Skinfaxi - 01.12.1994, Qupperneq 20

Sigurjón Bjarnason:
Ferð á landsmót hinna
dönsku ungmennafélaga
Á nýliðnu sumri var sögumaður þessa
þáttar valinn til þess að heimsækja lands-
mót ungmennafélaganna ásamt nokkrum
öðrum vöskum íslenskum ungmennafélög-
um úr öllum landsfjórðungum. Verkefnið
var forvitnilegt, því að mikið hafði ég
heyrt um hin dönsku landsmót, en aldrei
átt þess kost að upplifa þau.
“UMFÍ-liðið“ byrjaði á því að hittast í
Fellsmúlanum, þjónustumiðstöð UMFÍ,
daginn fyrir brottför, þar sem að Sæmund-
ur framkvæmdastjóri lagði línurnar. Hafði
hann mestar áhyggjur af því að menn
gleymdu að skemmta sér, en ferðin var
skipulögð sem fræðslu- og kynnisferð, ef
að einhver sú nýiunda sem fyrir augu
kynni að bera, gæti nýst þeim sem standa
fyrir landsmótum innan hinnar íslensku
ungmennahreyfingar á næstu árum og ára-
tugum. Ábyrgðin var sem sé þung, sem
lögð var á herðar þessa 11-manna hóps.
Enginn kveinkaði sér þó, en ekki var laust
við að ferðafélagarnir væru svolítið upp
með sér, jafnvel tilbúnir að koma heim
með tillögur að stórfelldum breytingum á
landsmótshaldi UMFÍ.
Allt liðið skilaði sér út á Keflavíkur-
Hugvöll daginn eftir, auk ágæts fulltrúa frá
Olís hf, Ragnheiðar Bjarkar Guðmunds-
dóttur, en hún fylgdi hópnum þeirra erinda
að kynnast eðli og starfi ungmennahreyf-
ingarinnar, vegna samstarfs sem verið er
að byggja upp milli fyrirtækis hennar, Olís
hf., og UMFÍ. Er óhætt að segja að „ung-
frú 01ís“, en og hún var gjarnan kölluð,
hafi verið eins konar krydd í hópinn, því
að fljótt kom í ljós að hér var á ferðinni
bráðskemmtilegur og hæfileikaríkur ferða-
félagi, sem ekki lagði það í vana sinn að
setja ljós sitt undir mæliker.
Eins og myndasaga
Segir nú ekki af ferðum sendinefndar-
innar fyrr en komið var í Nýborg á Fjóni,
eftir flugferð, lestarferð og ferjusiglingu, á
12. tímanum fyrir miðnætti, 2-3 tímum á
eftir áætlun. Þennan tíma hafði fulltrú
DGI, hinnar dönsku ungmennahreyfingar
Ove Kjeldsen, beðið þolinmóður eftir okk-
ur. Ove er þægilegur í viðmóti, brosmildur
og greinilega ungur í anda, hress karl á
miðjum aldri. Vorum við drifin upp í rútu,
síðan ekið til tómstundahúss eða félags-
heimilis í þorpinu Ferritslev, þar sem við
áttum eftir að gista landsmótsdagana. Fer-
ritslev er sunnarlega á Fjóni, ekki langt frá
Svendborg, landsmótsstaðnum í ár.
I endurminningunni eru næstu dagar
eins og myndasaga í ævintýrablaði, alls
ólík daglegu lífi okkar ferðafélaganna, full
af spennandi atburðum, skrautsýningum,
söng, dansi, listviðburðum og ekki má
gleyma íþróttunum, þar sem ýmist var háð
hörð keppni eða brugðið á léttan leik. Á
hverri mínútu bar eitthvað nýstárlegt fyrir
augu. Munurinn var sá að í stað þess að
vera áhorfendur, lesa ævintýrið upp úr
blaði, tókum við þátt í því og upplifðum
atburðina sjálf.
Setningarathöfnin var sérlega glæsileg.
Skrúðganga þátttakenda ætlaði aldrei að
taka enda, fólkið bókstaflega fossaði inn á
leikvanginn undir taktfastri tónlist. Á end-
anum var völlurinn bókstaflega troðinn af
fólki, þar sem hver einstaklingur hafði yfir
að ráða fleti sem var 45x45 cm að flatar-
máli. Undir ræðum og samstilltum söng
skemmtu þátttakendur sér við að tollera
hvern annan, mátti sjá þá skutlast upp úr
breiðunni, án þess þó að neitt rugl kæmist
á raðirnar. Stundum var þeim ekki kastað
beint upp í loftið, heldur lárétt yfír hausa-
mótum nokkurra. Ekki veit ég um lending-
una. Bylgjuhreyfingar í áhorfendastæðum
voru iðkaðar linnulítið og fóru hring eftir
hring í kring um fólksmergðina niðri á
flatneskjunni.
Trú hlutverki okkar reyndum við að
dreifa okkur um landsmótssvæðið, þannig
að við kæmum heim með sem mesta vit-
neskju af þessum stórviðburði, en keppni
og sýningar áttu sér stað víða um borgina
(Svendborg), þó að mest væri um að vera
við aðalleikvanginn í útjaðri borgarinnar,
þar sem sýndar voru fimleikasýningar
stanslaust alla landsmótsdagana. Þess á
milli mæltum við okkur mót, gjarna á mál-
tíðum í matartjöldunum, þar sem tugir þús-
unda gesta og þátttakenda gátu fengið að
borða á undraskömmum tíma. Það voru
Dönsku járnbrautimar sein stóðu fyrir fæð-
issölu, en þær höfðu tekið að sér allar veit-
ingar á mótinu sem verktaki.
Söguleg þátttaka
Meðal annars voru nokkrir úr fulltrúar
DGI í undirbúningsnefnd landsmótsins
Þama mátti meðal annars sjá fimleikahóp frá Islandi með íslenska fánann blaktandi við
hún.
20
Skinfaxi