsdóttir MFA, formaður, Jóhanna Margrét Guöjónsdóttir SÍS, Helgi Skúli Kjartansson SlS,
Ásgerður Ingimarsdóttir ÖBÍ, Sveinn Rögnvaldsson SÍS, Stefanía M. Pétursdóttir KÍ og Guörún
Friðgeirsdóttir skólastjóri. Auk þeirra eru í stjórn: Sjöfn Ingólfsdóttir BSRB, Gylfi Þór Orrason SSB og
Hákon Sigurfinnsson BS.
nám sem skólinn veitir. Námið er að
öllu leyti sniðið að þörfum þeirra sem
ekki komast að heiman, en hafa þörf og
löngun til þess að afla sér hagnýtrar
menntunar á liinum ýmsu sviðum.
Bréfaskólinn er oftast eini möguleiki
fólks heima í héraði til þess að efla
þekkingu sína og afla sér aukinna
réttinda.
Bréfaskólinn er nú sjálfseignarstofnun
og auk Ungmennafélags íslands standa
eftirtaldir aðilar að honum:
Alþýðusamband íslands, Bandalag
starfsmanna ríkis og bæja, Farmanna-
og fiskimannasamband Islands,
Kvenfélagasamband íslands, Samband
íslenskra samvinnufélaga, Stétta-
samband bænda og Öryrkjabandalag
Islands.
Skólastjóri Bréfaskólans er Guðrún
Friðgeirsdóttir en formaður skóla-
nefndar Ingibjörg Guðmundsdóttir.
H. S. Ó.
30
Skinfaxi