Skinfaxi - 01.08.2007, Blaðsíða 8

25. LaÁuUwJír UM 5Í
25.LANDSMÓT
umfI
Glæsileg setningarathöfn á 25. Landsmóti UMFÍ
25. Landsmót UMF( var sett á Kópavogsvelli
fimmtudaginn 5. júlí. Setningarathöfnin þótti
mjög glæsileg og var mikill metnaður lagður í
hana í hvívetna. Á annað þúsund þátttakendur
á mótinu gengu fylktu liði inn á völlinn. Hátt í
þrjú þúsund áhorfendur voru við setninguna en
ný stúkubygging við völlinn var formlega tekin
í notkun við þetta tækifæri. Keppni á landsmót-
inu hófst snemma á fimmtudagsmorgninum 5.
júlí og stóð fram á miðjan sunnudag 5. júlí.
Ólafur Ragnar Grímsson, forseti (slands, og
Gunnar Birgisson, bæjarstjóri í Kópavogi, fluttu
ávörp en það var síðan Björn B. Jónsson, for-
maður UMFl, sem setti 25. Landsmót UMFl.
Kynnir á opnunarhátíðinni var leikarinn
geðþekki, Örn Árnason. Skólahljómsveit Kópa-
vogs flutti tónlist ásamt kórum Kársnes- og
Snælandsskóla. Friðrik Ómar söng með kórun-
um. Þá sungu tenórsöngvararnir Jóhann Frið-
geir Valdimarsson, Gunnar Guðbjörnsson og
Björn Jónsson.
Hera Björk, Regína Ósk, Margrét Eir og
Heiða Ólafs þöndu raddböndin og Eiríkur
Hauksson kom til landsins af þessu tilefni og tók
Eurovisionlagið. Birgitta Haukdal og Jónsi fluttu
landsmótslagið sem samið var sérstaklega af
Trausta Bjarnasyni fyrir hátíðina og svo komu
fram Götuleikhús Kópavogs, leikhópurinn Kær-
leikur og fjöllistamenn frá Hinu Húsinu. Þá var
glæsileg fimleika- og glímusýning sem æfð var
sérstaklega fyrir hátíðina og keppt var í 800
metra hlaupi.
Landsmótsnefnd var skipuð eftirtöldu
fólki: Gunnar Birgisson, bæjarstjóri, formaður
nefndarinnar, Valdimar Leó Friðriksson, UMSK,
Þórður Guðmundsson, UMSK, Ester Jónsdóttir,
UMSK, Jón Finnbogason, UMSK, Ómar Geir
Þorgeirsson, UMSK, Björn B. Jónsson, formaður
UMFl, Sæmundur Runólfsson, UMFl, og Anna
Möller, UMFl. Björn Hermannsson varfram-
kvæmdastjóri Landsmótsins.
3 SKINFAXI - tímarit Ungmennafélags íslands