Skinfaxi - 01.10.1995, Síða 46

Kristján Kristjánsson
Það þýtur í
Sassafrastrjánum
(JR & SKART
Annað leiklistarárið í röð hefur Ungmennafélagið Efling hafið
sýningar á Indíánaleiknum „Það þýtur í Sassafrastrjánum" eftir
höfundinn René de Obaldia. Leikritið fékk mjög góðar móttökur
s.l. vetur þrátt fyrir að færðin á Laugar hafi ekki alltaf verið góð
og segja aðstandendur verkefnisins að slæm færð sé einmitt ein
af ástæðum þess að leikritið var tekið aftur til sýningar.
Leikritið gerist á heimili bláfátækrar landnemafjölskyldu í
Kentucky í byrjun nítjándu aldar. í íslensku útgáfunni talar
fjölskyldan íslensku en notar enskar „slettur" sem gerir
áhorfandanum auðveldara að lifa sig inní heim Rockefeller
fjölskyldunnar. Húsbóndinn á heimilinu John Emery Rockefeller
dreymir um það eitt að verða ríkur, en sonur hans, Tom, sem er
orðin leiður á draumórum pabba, á sér þann draum að verða
„alvöru" kúreki. Eiginkonan, Carolina, getur séð framtíðina í
glerkúlu og sýnir hennar verða til þess að fjölskyldan verður
loksins rík en áður en það gerist deyr Tom (eða það heldur
fjölskyldan), indíánar ráðast
á heimili þeirra, John kemst
að því að gleðikonan
Miriam er raunverulega
dóttir lians. Svo má ekki
gleyma því að William
Butler, drykkfelldur læknir,
giftist Miriam sem seinna
deyr en lifnar svo við. Eg
held ég hætti hér að reyna
að útskýra söguþráðin í
þessu bráðskemmtilega
leikriti og láti það eftir
leikurunum, en til þess eru
þeir einmitt.
■ ■
toir
i
Bankastræti 6 • Sími 551 8600
I