Skinfaxi - 01.10.2001, Blaðsíða 13

ásdís maría franklín
Gat ekki beðið eftir að
maturinn þiðnaði
Fyrirsæta 14 ára
Hvernig stóð á því að þú fórst erlendis til
að starfa sem fyrirsæta? „Ástæðuna má
rekja til þess að ég var frekar feimin og lokuð
þegar ég var unglingur og mig langaði til að
vera ég sjálf. Ég fór því á námskeið hjá
Kolbrúnu Aðalsteinsdóttur í framkomu til að
reyna að losna við feimnina. Kolbrún var á
þessum tíma einnig með fyrirsætukeppni og
spurði hvort ég hefði áhuga að vera með. Ég
ákvað að vera með enda taldi ég það gott fyrir
sjálfstraustið. Ég lenti í öðru sæti og Kolbrún
fékk leyfi hjá mömmu og pabba til að senda
mig út til New York. Þar tók ég þátt í fyrirsætu-
og hæfileikakeppni. Ég fékk ég 23 tilboð frá
umboðsaðiium og módelskrifstofum sem
þýddi að ég ætti einhverja möguleika að gera
góða hluti. Þar með var boltinn farinn að rúlla."
Það hefur ekkert vafist fyrir þér að fara þar
sem þú varst aðeins 14 ára? ,,Jú, og í raun
brast ég í grát og varð hálf hrædd þegar ég
fékk öll þessi tilboð. Ég átti engan vegin von á
þessu og vildi fara heim. Ég ákvað þó að fara
til Mílanó og þótt ég hafi ekki verið nema rétt
rúmlega 14 ára þá þýðir það ekki að ég hafi
verið of ung. Það má ekki að horfa í árinn
heldur verður hver og einn að meta andlegan
þroska einstaklingsins. Ég taldi mig vera nógu
þroskaða og ákvað því að reyna fyrir mér.
Mamma og pabbi voru að sjálfsögðu með í
ráðum og mamma eða Kolbrún fylgdu mér
hvert sem ég fór. Ég var því aldrei ein."
Ásdísi Maríu Franklín þarf vart að kynna en hún er ein þekktasta fyrirsæta sem íslendingar
hafa átt. í fjögur sumur og einn vetur, frá 1993 til ársloka 1996, starfaði hún og bjó í
Milanó, New York og Tokýó þar sem hún gat valið úr verkefnum. Hún var eftirsótt og var
m.a. boðsgestur í afmælum Naomi Campell og Elle McPherson. Hún naut lífsins og fannst
það lærdómsríkt og skemmtilegt en skyndilega bar skugga fyrir sólu. Hún var alltaf ósátt
við líkamann sinn, taldi sig of þybbna og var stöðugt að reyna að megra sip. Hún borðaði
lítið, æfði mikið og að lokum var hún komin langt undir kjörþyngd sína. Asdís segir hér
Valdimar Kristóferssyni í stuttu máli sögu sína en hún glímdi við lystarstol og lotupræðgi,
sem leiddi til þess að hún ákvað að hætta í fyrirsætustörfunum og koma heim til Islands.
Ásdís telur að margar ungar stúlkur hér á landi glími við sömu vandamál og hún. í dag er
Ásdís sátt við sjálfa sig og stundar nám í sjúkraþjálfun við Háskóla íslands.