Skinfaxi - 01.02.2004, Blaðsíða 5
llmhverfismáí
gjarnan minnka notkun á og á
þann hátt verða umhverfis-
vænni, auk þess sem um leið
sparast stórar fjárhæðir þegar
til lengri tíma er litið. Það þarf
ekki mikla þekkingu til að
standa sig vel í að gæta að um-
hverfinu okkar. Oft þarf ekki
annað en rétt hugarfar og vilja.
Hvað með að ganga
og hjóla?
Við getum líka gert ýmislegt
annað til að vernda náttúruna.
Hvað t.d. með að ganga eða
hjóla í stað þess að nota bílinn,
eða nota almenningssamgöng-
ur þar sem því verður við kom-
ið. Það eru til óteljandi leiðir.
Ekki er hægt að sleppa um-
fjöllun um umhverfismál UMFÍ
öðruvísi en að geta Þrasta-
skógar. Mikil uppbygging á sér
stað þar, bæði hvað varðar
húsið okkar í skóginum og eins
sjálfan skóginn. Með þessari
glæsilegu uppbyggingu mun
skapast kærkomið tækifæri fyrir
ungmennafélagshreyfinguna
að auka fræðslu um umhverfis-
mál og það munum við örugg-
lega nýta okkur óspart. Fleiri
munu heimsækja skóginn og
tækifæri gefast til að koma
skilaboðum á framfæri við al-
menning um bætta umgengni
við náttúruna. Einnig má segja
að sama gildi um alla aðra
skógarreiti sem eru í umsjá eða
eigu ungmennafélaga vítt og
breitt um landið.
Markmið UMFÍ í umhverfismál-
um eru ekki flókin og ekki erfitt
að vinna eftir þeim. Ef okkur
tækist á næstu árum að efna
fyrsta lið markmiðanna, þá er
björninn unnin. ,,Að efla vitund
ungmennafélaga og almenn-
ings á ábyrgð hvers einstak-
lings í umhverfismálum“. Ef við
tökum ábyrgð á gjörðum okkar
hvert og eitt í þessu sem öðru,
þá væri heimurinn betri.
Markað okkur stefnu í
umhverfismálum
Til að við getum nálgast sett
mark í umhverfismálum til fram-
tíðar þá höfum við markað okk-
ur stefnu með leiðum að settu
marki. Til að ná þessu marki þá
þurfum við að skerpa okkur
verulega og vinna eftir þessum
leiðum. Ég vil því enda þessa
umfjöllun mína um framtíð ung-
mennafélagshreyfingarinnar í
umhverfismálum á því að birta
þessar leiðir og bind vonir
mínar við að sem flestir ung-
mennafélagar vinni eftir þeim.
Þannig getum við náð ásætt-
anlegu marki.
1. Að aðildarfélög UMFÍ marki
sér skýra umhverfisstefnu til að
vinna eftir.
2. Ungmennafélög leiti sam-
starfs við fagaðila og samtök
er vinna að náttúru- og um-
hverfisvernd.
3. Fræðsla um umhverfismál
og náttúruvernd verði hluti af
menntun leiðtoga.
4. Ábyrg umgengni við landið
verði hluti af uppeldis- og
íþróttastarfi ungmennafélaga.
5. UMFÍ skal leitast við að
fræða fólk um leiðir til sjálf-
bærar þróunar.
6. Ungmennafélögin leitist við
að hluti af barna- og unglinga-
starfi fari í vettvangs- ferðir í
náttúruna til að kenna, og að
lesa og virða umhverfi sitt.
7. UMFÍ veiti árlega viðurkenn-
ingu þeim aðila innan eða utan
samtakanna sem þykir hafa
skarað fram úr á sviði um-
hverfismála.
Björn B. Jónsson
formaður UMFÍ
Ævintýrin bíða þín!
Spennandi námskeið erlendis á vegum UMFÍ
Námskeiðin eru ætluð ungu fólki, 16—25 ára.
Kjörið tækifæri til að kynnast nýjum vinum, efla
sjálfstraust og bæta tungumálakunnáttu.
Grænland
Leiklistarnámskeið í Grænlandi, 25. júní-5. júlí:
Vikunámskeið í lok júni, haldið í Julianeháb í Grænlandi.
Leiklist líf og fjör. Þema námskeiðsins er götuleikhús.
Þátttakendur koma frá íslandi, Grænlandi og Færeyjum.
Aldur: 18-22 ára.
Danmörk Finnland
Norrænn leiðtogaskóli í Danmörku,
27. júní-4. júlí:
Sjö daga leiðtogaþjálfun.
Viðkomandi verður að tala ensku eða skandinavisku
og hafa reynslu úr starfi ungmennafélaga.
Aldur: 18-25 ára.
Ungmennavika í Finnlandi, 2.-9. ágúst:
Ungt fólk frá öllum norðurlöndum tekur þátt í viku-
námskeiði sem byggt er upp á smiðjum: íþróttir, leiklist,
siglingar, veiðar, tónlist, og margt fleira. Þemað að þessu
sinni er Lífið í skerjagarðinum.
Aldur: 16-25 ára.
Nánari upplýsingar er að finna á heimasfðu UMFÍ, www.umfi.is eða á Þjónustumiðstöð UMFÍ í síma 568 2929