Sjómannablaðið Víkingur - 01.06.1996, Síða 7

Aldan
Á aðalfundi Öldunnar voru
eftirfarandi ályktanir samþykkt-
ar:
Aðalfundur Öldunnar mót-
mælir harðlega vinnubrögðum
sjávarútvegsráðherra við gerð
samkomulags við Landssam-
band smábátaeigenda, þar
sem þeim eru ætlaðar auknar
veiðiheimildir á kostnað ann-
arra sjómanna og útgerðar.
Samningurinn er gerður án alls
samráðs við önnur samtök
sjómanna og útvegsmanna, en
venjan fam til þessa hefur ver-
ið sú að heildarsamtökum inn-
an greinarinnar hefur að
minnsta kosti gefist kostur á
að koma sínum sjónarmiðum á
framfæri. Samkomulagið, sem
felur í sér umtalsverðar breyt-
ingar á gildandi reglum, er gert
örfáum mánuðum eftir að síð-
ustu breytingar varðandi fisk-
veiðar smábáta voru ákveðnar
motmæ r
í lögum um stjórn fiskveiða, og
sýnir enn einu sinni það sem
félagið hefur áður bent á, að
stefnuleysi og sífelldar breyt-
ingar valda því að þeir sem í
greininni starfa vita aldrei
hverjar reglur morgundagsins
verða.
Aðalfundur Öldunnar fagnar
framkomnum sjónarmiðum
Útvegsmannafélags Reykja-
víkur um meðferð og sölu
kvóta smábáta á aflamarki,
fyrir stórfé, til þess eins að
spila á kerfið. Fundurinn væntir
þess að félagar Útvegsmanna-
félagsins séu sömu skoðunar
varðandi meðferð og sölu
kvóta á uppsprengdu verði,
þegar aðrir en smábátar eiga í
hlut, og muni með sama hætti
halda þeim skoðunum sínum
fram á þeim vettvangi.
Aðalfundur Öldunnar lýsir
vanþóknun sinni á vinnu-
brögðum þeirra útgerða sem
þrátt fyrir skýrt ákvæði í kjara-
samningum og lögum um
meðferð mála varðandi
ágreining um fiskverð sætta
sig ekki við niðurstöðu
úrskurðarnefndar sjómanna
og útvegsmanna, en knýja
fram vilja sinn með sífelldum
hótunum við áhafnir. Þeir
útgerðaraðilar sem þannig
standa að málum eru viljandi
að eyðileggja þann grundvöll
sem skapaðist við gerð síðus-
tu heildarsamninga sjómanna
og útvegsmanna, og þar með
að leggja grunninn að enn
einum stórátökum þessara
aðila. Ábyrgðinni af því verður
ekki visað annað en til þeirra
sem þannig þröngva þátttöku í
kvótakaupum upp á áhafnir
sínar, að því er best verður séð
með fullum stuðningi samtaka
útvegsmanna.
Aðalfundur Öldunnar harmar
þá afstöðu sjávarútvegsráð-
herra að auka ekki heimildir til
þorskveiða á yfirstandandi
fiskveiðiári, þrátt fyrir ótvíræðar
vísbendingar um að slíkt væri
hættulaust. Öll aukning,
hversu lítil sem hún væri, hefði
hjálpað til í baráttunni við það
gegndarlausa frákast á fiski
sem nú berast fréttir af. ■
+
Kristján Sigurður Aðalsteinsson
Kristján Sigurður Aðal-
steinsson, fyrrverandi skip-
stjóri á Gullfossi, lést 14.
mars 1996. Hann fæddist í
Haukadal við Dýrafjörð 30.
júní 1906. Kristján tók far-
mannapróf frá Stýrimanna-
skólanum 1932. Hann hóf
sjómennsku á skútunni Pilti
fá Bíldudal 1921. í ágúst
1922 varð hann háseti á es.
Villemoes og var þar til
haustsins 1926. Því næst var
hann háseti á es. Lagarfossi I
frá maí 1927 til maí 1928. Fór
í siglingar frá Danmörku og
var háseti á es. Jungshoved
þar til í september 1929. Síð-
an var hann háseti á es. Lag-
arfossi I og á es. Goðafossi II
þar til í október 1931 og á es.
Brúarfossi I frá maí 1932 til
desember 1933, og leysti þá
stýrimenn af í orlofi þeirra.
Hann var 2. stýrimaður á
Heklu frá ársbyrjun 1934 til
febrúar 1935, síðan 3. og 2.
stýrimaður á Gullfossi gamla
1935 til 1940, þar til Gullfoss
var hertekinn af Þjóðverjum.
Kristján kom heim með ms.
Esju ásamt skipstjóra og
skipshöfn um Petsamo í
október 1940. Kristján var 2.
stýrimaður á es. Selfossi I og
es. Lagarfossi I framan af ári
1941, en fór á miðju ári á es.
Brúarfoss I og var þar 2.
stýrimaður fram á árið 1948.
Þá 1. stýrimaður á sama skipi
til 1950 og síðan á ms. Lag-
arfossi II, ms. Dettifossi II og
ms. Gullfossi II þar til á árinu
1953.
Á þessum árum gegndi
hann skipstjórastörfum í for-
föllum skipstjóranna, en var
fastráðinn skipstjóri hjá Eim-
skipafélagi fslands í október
1953. Fyrst var hann skip-
stjóri á ms. Tröllafossi og fleiri
skipum félagsins og síðan
skipstjóri á ms. Reykjafossi II
frá september 1954 til mars
1958. Hann tók við skipstjórn
á Gullfossi III 21. mars 1958.
Var síðan óslitið með Gullfoss
þar til hann var seldur úr landi
í október 1973. Lét þá af sjó-
mennsku á 68. aldursári.
Kristján var ráðinn umsjónar-
maður Þórshamars, húss
Alþingis, árið 1973 og starf-
aði þar í 13 ár.
Kristján gekk í Skipstjóra-
félag íslands 2. ágúst 1955. í
stjórn þess var hann frá 27.
desember 1957 til 13. ágúst
1962. í stjórn Stýrimanna-
félags íslands frá 1935 til
1946. Forseti Farmanna- og
fiskimannasambands íslands
1961 til 1963. Varamaður í
borgarstjórn Reykjavíkur fyrir
Sjálfstæðisflokkinn 1962 til
1965. Heiðursfélagi Skip-
stjórafélags íslands frá 28.
desember 1985. Heiðurs-
félagi Stýrimannafelags
íslands 19. febrúar 1994. Sat
í skólanefnd Stýrimannaskól-
ans 1972 til 1977 og var fyrsti
formaður skólanefndar. Jafn-
framt átti hann sæti í Sjó- og
verslunardómi Reykjavíkur
um árabil.
Kristján var sæmdur ridd-
arakrossi hinnar íslensku
fálkaorðu 17. júní 1960 og
stórriddarakrossi hinnar ís-
lensku fálkaorðu 17. júní
1967. Hann var útnefndur
riddari 1. gráðu í Dannebrog-
reglunni 4. júlí 1973. Hann
hlaut heiðursmerki Sjó-
mannadagsins. Hlaut viður-
kenningu frá Bretum og frá
framkvæmdastjórn Eimskipa-
félags (slands fyrir djarfmann-
lega framgöngu við björgun
skipshafnar es. Daleby árið
1942. Eftirlifandi eiginkona
Kristjáns er Bára Ólafsdóttir.
Þau áttu eina dóttur. ■
SjÓMANNABLAÐIÐ VÍKINGUR
7