Skinfaxi - 01.10.2001, Blaðsíða 11

með mitt hlutskipti í dag og þakka fyrir
þau tækifæri sem mér buðust til að koma
mér þangað sem ég er í dag.“
Áttir þú þá einhverjar íslenskar fyrir-
myndir sem þú vildir feta í fótspor?
„Eyjamaðurinn Ásgeir Sigurvinsson var
mín fyrirmynd þegar ég var yngri. Ásgeir
var minn uppáhalds knattspyrnumaður og
stórkostlegur leikmaður í alla staði.“
Nú ertu búinn að ná lengra en margir
íslenskir knattspyrnumenn. Er þetta
eintóm hamingja að vera atvinnu-
maður í knattspyrnu?
„Þetta er misgaman. Stundum er þetta
frábært og stundum koma erfiðir tímar.
En ég kvarta ekki yfir þessari vinnu og nýt
hverrar æfingar og leiks til hins ýtrasta.
En það er mikil pressa á manni til að
standa sig vel í leikjum frá þúsundum
áhangenda og maður verður að standa
undir þeirri pressu.“
Hvað er það skemmtilegasta við þetta
- eru það t.d. allir peningarnir sem
streyma inn á bankareikninginn um
hver mánaðarmót?
„Hvað launin varðar þá er það ekki
aðalatriðið en maður verður jú að fá laun
fyrir vinnuna sfna. Ef það væri ekki þá
væri ég að vinna einhversstaðar annars-
staðar. En fyrst og fremst er maður
þakklátur fyrir það að vinna við það sem
manni finnst skemmtilegast - að spila
knattspyrnu. En ég hef ekkert áhyggjur af
því þegar ég kaupi prins og kók!“
Aldrei jafn margir fagnað mér
En það er náttúrulega til mikil ætlast af
ykkur og þið æfið mikið?
„Þetta er náttúrulega vinna hjá manni og
maður æfir stíft á hverjum degi til að
halda sér í formi. Þá er hugsað vel um
okkur leikmennina og erum við undir
eftirliti hvað mataræði varðar hjá
sérstökum sérfræðingi. Maður borðar
náttúrulega hollan og góðan mat til að
ergja hann ekki.“
Hvernig kanntu við þig í ensku
deildinni og vera að spila á móti þeim
bestu í heimi?
„Ég kann afskaplega vel við mig hér í
Englandi og það má segja að draumur
hafi ræst þegar maður fékk tækifæri á því
að spila í úrvalsdeildinni. Maður hafði
fylgst með úrvalsdeildinni í gegnum sjón-
varpið þegar maður var yngri og þegar
maður fékk tækifæri á því að spila meðal
þeirra bestu þá sló maður ekki hendinni á
móti því.“
Þú varst mikill aðdáandi Manchester
United þegar þú fórst út. Eru þeir enn í
uppáhaldi hjá þér?
„Já, það má segja það. Ég dáist að því
hvernig þeir spila og hvernig þeir hafa
verið áberandi besta liðið hérna úti i
Englandi. Það segir sitt að liðið er búið að
vinna deildina sjö sinnum sl. níu ár og
meira að segja þrefalt með meira og
minna sama mannskapinn. En þegar
maður mætir þeim þá gefur maður
náttúrulega ekkert eftir.“
Þú hefur meira að segja skorað fyrir þá
glæsilegt mark á Old Trafford heima-
velli þeirra - var það ekki góð tilfinn-
ing?
„Jú, það má segja það - allavegana þá
hafa aldrei jafn margir fagnað mér fyrir að
skora mark.“
Arsenal á eftir Hemma
Þú hefur glímt við marga af bestu
sóknarmönnum heims. Við hvern finn-
st þér erfiðast að glíma?
„Menn eru náttúrulega misjafnir eins og
þeir eru margir. Sumir eru virkilega fljótir
og aðrir líkamlega sterkir þannig að þeir
eru of margir til að nefna einhvern einn.
Eigum við ekki bara að segja félagi minn
Tryggvi Guðmundsson þegar við vorum
peyjar í Vestmannaeyum - hann í Þór og
ég f Tý.“
Þrátt fyrir slæmt gengi ykkar í vetur þá
hefur þú verið að spila vel og svo
virðist, samkvæmt enskum fjölmið-
lum, að nokkur stórlið í enska boltan-
um séu að fylgjast með þér m.a. lið
eins og Arsenal?
„Það eru náttúrulega rosalega miklar
spekúleringar í gangi endalaust um
svona mál en ég held að þetta sé meiri
blaðaumræða en annað. Ég er ekkert að
velta þessu endalaust fyrir mér en ef
eitthvað er til í þessu þá er það frábært en
ef ekki þá skiptir það í raun engu máli.“
Ef menn ætla að ná svona langt eins
og þú þá þurfa þeir sjálfsagt að hugsa
vel um líkamann sinn og hvað þeir
setja ofan í sig. Hvernig ferð þú að og
hvað þarf til að ná svona langt?
„Ég held að það sé bara eins og með
spakmælið: Þú uppskerð eins og þú sáir.
En umfram allt þá þarf maður að hafa trú
á því sem maður er að gera og vera
jákvæður. Þá er ekki verra að vera
bjartsýnn og með smá sjálfsaga."
Alger heimska að standa í svona
hlutum
Hvað með reykingar og áfengi. Eru
þessi hlutir á bannlista hjá þér?
„Ég reyki ekki og hef aldrei gert en hvað
áfengið varðar þá er það undir hverjum
og einum komið. Það er kannski eins
með það og annað að það er gott í hófi ef
að menn hafa stjórn á þessum hlutum.“
Nú virðist sem notkun ólöglegra lyfja
hafi aukist í boltanum t.d. hafa holl-
ensku landsliðsmennirnir Edgar
Davids, Frank de Boar og nú síðast
Jaap Stam orðið uppvísir að notkun
ólöglegra lyfja og fengið bann. Er
þetta að aukast í boltanum?
„í dag er strangara eftirlit með svona
hlutum og ef menn eru eitthvað að nota
ólögleg lyf þá kemst það upp um síðir.
Hvað þessa kappa varðar þá voru þeir
kannski óheppnir og fengu lyf uppskrifað
frá læknum sem voru á gráu svæði. En
það er ekki til eftirbreytni."
Hvað finnst þér um lyfjanotkun í
íþróttum?
„Ég er algerlega á móti notkun á
ólöglegum lyfjum almennt. Hins vegar
finnst mér í lagi að nota þau vítamín og
fæðubótarefni sem eru lögleg."
Að lokum ef þú værir enn að spila á
íslandi og fylgdist með enska bolt-
anum heima í stofu um helgar. Hvaða
búning mundir þú þá klæðast?
„Ætli ég myndi ekki bara draga upp gömlu
ÍBV treyjuna mína!
VINTERSPORT