Sjómannablaðið Víkingur - 01.06.1984, Blaðsíða 5

Bréf til lesenda
Enn hafa orðið ritstjóraskipti við blaðið
ykkar, Sjómannab/aðið Víking. Talsvert oft á
undanförnum árum hafa menn staðið upp úr
ritstjórastólnum og aðrir tyllt sér þar um sinn.
Því er ekki að leyna að af svo stuttri viðkomu
nokkurra ritstjóra í röð, hefur blaðið borið
nokkurn skaða, því naumast hefur ritstjóri
náð að marka blaðinu þá stefnu, sem hann
óskaði að fylgja, áður en hann stóð upp fyrir
öðrum, sem einnig þurfti sinn tíma til þess að
átta sig á viðfangsefninu og í kjölfar þess að
marka blaðinu enn nýja stefnu.
Þrátt fyrir ýmsa erfiðleika, sem af þessu
hafa stafað fyrir blaðið, hefur það haldið velli,
sem sýnir svo ekki verður um villst, hversu
sterkan hljómgrunn það á hjá ykur lesendum.
Alls ekki er heldur rétt að segja að umrætt
tímabil hafi verið timi algerrar stöðnunar, síð-
ur en svo. Fyrirrennarar mínir hafa verið
ágætlega hæft fólk, þótt blaðið hafi ekki borið
gæfu til þess að njóta krafta þeirra lengi, enda
hefur verið bryddað upp á ýmsu góðu í efnis-
vali og útlit blaðsins var á síðasta ári fært til
nútímalegs horfs, þannig að Sjómannablaðið
Víkingur er nú meðal þeirra rita á íslandi, sem
hafa vandaðasta uppsetningu, sem jafnast
fyllilega á við það besta sem gerist meðal er-
lendra rita í risaupplögum.
Og enn hafa orðið ritstjóraskipti. Þetta blað,
sem þú nú heldur á, lesandi góður, er annað
tölublaðið undir minni ritstjórn. Ekki er í
þessum tveim blöðum að sjá stórar breyting-
ar í stefnumörkun, enda er mér líkt farið og
öörum, ég þarf minn tíma til þess aö þróa þær
hugmyndir sem í huga mér eru. Enda þótt
fæstum þeirra hafi verið hrundið í fram-
kvæmd, þykir mér rétt aö vekja athygli ykkar á
þeim helstu sem fariö er aö viöra.
í megin línum mun blaðið halda áfram að
vera jöfnum höndum skemmtirit og fræðirit.
Meðal skemmtiefnisins verður reynt að hafa í
hverju blaði smásögu, Ijóð, krossgátu og að
ógleymdri Frívaktinni, sem nú hefur aftur
fengið sinn gamla sess í miðju blaðsins.
Fyrstu áratugi blaðsins var Frívaktin alltaf í
miðopnunni og þeir voru margir, undirritaður
þar meðtalinn, sem höfðu þann fasta sið að
fletta fyrst upp á Frívaktinni, þegar blaöiö barst
þeim íhendur.
Meðal efnis, sem bæði á að vera fróðlegt og
skemmtilegt er viðtalið. Þar verður leitast við
að hafa uppi á sjómönnum til rabbsins, sem
hafa ákveðnar skoðanir á málum og veigra
sér ekki við að láta þær í Ijósi.
Þaö er meö talsveröu stolti, sem ég kynni
tvo þætti af alvarlegra taginu, sem ég mun
leggja mikla áherslu á að verði í hverju blaði.
Annar þeirra er um aukna fjölbreytni í fisk-
veiðum okkar og bætta nýtingu þess sem afl-
ast. Þar verður af færum mönnum fjallað um
leiðir til þess að draga meiri verðmæti í bú
okkar landsmanna úrhafinu. Fyrsti þátturinn í
þessum flokki var um Gulllaxinn, skrifaður af
ungum útvegsfræöingi, og vakti veröskuldaöa
athygli, þegar hann kom fyrir sjónir manna í
næsta tölublaöi á undan þessu. i þessu blaöi er
fjallaö um þykkvalúru eöa sólkola, af fiskifræö-
ingi og skipstjóra, sem stundaö hefur veiöarnar.
Hinn þátturinn er um það nýjasta sem gerist
á sviði tækninnar og muni Bogi Arnar Finn-
bogason annast þann þátt og væntanlega
kveðja sér til aðstoðar færustu menn á svið-
inu. Félagsmálunum verður reynt að gera skil,
eftir því sem efni og aðstæður leyfa hvert
sinn, en að öðru leyti mun efnisvalið skýrast
betur ínæstu blöðum. Þvímá svo bæta við að
leitast verður við að fá menn sem getið hafa
sér orö fyrir lipra efnismeöferö til aö skrifa um
efni sem þeir hafa sérþekkingu á. Fyrir utan
fasta dálkahöfunda má þar nefna Jónas
Guðmundsson og Jón Birgi Pétursson, sem
skrifuðu í síðasta blað, og í þetta blað skrifa
m.a. Sæmundur Guðvinsson um ferðamál og
Jóhann Briem um vöruvöndun ísjávarútvegi.
Allt þetta er þó fánýtt, ef ykkur fellur það
ekki. Blaðið stendur og fellur með ykkur, ef
þið viljið ekki kaupa það og lesa það er til lítils
barist. Það er því einlæg ósk min að þið látið
frá ykkur heyra, jafnt um það sem ykkur fellur
vel, sem hitt sem ykkur fellur miður. Ég óska
einnig eftir beinni þátttöku ykkar við gerð
blaðsins og býð velkomið vel fram settefni frá
ykkur, hvort sem það er skáldskapur eða
umfjöllun um málefni.
Verið svo góðir að sýna kunningjum ykkar
blaðið, það er ekki að vita nema þeir óski eftir
að gerast áskrifendur. Til þess þarf ekki nema
eitt símtal.
Kær kveðja

Sigurjón
Valdimarsson
Víkingur 5