Sjómannablaðið Víkingur - 01.02.1969, Qupperneq 10

Landsýn í Reykjavík. Ljósm. Snorri Snorrason yngri.
frá Félagi starfsfólks í veitinga-
húsum. Er þar bent á nauðsyn
þess, að skipuleggja þessi mál
vel, og að stofnaður verði veit-
inga- og gistihúsalánasjóður. Er
þar skorað á ríkisstjórnina að
skipa ferðamálaráð, sem sjái um
úthlutun lánsfjár og verði um
leið ráðgefandi aðili við teikning-
ar og byggingar sumargistihúsa
og heimavistarskóla, með svipuðu
fyrirkomulagi og t. d. í Noregi.
Þar var einnig rætt um nauðsyn
þess að skipuleggja ferðalög á
sjó í tengslum við ferðalög á
landi.
1 þessum blaðagreinum var
gert ráð fyrir, að ferðamálaráð
ákveði, hvar byggja skuli veit-
ingastað, og hvar gististað um
gjörvalt landið, með það fyrir
augum, að slíkum stöðum verði
sem bezt fyrirkomið, ekki of þétt
staðsettir sums staðar, og aftur
of dreifðir annars staðar.
Um þessar áðurtilvitnaðar
blaðagreinar mínar skal ég ekki
ræða frekar að sinni. En rétt er
að geta þess, að fleiri menn hafa
á þessum árum sem og síðar látið
þessi mál til sín taka, og sýnt
áhuga sinn þar um.
Viðleitni hinna mörgu manna
og félaga, er létu til sín heyra á
þessum árum, miðaði í rétta átt,
málefni ferðamálanna til efling-
ar, þó að sjálfsögðu væru ekki
allir aðilar sammála. Sérstaklega
er mér minnisstætt, að Samband
matreiðslu- og framreiðslumanna
og Samband veitinga- og gisti-
húsaeigenda lágu ekki á liði sínu
hér um.
Með lögum um ferðamál, nr.
29/1964 er stigið heilladrjúgt
skref fram á við, varðandi ferða-
mál. Lög þessi eru í fimm köfl-
um og 40 greinum. 1. kafli er um
almennar ferðaskrifstofur, 2.
kafli um ferðamálaráð, 3. kafli
um Ferðaskrifstofu ríkisins, 4.
kafli um ferðamálasjóð og 5. kafli
um ýms ákvæði.
1 11. gr. laganna er þess getið
að samgöngumálaráðherra skipi
9 manna ferðamálaráð til þriggja
ára í senn, er formaður ráðsins
skipaður án tilnefningar, en eft-
irtaldir aðilar tilnefna einn mann
hver: Eimskipafélag Islands, Fé-
lag sérleyfishafa, Ferðafélag Is-
lands, Flugfélag íslands, Loft-
leiðir, Ferðaskrifstofa ríkisins,
Samband veitinga- og gistihúsa-
eigenda og samtök Islenzkra
ferðaskrifstofa. Varamenn eru
skipaðir á sama hátt. Frá upp-
hafi hefur Lúðvík Hjálmtýsson
verið formaður ráðsins og fram-
kvæmdarstjóri þess, en varafor-
maður hefur verið einnig frá upp-
hafi Albert Guðmundsson stór-
kaupmaður, núverandi formaður
Knattspyrnusambands Islands.
I 12. gr. laganna er getið um
hlutverk ferðamálaráðs, og segir
þar m. a. að hlutverk ferðamála-
ráðs skuli vera, að vera Alþingi
og ríkisstjórninni ráðgefandi um
allt það, er að ferðamálum í
landinu lýtur. Skal ráðið bera
fram tillögur um þær fram-
kvæmdir og umbætur, sem það
telur nauðsynlegar hverju sinni,
og gera áætlanir og tillögur um
skipan gistihúsamála í landinu,
svo sem um það, hvar einkum sé
nauðsynlegt að gistihúsakostur
verði aukinn eða bættur, hver
tegund gistihúsa skuli verða á
hverjum stað og með hvaða hætti
þeim verði komið upp.
Þó margt hafi áunnist varð-
andi ferðamál á liðnum einum til
tveimur áratugum, er þó margt
enn óleyst þessum merka at-
vinnuvegi til eflingar. Ber því að
fagna þeirri áætlunargerð um
ferðamál til þriggja ára, sem lagt
er til í tillögu til þingsályktunar
á þingskjali 34.
Við, sem störfum á farþega-
skipum, fögnum því, að stjórn
Farmanna- og fiskimannasam-
bands íslands hefur ákveðið, að
sambandið láti ferðamál til sín
taka, eins og fram kemur hér að
framan.
Þegar skipulögð verða ferðalög
erlendra jafnt sem innlendra
ferðamanna, á sjó og í landi, sem
öllum má vera ljóst að fram-
kvæma þarf í framtíðinni, sam-
kveemt fyrirframgerðri áætlun,
kemur til kasta FFSl að vera
þar aðili við tillögugerð. Væri þá
ekki óhugsandi að sá tími komi,
fremur fyrr en síðar, að rétt
muni teljast, að FFSÍ fái full-
trúa í ferðamálaráði.
Læt ég svo þessum hugleiðingum
mínum um ferðamál lokið að
sinni. Já. Aðeins að sinni.
Ritað um borð í ms. Esju í
byrjun desembermánaðar 1968.
VÍKINGUR
10