Skinfaxi - 01.05.1993, Blaðsíða 26
félögum og þeim sem ekkert æfa. Þannig
æfir 24,2% pilta fjórum sinnum í viku eða
oftar en 16,9% stúlkna, sem er 7,3 pró-
sentustiga munur.
Heldur meiri munur er á þátttöku pilta
og stúlkna í 10. bekk í íþróttum með
íþróttafélögum en í 8. bekk, eins og sjá má
á ntynd 5. Þannig stunda 55,3% pilta í 10.
bekk einhverjar íþróttir með íþrótta-
félögum og 42,3% pilta æfa tvisvar í viku
eða oftar. Til samanburðar æfa 35,7%
stúlkna í 10. bekk eitthvað með íþrótta-
félögum og 25,8% stúlkna æfa tvisvar í
viku eða oftar.
Þessi munur á þátttöku pilta og stúlkna í
íþróttum með fþróttafélögum, einkum í 10.
bekk, þarfnast nánari útskýringar. Það
kemur í Ijós að algengara er að stúlkur
hætti þátttöku í íþróttum heldur en piltar.
Þá kann að vera að hluti skýringarinnar
felist í vaxandi þátttöku stúlkna í íþróttum
og þess vegna gæti hennar fyrr í 8. bekk en
í 10. bekk. Hér væri æskilegt að bera
saman þátttöku pilta og stúlkna í hinum
ýmsu íþróttagreinum til þess að kanna
hvort þessi munur liggur í tilteknum
greinum.
Lokaorð
Þær niðurstöður sem hér hafa verið
raktar sýna svo að ekki verður um villst
hve mikil íþróttaþátttaka íslenskra ungl-
inga er. Því er ljóst að miklu máli skiptir
að vel takist til um skipulag þessa starfs.
Rannsóknir benda til að íþróttir séu
veigamikill þáttur í nútímaheilsugæslu og
þær bæti bæði andlega og líkamlega líðan
unglinga og dragi úr neyslu ávana- og
fíkniefna (Rúnar Vilhjálmsson og Þórólfur
Þórlindsson, 1992; Þórólfur Þórlindsson,
1989; Þórólfur Þórlindsson, Rúnar Vil-
hjálmsson og Gunnar Valgeirsson, 1990).
Alltaf má þó gera betur og ekki er minnsti
vafi á því að íþróttastarfið gæti skilað
meiri árangri en nú er (sjá t.d. Þórólfur
Þórlindsson, 1987). Mikilvægt er að efla
starfið og bæta aðstöðuna þannig að
íþróttastarfið höfði til fleiri barna og
unglinga. I því sambandi er mikilvægt að
reyna að draga úr því brottfalli sem á sér
stað á aldrinum 13 til 16 ára eins og fram
hefur komið í niðurstöðunum hér að
framan. Einkum er brýnt að huga að því
hvers vegna svo margar stúlkur hætta í
íþróttum á þessu aldursskeiði sem raun ber
vitni. Þá er brýnt að bæta menntun þjálfara
og leiðbeinenda og hefja hugsjónir um
drengskap og heiðarleik, heilbrigði og
hreysti, sem lengst af hafa einkennt
íþróttastarfið, til vegs og virðingar.
Heimildir
Guðmundur Finnbogason (1933). íslendingar:
Drög að þjóðarlýsingu. Reykjavík:
Bókadeild Menningarsjóðs.
Rúnar Vilhjálmsson og Þórólfur Þórlindsson
(1992). The integrative and physiological
effects of sport participation: A study of
adolescents. The Sociological Quarterly,
33, bls. 637-647.
Þórólfur Þórlindsson (1987). Hefur þátttaka í
íþróttum fyrirbyggjandi áhrif á neyslu
ávana- og fíkniefna? Skinfaxi, 78, bls. 25-
28.
Þórólfur Þórlindsson (1989). Sport partici-
pation, smoking, and drug and alcohol use
among Icelandic youth. Sociology of Sport
Journal, 6, bls. 136-143.
Þórólfur Þórlindsson, Rúnar Vilhjálmsson og
Gunnar Valgeirsson (1990). Sport parti-
cipation and perceived health status. Social
Science and Medicine, 31, bls. 551-556.
Göngudagur fjölskyldunnar-Hjartagangan:
Utivist og vellíðan
Þátttaka í Göngudegi fjölskyldunnar er í senn hin besta
skemmtun og holl útivist.
Göngudagur fjölskyldunnar er að þessu sinni
laugardaginn 26. júní. Náið samstarf er haft við
Landssamband hjartasjúklinga, Bandalag íslenskra
skáta, BÍS, og Félag hjartasjúklinga, eins og á
síðastliðnu ári.
Það er aldrei of oft brýnt fyrir fólki að njóta
útivistar meir en gert er. UMFÍ hefur nú rekið áróður
fyrir göngudegi fjölskyldunnar í 14 ár. Er sannarlega
ánægjulegt, að svo mörg félög og samtök, sem raun
ber vitni, skuli hafa vaknað til vitundar um þessa
skemmtilegu og gagnlegu tilbreytni og séu nú tilbúin
til leggja þessu mikilvæga málefni lið.
I Reykjavík verður gangan í Elliðaárdalnum og
hefst klukkan 14.00 frá Mjóddinni. Mun borgarstjórinn
í Reykjavík, Markús Örn Antonsson, setja gönguna.
Eru félagar í borginni og nágrenni hennar hvattir lil að
fjölmenna og gera gönguna þannig sem myndarlegasta.
Þá eru félagar úti á landi hvattir til að leita
sam: ' ' og samtök hjartasjúklinga í sínu
bygj )g foreldrafélög, kóra, kvenfélög,
hjón aiYlt4LV<_y~ _ ^ a hópa, sem eru tilbúnir til að vera
með. Mikilvægt er að velja gönguleiðir og fararstjóra,
sem þekkja vel til staðhátta, örnefna og merkisstaða.
26
Skinfaxi