Skinfaxi - 01.10.2001, Blaðsíða 35
er orðið fyrir sárafáa og stefnir í það að
verða aðeins fyrir þá sem eiga nóga
peninga. Það virðist allt snúast um virkjanir
og að færa sárafáum einstaklingum auð í
stað þess að hugsa um einstaklinginn."
Mun þjóðin fá að heyra í Bubba Mort-
hens spila og syngja eftir 20 ár?
„Það ætla ég rétt að vona, eigum við ekki
að bara að segja þrjátíu ár! Það verður eins
með mig og Johnny Lee Hopkins - maður
verður borinn inn á sviðið, settur í stól og
slegið hressilega í bakið á manni svo að
maður hrökkvi í gang. Síðan þegar maður
er búinn að spila í einhvern tíma þá tekur
einhver af manni gítarinn.“
Nú hefur þú brennandi áhuga á boxi.
Hvenær byrjaðir þú að fylgjast með
boxinu?
„Ætli ég hafi ekki verið átta eða níu ára
þegar ég byrjaði að fylgjast með boxinu og
áhuginn hefur verið ódrepandi síðan. Ég
hef séð mikið af flottum bardögum erlendis
og ætli eftirminnilegasti bardaginn hafi ekki
verið þegar Þrinsinn var sleginn í fyrsta
skiptið niður í Newcastle í Englandi árið
1996. Það var mjög eftirminnilegt að sjá
þennan bardaga enda ekki oft að hann er
sleginn í gólfið.
Hvað viltu segja við þá unglinga sem
eru að fikta við dóp og áfengi?
„Númer eitt, tvö og þrjú að fresta
ákvörðunartökunni um að setja í sig
einhverskonar efni. Fresta henni alla-
vegana til tvítugs. Fólk verður að vita það
að það er að glíma við alveg óskaplega
hættuleg efni og þú verður að gera það að
púra skynsemi. 15 eða 16 ára unglingur er
ekki fær um að taka þessa ákvörðun en
tvítugur einstaklingur er hins vegar fær um
það að mínu mati. Ég get ekki sagt við
unglinga að þau eigi að láta þetta í friði,
það hefur ekkert upp á sig. Það sem ég vil
meina er að þau eru að taka ákveðna
áhættu sem gæti skilað sér í því að það
verður ekki aftur snúið. Þannig að ég segi:
Bíðið þið með að taka þessar ákvarðanir.
En ef þau taka ákvörðun um það að setja
ofan í sig þessi efni verða þau líka að taka
afleiðingunum sem geta verið líflát eða
geðveiki. Þá getur líf þessara einstaklinga
verði ein hörmung það sem eftir. Þessi
möguleiki er líka fyrir hendi og það er
jafnmikill möguleiki á því að þetta gerist
eins og ekki. Það veit nefnilega enginn
hvar mörkin liggja.
Félag járniönaöarmanna
Suðurlandsbraut 30
108 Reykjavík
Opiö kl. 7°° - 21°° virka daga • B°° - 183D um helgar
Sími 461 4455