Skinfaxi - 01.02.2004, Blaðsíða 8
Aíþingistnerm um UMFÍ
Eru þeir ungmennafélagar og
hvað segja þeir um UMFÍ?
- Skinfaxifór á stúfana niður á Aíþingi og gómaði þar nokkra aCþingistnenn
Skinfaxi fór á stúfana
niður á Alþingi og gómaði
þar nokkra alþingismenn.
Hugmyndin var að athuga
hversu margir alþingis-
menn væru eða hefðu
verið ungmennafélagar á
sínum tíma. í raun var
spurt um fleira og voru
spurningar því alls fjórar
sem lagðar voru fyrir þing-
mennina.
Spurningarnar:
1. Ertu ungmennafélagi
eða varstu það áður fyrr?
2. Hvernig varstu þátttak-
andi í starfinu?
3. Stundar þú einhverja
hreyfingu í dag?
4. Hvað finnst þér um
starfsemi UMFÍ?
Það kemur sjálfsagt fæst-
um á óvart að mikill meiri-
hluti þingmanna eru eða
voru ungmennafélagar og
lang flestir þeirra eru
ánægðir með hreyfinguna
s.s. ósammála um flest á
þingi en sammála um
jákvæða starfsemi UMFÍ.
Starf ungmennafélaganna skiptir
miklu máli fyrir land og þjóð
- segir Siv Friðíeifsdóttir Framsóknarfíokki
1. Ég var í Gróttu.
2. Spilaði handbolta þegar ég var
12-15 ára og tók líka þátt í sjálf-
boðaliðastarfi.
3. Ég stunda kraftgöngu og hef
spilað badminton með KR í mörg
ár. Er þó núna í hvíld frá badmin-
toninu þar sem ég sleit kross-
band í hné.
4. Starf Ungmennafélaganna
skiptir miklu máli fyrir land og
þjóð. Það er aðdáunarvert hvað
Ungmennafélagi íslands hefur
tekist vel að þróa starf sitt í takt
við breytta tíma, en félagið var
stofnað 1907. Aldrei hefur verið kvikað frá grundvallar-
hugsjónum þeirra framsýnu manna sem lögðu grunn að starfi
UMFÍ um ræktun lýðs og lands. íþróttir, leikslist, forvarnir og
ekki síst umhverfisverndin í formi gróðurverndar, hreinsunar,
skógræktar, landgræðslu og ýmiskonar varðveislu eru ung-
mennafélögum mikilvæg. Þetta eru þau verkefni sem gott væri
að sem flestir tileinkuðu sér og UMFÍ hefur svo sannarlega haft
áhrif á breytt viðhorf almennings hvað þau varðar.
Keppti á landsmótinu
að Eiðum
- setjir Koíþri'm Haiídórsdóttir Vinstri grcenum
Ég er nú ekki meðlimur í ungmennafélagi og
minnist þess ekki að hafa verið tengd einu
slíku, þó skal ég nú ekki sverja fyrir það, því
ég keppti nú á sínum tíma á landsmóti
ungmennafélaganna að Eiðum 1968, fyrir
Breiðablik sem mun hafa verið aðili að
UMSK - Ungmennasambandi Kjalanes-
þings.... en sem sagt fátt um fína drætti í
þessum efnum hjá mér.
Var leiðbeinandi í
félagsmálaskóla UMFÍ
- segir iVínrtjrét Frímannsdóttir Samfyíkingunni
1. Var félagi í ungmennafélagi Stokkseyrar.
2. Sat þar í stjórn og tók reyndar þátt í flestu
sem félagið bauð uppá var síðan í félags-
málaskóla UMFÍ og leiðbeinandi þar í
nokkur ár.
3. Ekkert reglubundið en góður göngutúr
gerir ótrúlegt gagn.
4. Starfið er frábært og ekki versnaði það við
samstarfið við Hrókinn þegar skákkennslan
var tekin inn í fasta starfsemi UMFÍ. Starf
hreyfingarinnar hefur mikið forvarnargildi.
Eg styð heilshugar allt starf UMFÍ
- segir Magmis Stefánsson Framsóknarflokki
1. Ég hef verið ungmennafélagsmaður svo langt sem ég man
aftur í tímann. Gekk barn að aldri í UMF Víking í Ólafsvík, starf-
aði lengi í félaginu og keppti fyrir hönd þess í ýmsum íþrótta-
greinum.
2. Var meira og minna í knattspyrnuliði fé-
lagsins fram undir þrítugsaldur, að undan-
skildum tveimur árum sem ég var í liði FH,
þá keppti ég fyrir félagið í öðrum íþrótta-
greinum s.s. frjálsum íþróttum, sundi og
körfuknattleik. Ég var nokkur ár í stjórn UMF
Víkings, þar af formaður um tíma. Hef ekki
verið mjög virkur í starfi félagsins sl. 10-15
árin, en þó komið að því í nokkrum tilfellum.
Einnig hef ég starfað á vettvangi HSH.
3. í dag stunda ég sund og líkamsrækt, auk þess að ganga í
náttúrunni.
4. Starfsemi ungmennafélaganna og UMFÍ er mjög mikilvægt
á landsvísu. Ég er ánægður með hvernig það gengur fyrir sig
og þekki það vel hve mikill framfarahugur er í
ungmennafélögum almennt og áhugi fyrir eflingu
starfseminnar. Ég tel þetta mjög mikilvægt í okkar samfélagi
og styð heilshugar allt þetta starf.