Sjómannablaðið Víkingur - 01.05.1944, Page 3

Loftur Bjarnason:
Endurnýjun skipaflotans
í grein sem ég ritaði í 1.—2. tbl. Víkings þ. á.
og nefndi „íslenzk togaraútgerð í framtíðinni“
benti ég á þá hættu, sem af því stafaði fyrir
sjávarútveginn og landið í heild, að megin hlut-
inn af hreinum tekjum útgerðarinnar skuli vera
tekinn af henni í skatta.
Niðurlagsorð greinarinnar voru: „Sjómenn
og útgerðarmenn verða að fylkja sér um þá
kröfu Farmanna- og fiskimannasambands ís-
lands, að 50% af hreinum tekjum fyrirtækj-
anna renni í nýbyggingarsjóð og varasjóðirnir
séu ekki skertir með skattaráni."
Eins og nú er komið er aðeins 33—40% af
hreinum tekjum útgerðarinnar eftirlátið henni,
þegar greiddur hefur verið tekju- og eigna-
skattui-, stríðsgróðaskattur, útsvör og ýms op-
inber gjöld og af þeim 33—40%, sem útgerðinni
er eftirlátið af hreinum tekjum, eru 85—100%
bundin í nýbyggingar- og varasjóði.
Afleiðing af þessum miklu skattagreiðslum
er sú, að jafnvel hjá þeim hluta útgerðarinnar,
sem bezt er stæður, togaraútgerðinni, er það
komið áþreifanlega í ljós, svo að ekki verður
véfengt, að togarafélögin eru þess ekki megn-
ug af eigin fjárhagsgetu að láta smíða nema ör-
fáa nýtízku togara í stað þeirra 36 gömlu tog-
ara, sem landsmenn áttu í stríðsbyrjun. Ennþá
ískyggilegri eru horfurnar um endurnýjun vél-
bátaflotans.
Alþingi hefur undanfarin ár troðið þá ó-
heillabraut að íþyngja útgerðinni æ meir með
sköttum, þangað til á s.l. ári að ekki var bætt
við nýjum sköttum. Á Alþingi s.l. ár voru samt
uppi háværar raddir um að auka skattaálögur
útgerðarinnar. Samkvæmt frumvarpi, sem
fram kom átti að afnema hlunnindi fyrir það
fé, sem lagt væri í varasjóð. Samtímis var lát-
ið svo heita að auka ætti skattfrjáls tillög til
nýbyggingarsjóða, en jafnframt voru settar
fastar skorður við því, að nýbyggingarsjóðirn-
ir mættu ekki fara fram úr vissri upphæð, nema
því aðeins að „hlunnindin“ minkuðu um helm-
ing frá því sem áður var eða féllu niður með
öllu.
Það er lítið til að hæla sér af fyrir Lúðvík
Jósefsson, alþingismann, þegar hann telur sér
til ágætis að hafa flutt á fyrsta þingi er hann
VÍKINGUR
átti sæti, frumvarp er heimilaði aukin tillög til
nýbyggingasjóða, þegar þess er gætt, að aukn-
ingin á nýbygingarsjóðstillaginu samkvæmt
frumvarpinu var fólgin í því að skerða fram-
lagið í varasjóð að sama skapi og um leið sett-
ar skorður við því, að nýbyggingarsjóðirnir
yrðu ekki „óeðlilega háir“ að dómi flutnings-
manns.
Stuðningur sem sami háttvirtur þingmaður
segist hafa viljað veita útveginum með 10
miljóna króna framlagi úr ríkissjóði, verður
harla lítils virði, þegar þingmaðurinn vill jafn-
framt láta taka nærri sömu upphæð af vara-
sjóðum útgerðarinnar með sérstökum eigna-
aukaskatti. Enn minni verður stuðningur þing-
mannsins við útgerðina, þegar það er komið í
ljós, að hann vill láta skerða varasjóði útgerð-
arinnar með eignaaukaskattinum, eftir aö búiÖ
var aö fella styrkveitingartillöguna. Fyrst vill
hann styrkja með 10 miljónum, þegar það er
fellt þá snýr hann svo við blaðinu að hann vill
láta bæta við nýjum skatti til þess að rýra vara-
sjóði útgerðarinnar í einni atrennu urn 7—9
miljónir króna. Féð átti að renna að 1/3 til al-
þýðutrygginga og verkamannabústaða, 1/3 til
raforkusjóðs, bygginga nýbýla og landnáms í
sveitum og 1/3 til framkvæmdasjóðs ríkisins.
Hvað átti útgerðin að fá?
Þingmaðurinn segir: „Nýbyggingarsjóðsá-
kvæðin eru einu ráðstafanir þess opinbera til
áhrifa á hið mikla nauðsynjamál, endurnýjun
fiskiskipaflotans.“
Vill þingmaðurinn ekki fyrst hann kveður
sér vera kappsmál að stuðla að endurnýjun
fiskiskipaflotans, styðja kröfu F.F.S.Í. um að
50% af hreinum tekjum útgerðarinnar renni í
nýbyggingarsjóð og varasjóðir útgerðarinnar
séu ekki skertir með eignaaukaskatti ?
Tillögur um styrkveitingar til útgerðarinnar
eru aðeins bornar fram til að blekkja menn
meðan verið er að reyna að fá samþykkta nýja
skatta til að eyða sjóðum hennar. Útgerðin hef-
ur hingað til að mestu haft þau kynni ein af
ríkissjóðnum að borga í hann og mun svo verða
í framtíðinni, enda er það æskilegt, að hún
verði aflögufær á komandi árum. Til þess þarf
hún að byggja upp flota sinn, en það verður
ekki gert með styrkjum úr ríkissjóði, því út-
115