Sjómannablaðið Víkingur - 01.03.1949, Page 20

Fimmtugsafmæli
Guðmundur Gíslason skipstjóri á m.s. Herðu-
breið varð fimmtugur að aldri 5. marz. Hann
hefur stundað sjómennsku frá því hann var
drengur. Fyrr á árum sigldi hann víða um höf
á erlendum skipum og gat sér þá hinn bezta
orðstír fyrir dugnað og góða framkomu við
samverkamenn sína. Um tíma var hann á
skemmtisnekkju, sem var í eigu amerísks millj-
ónera. Þá var hann um skeið rórmaður (quarter-
master) á millilandaskipinu Óskari II. Það var
í eigu danska Sameinaða Gufuskipafélagsins
og sigldi milli New York og Kaupmannahafnar.
Á þeim tíma, sem Guðmundur sigldi með er-
lendum þjóðum, lærði hann margt, sem að gagni
hefur komið síðan, bæði fyrir sjálfan hann og
íslenzku þjóðina. Guðmundi féll vel vera sín
með útlendingum, en taldi sér þó skylt að helga
fósturjörðinni krafta sína. Þess vegna hvarf
hann aftur heim til fslands og hefur verið i
þjónustu ríkisins æ síðan, sem stýrimaður þar
til haustið 1948, en þá tók hann við skipstjórn
á Súðinni. Nú sem stendur er hann skipstjóri
á m.s. Herðubreið.
Guðmundur hefur kynnzt mörgum manni
víðs vegar í kringum landið, öll þau ár, sem
hann hefur verið í strandferðum, en það hefur
hann verið óslitið síðan árið 1930. Allir þeir,
sem eitthvað þekkja til Guðmundar, munu óska
honum gæfu og gengis í framtíðinni í tilefni
af fimmtugsafmæli hans.
C + D.
Vid starfi útsölumanns Yíkingsins á Bíldu-
dal hefur nú tekið Ebenezer Ebenezersson, og
ber áskrifendum og öðrum, sem blaðið viija
eignast, að snúa sér til hans framvegis.
60
Sigúrgeir Sigurðsson,
hinn góðkunni útsölumaður Víkings á ísafirði,
hefur nú látið af útsölumannsstörfum fyrir
blaðið. Þakkar Víkingurinn Sigurgeir fyrir
dugnað hans og mjög ánægjulega samvinnu á
liðnum árum. Við útsölumannsstarfinu á ísa-
firði hefur tekið frá síðustu áramótum, Guð-
mundur H. Guðmundsson, Landssímastöðinni
þar. Guðmundur er fyrrverandi sjómaður og
væntir Víkingur þess, að góð samvinna megi
takast með honum og starfsmönnum blaðsins.
Björgunarafrek
í fyrstu Englandsferð sinni á þessu ári, unnu skip-
verjar á togaranum Röðli það afrek, að bjarga ensk-
um togara, er rak fyrir sjó og vindi. Dró Röðull hann
til hafnar í Skotlandi og mátti eklci tæpara standa,
að brezki togarinn sykki ekki.
Föstudaginn 8. janúar s.l., þegar Röðull var staddur
á svokölluðum Færeyjabanka, heyrði hann neyðarskeyti
frá brezka togaranum Cramond Island frá Hull. Hafði
vélin bilað og rak togarann undan veðrinu, en stormur
var og mikill sjógangur. Fann Röðull brezka togarann
með radartækjum og þrátt fyrir stórsjó tókst að koma
vírum milli togaranna, en meðan verið var að því,
rákust togararnir saman í sjóganginum og brotnaði
Röðull nokkuð aftarlega stjórnborðsmegin.
Röðull dró síðan brezka togarann til hafnar í Skot-
landi, en mikill sjór var kominn í brezka togarann
og bað hann um björgunarbát, ef hann skyldi sökkva
áður en þeir næðu höfn. Til þess kom þó ekki, en
mátti þó ekki tæpara standa.
V í K I N G U R