Skinfaxi - 01.12.1993, Side 12

Ungmennasamband Austur-Húnavatnssýslu:
Stórbætt aðstaða
-til íþróttaiðkunar
Stór hluti starfs Ungmennasam-
bands Austur-Húnvetninga byggir á
íþróttum. Auk þess gengst sambandið
fyrir svokallaðri Húnavöku, sem haldin
er á vorin og stendur yfir í viku. Þar er
sett upp fjölbreytt menningar- og
skemmtidagskrá. Húnavakan stendur á
gömlum grunni því hún hefur verið
árlegur viðburður um 50 ára skeið.
„Hún hefur tekið nokkrum breyting-
um,“ sagði Valdimar Guðmannsson
formaður USAH í spjalli við Skinfaxa,
,,því fyrir svona 20 árum var dansað
sjö kvöld í röð. Nú er einungis dansað
þrjú kvöld.
En þarna eru leiksýningar, mál-
verkasýningar, blandaðar kvöldvökur
og fleira. Þetta er allt byggt upp af
heimamönnum, sem vinna hvert hand-
tak í sjálfboðavinnu. Það er mikið starf
og má segja að síðasta mánuðinn fyrir
Húnavöku fari hver stund, sem aflögu
er, til að undirbúa hana.“
í tengslum við Húnavökuna er gefið
út samnefnt rit. Það hefur komið út í
33 ár og hefur einkum að geyma fréttir
Valdimar Guðmannsson formaður USAH.
og fróðleik úr héraðinu. Þar til skipuð
ritnefnd á vegum ungmennasambands-
ins sér um útgáfuna. Þarna gegnir sama
máli og með samkomuna, að öll sú
mikla vinna sem inna þarf af hendi er
unnin af sjálfboðaliðum.
Það getur talist til tíðinda, að sami
ritstjórinn hefur séð um Húnavökuna í
þau 33 ár sem hún hefur komið út.
Heitir sá Stefán A. Jónsson á Kagaðar-
hóli.
I ritinu eru fréttir af helstu við-
burðum ársins. Þá eiga ungmennafé-
lögin á svæðinu, svo og önnur félaga-
samtök sinn sess í því. Húnvetninga,
sem látist hafa á árinu, er minnst.
Þarna er því um heimildarit að ræða,
sem á vaxandi vinsældum að fagna.
Talsvert hefur verið um að fólk hafi
viljað kaupa eldri eintök sem það hefur
vantað í ritröðina. Því hefur verið farið
út í að láta endurprenta fimm árganga,
sem áður voru uppseldir.
Blómlegt íþróttastarf
Eins og áður sagði er mikið og
blómlegt íþróttastarf innan vébanda
USAH. Sambandið sjálft hefur einkum
verið með frjálsar íþróttir, körfubolta
og skák á sínum snærum. Aðrar
íþróttagreinar hafa svo skipst á félögin
á svæðinu. Þannig hefur fótboltinn
verið hjá Umf. Hvöt, sem er
langstærsta aðildarfélagið af tíu innan
sambandsins.
A síðasta ári var tekið í notkun nýtt
íþróttahús á Blönduósi og færðist þá
enn aukinn kraftur í íþróttalífið. Grein-
unum fjölgaði frá því sem áður hafði
verið. Þá tóku nokkrir vaskir menn og
konur sig til, brettu upp ermarnar og
breyttu malarvellinum í grasvöll á
einni viku! Oneitanlega vel að verki
verið. Annar grasvöllur er á svæði
Umf. Vorboðans sem er rétt fyrir utan
Blönduós. A Skagaströnd er svo mal-
arvöllur. Knattspyrnufólkið innan
USAH er því hreint ekki illa sett.
A sambandssvæðinu eru þrír frjáls-
íþróttavellir, á Blönduósi, Skagaströnd
og hjá Umf. Vorboðanum. Síðastliðið
Þeir sáu um þjálfun frjálsíþróttafólks hjá USAH síðastliðinn vetur,fv. Jón Sœvar Þórðar-
son, Calle Jakobsen og Guðmundur Ragnarsson. Calle var einnig framkvœmdastjóri
sambandsins.
12
Skinfaxi