Sjómannablaðið Víkingur - 01.01.1974, Page 34

Svar við grein um vökulög
Hr. ritstjóri.
í 9.—10. tbl. Víkings 1973
birtist grein eftir Ragnar Her-
mannsson stýrimann, þar sem
hann tekur fyrir vökulögin, og
sér þeim allt til foráttu og óskar
þess helzt af öllu að þessi sjálf-
sögðu lög verði að engu gerð.
Eigi verður annað sagt en að
greinarhöfundur vaði villu og
reyk þegar hann ræðir þessi mál
auk þess að hann virðist lítið
vita um það líf sem er um borð
í hinum minni skuttogurum. Þó
er auðvitað möguleiki fyrir því
að hann eigi svo stóran hlut í
togara að það geti verið hans
hagur að fella niður vökulögin.
En ef svo skyldi vera að hann
viti ekkert um þessi mál, má
benda honum á það, að venju-
lega eru vaktirnar á hinum
minni skuttogurum 6—6, nema
sérstaklega standi á, eins og þeg-
ar ekki hefst undan að gera að
aflanum. Auk þess eru túrarnir
venjulega talsvert styttri á þeim.
í hinni umtöluðu grein er því
haldið blákalt fram að hásetinn
sofi í viku af hverjum hálfs mán-
aðar túr. Hræddur er ég um að
þar hafi orðið nokkuð slæm
reikningsskekkja hjá greinar-
höfundi. Samkvæmt því sem ég
kemst næst, munu matmálstímar
taka svona tvær stundir á sólar-
hring, þ.e.a.s. hálf stund á undan
vakt og hálf á eftir. Þetta gera
14 klst. á viku. Reikna má með
því að sæmilega þrifnir menn
noti 5 klst. á viku til að þrífa
sjálfa sig, en það getur auðvitað
verið að hásetarnir á þeim tog-
ara, sem greinarhöfundur er á,
séu svo miklir sóðar að þeir fái
gæsahúð ef þeir heyra vatn
renna, en þó efast ég um það. Ef
áætlað er að menn noti um það
bil eina stund á sólarhring til
þess að hlusta á útvarp eða lesa
blöðin gera það 7 klst. til viðbót-
ar. Þá eru ekki eftir til svefns
nema 58 klst. á viku, eða sem
svarar rúmum 8 klst. á sólar-
hring til jafnaðar, sem má heita
nokkurn veginn nægur tími til
svefns fyrir meðalmann sem
vinnur erfiðisvinnu 12 tíma á
sólarhring. Ef að hinsvegar væri
farið út í 16 tíma vinnu á sólar-
hring gera það 112 stundir á
viku og eru þá eftir til eigin af-
nota 56 klst. Ef að menn nota
jafnmikinn tíma og fyrr til mat-
ar og þvotta, en sleppa öllu ó-
þarfa umstangi, t. d. blaðalestri,
hafa þeir 37 stundir á viku til
svefns, sem gera 5 klst. 17 mín-
útur á sólarhring. Greinarhöf-
undur hefur ef til vill ályktað
sem svo, að ef frítíminn yrði
styttur, myndi það verða til þess
að menn færu að troða ofan í sig
matnum í mesta flýti og fara svo
beint í koju. Það er auðvitað
hægt, en hræddur er ég þá um að
,,kallinn“ fengi talsvert marga
þjáningarbræður í magaveikinni.
Auk þess hefur svo óþrifnaður-
inn aldrei verið talinn til kosta
nema síður sé. Með tilvísun til
ofangreindra staðreynda tel ég
það kolranga stefnu að fara út í
það að auka við landfríin á
kostnað svefntímans og heilsunn-
ar, heldur beri að fara aðrar leið-
ir til þess og tel ég persónulega
að slíkt eigi að gera með kjara-
samningum og taka þá sérstak-
lega iðnaðarmenn í landi til sam-
anburðar þar sem starf togara-
sjómannsins jafnast fyllilega
upp á móti þeirri menntun sem
iðnaðarmaðurinn hefur áunnið
sér. Ég hefi grun um það að með
launajöfnuði þessara tveggja
stétta fengi togarasjómaðurinn
fyrst raunverulegar kjarabætur
sem yrðu þá til þess að hann
l'engi að lifa mannsæmandi lífi
og gæti leyft sér að vera meira
hjá fjölskyldu sinni heldur en nú
er.
Kristján Kristjánsson
Skipstjóra- og stýrimannafélagið
ALDAN
er flutt frá Bárugötu 11 að Grandagarði 5.
Sími 23476
Pósthólf 7090
34
VÍKINGUR