Skinfaxi - 01.08.2007, Blaðsíða 29

Hafoteuui ÞorvcdMum., fomtaJðtAr UMFÍ 1969-1979:
Hafsteinn Þorvaldsson fyrrverandi formaður Ungmennafélags l'slands.
„Þjóðin geturekki verið
án hreyfingarinnar"
„Ég var 15 ára gamall þegar ég gekk í Ung-
mennafélag Biskupstungna en árið áður flutti ég
ÍTungurnar úr Hafnarfirðinum. Ég hafði verið þó
nokkuð mikið í félagsmálum í Hafnarfirði, í
barnastúkunni, KFUM og í FH. Þegar ég er kom-
inn ÍTungurnarfékkég undanþágu vegna
aldurs til að fara í íþróttaskólann í Haukadal.
Pabbi fékk Sigurð Greipsson til að taka mig og
þannig má segja að þarna hafi orðið mín fyrstu
kynni af ungmennafélagshreyfingunni," segir
Hafsteinn Þorvaldsson, fyrrum formaður UMFÍ, í
spjalli við Skinfaxa. Hafsteinn segir að 1948 hafi
hann síðan flust í Villingaholtshrepp þar sem
faðir hans fékk stærri og betri bújörð. Og 17 ára
gamall var hann orðinn formaður Ungmenna-
félagsins Vöku.
„Það var svolítið skrítið hvernig það gekk
allt fyrir sig. Formaðurinn var á þessum tíma í
Svíþjóð en nokkrir menn komu til mín og sögð-
ust ætla að kjósa mig formann á aðalfundinum.
Ég sagði að fyrst yrði ég að ganga í félagið og
spurði af hverju þeir vildu kjósa mig. Ég væri
nýkominn í sveitina og þekkti varla nokkurn
mann. Þeir sögðu að ágreiningur væri um hvar
félagsheimilið ætti að standa í sveitinni en voru
vissir um að aðkomumaður gæti sætt ólik sjón-
armið. Mér var falin mikil ábyrgð, þá aðeins 17
ára að aldri. Ég byrjaði strax á því, eftir að ég
hafði verið kosinn formaður, að heimsækja
hvern einasta bæ í sveitinni. Að lokum hafði ég
það í gegn að Þjórsárver var byggt á holtinu á
milli barnaskólans og kirkjunnar," segir
Hafsteinn.
Hafsteinn flutti síðan á Selfoss 1961 og var
varla kominn inn úr dyrunum þegar ungur
maður kom til hans og bað hann um að endur-
reisa ungmennafélagið á staðnum. Það varð úr
en Hafsteinn segir að það hafi skipt sköpum að
hafa góðan mann sér hlið og á þar við Hörð
Óskarsson sem flutti á sama tíma og Hafsteinn
til Selfoss.„Ég lofaði aldrei að vera formaður
nema eitt ár en ég var þá kominn í stjórn Skarp-
héðins sem ritari. Ég náði því á sínum tíma að
vera ritari á þremur vígstöðvum, það er ung-
mennafélags, héraðssambands og UMFl."
Hafsteinn varð formaður UMFl 1969 og
segir að hann hafi byrjað strax á því að fara í
víking út á land eins og hann kemst sjálfur að
orði.„Ég heimsótti gömlu karlana í þessari ferð
og það var mikill skóli fyrir mig. Ég er aðeins
barnaskólagenginn og svo var ég auðvitað líka í
íþróttaskólanum í Haukadal. Menntun er meira
en skólaganga, ég lærði af fólkinu," segir
Hafsteinn.
- Hvað situr eftir i minningunni þegar þú litur
yfir farinn veg?
„Það eru margir sem segja að ungmenna-
félagshreyfingin sé ekki nema svipur hjá sjón
miðað við það sem hún var. Ég er ekki sammála
þessu. Það var strax markmið hjá okkur Sigurði
Geirdal að laga hreyfinguna hverju sinni að nýj-
um tíma. Við lifum ekki endalaust á fornri frægð
heldur verðum við að horfa fram á við. Það var
stór stund fyrir hreyfinguna þegar hún eignaðist
sitt eigið húsnæði og í mínum huga var það afar
mikilvægt fyrir UMFl að fá Sigurð Geirdal til
starfa. Það varð allt að peningum í höndunum
á honum. Hann var afspyrnuduglegur því að á
sama tíma og hann var í fullri vinnu hjá UMFl
lauk hann menntaskólanámi og síðar háskóla-
námi. Á þessum tíma voru líka erlend samskipti
endurreist. UMFl hefur unnið í margs konar
verkefnum og margir merkir áfangar hafa náðst
í gegnum tíðina. Fjölskyldan á fjallið er geysilega
áhugavert verkefni og Unglingalandsmótin hafa
komið mjög sterkt inn á síðustu árum. Ég verð
að viðurkenna að mér leist ekki á þau í upphafi
og þótti kjarkurinn mikill að skella mótinu inn á
verslunarmannahelgina í samkeppni við allt sem
var þar fyrir. Annað hefur komið á daginn því að
þessi mót eru hrein snilld og tvímælalaust kom-
in til vera. Landsmótin hafa markað djúp spor
í hreyfingunni en þau verða eins og annað að
laga sig að breyttum tímum. Mér fannst Lands-
mótið í Kópavogi stórglæsilegt, setning mótsins
var sérlega góð og verður minnisstæð. Auðvitað
hefði maður viljað sjá fleiri gesti en bæjaryfir-
völd lögðu sinn skerf til mótsins og eiga þakkir
skildar fyrir það," segir Hafsteinn.
Hafsteinn segir að ekki megi gleyma þætti
ríkisvaldsins og bæjarfélaga um allt land. Þessir
aðilar hafi stutt hreyfinguna af rausnarskap.
Hann segist yfirhöfuð vera mjög ánægður með
þróun mála innan ungmennafélagshreyfingar-
innar. Forystumenn þjóðarinnar, sveitarstjórnar-
menn og alþingismenn hafi áttað sig á því að
þjóðin geti ekki án hreyfingarinnar verið.
„Starfsemi UMFl byggist á því að halda
áfram að finna verkefni sem höfða til ungs fólks
en halda tengslunum við þá eldri í leiðinni.
Þegar þetta fer saman sé ég ekki annað en að
framtíð UMFl sé björt. Ungmennafélagshreyf-
ingin verður alltaf að vera vakandi fyrir því sem
er að gerast í þjóðfélaginu á hverjum tíma.
Verkefnin, sem hreyfingin hefur staðið fyrir í
gegnum tíðina, eru mjög áhugaverð og það
verður að halda áfram. Mérfinnst hreyfingin á
góðri leið og þeirri stefnu eigum við að halda
ótrauð. Við lifum ekki á gamalli frægð en það er
gott að halda í gamla tímann og vitna til hans.
Hreyfingin hefur aldrei verið sterkari að mínu
mati," segir Hafsteinn Þorvaldsson.
SKINFAXI - tímarit Ungmennafélags íslands 29