Sjómannablaðið Víkingur - 01.09.1996, Síða 15

var orðinn lögfræðingur og
þingmaður og venjuleg skrif-
stofublók. Mér fannst ég þó
aldrei geta orðið maður með
mönnum nema komast á sjó-
inn.
Ég var allan tímann hjá
Magnúsi og Sigga Steinþórs á
Bjarna Benediktssyni. Fyrsta
sóiarhringinn var ég sjóveikur
og kojan mín var undir spilinu,
þannig að mér leið ekki of vel
og gat lítið sofið fyrir hávaða,
en sjóveikin fór fljótlega og há-
vaðanum vandist ég og eftir
það svaf ég eins og steinn.
Við vorum bæði á þorski á
Halanum og karfa á Fjöllunum.
Ég var settur í allt og lærði
flest, en var lélegur í bætning-
um. Þetta var mér mikil reynsla
og skemmtileg. Um borð voru
skemmtilegir og hressir strákar
í bland við eldri og reyndari
menn, þetta var góður félags-
skapur. Sumir þeirra voru
drykkfelldir, eins og var því
miður algengt á þeim tíma, en
það kom ekki niður á störfum
þessara manna eða dugnaði."
Hafði metnað á öðrum
SVIÐUM
- Sjómennskan hefur ekki
freistað þín svo að þú hafir
hugleitt að leggja hana fyrir
Þig?
Þingmaðurinn í aðgerðinni.
„Mér fannst þetta hálfgert þrælahald,
SEX TÍMA VAKTIR, MIKLAR ÚTIVERUR OG OFT
SLÆMT í SJÓINN,“ SEGIR ELLERT MEÐAL
ANNARS ÞEGAR HANN HUGSAR TIL BAKA.
„Nei, ég hafði metnað á öðr-
um sviðum. Annars er ég kom-
inn af sjómönnum; afar mínir
báðir voru sjómenn og föðurafi
minn og alnafni var skipstjóri á
kútter í tuttugu og fimm ár.
Hann var einn af stofnendum
Öldunnar."
- En hvernig leist þingmann-
inum á störfin um borð?
„Mér fannst þetta hálfgert
þrælahald, sex tima vaktir,
miklar útiverur og oft slæmt í
sjóinn. Það er erfitt að ímynda
sér hvernig þetta var áður en
vökulögin tóku gildi. Mér þóttu
kjörin bág, ekki bara að launin
væru of lág miðað við vinnu
heldur fannst mér ósanngjarnt
að þegar menn fóru í frí voru
þeir launalausir. Síðan þá hefur
mér aldrei vaxið það í augum
þótt sjómenn fái góðan hlut.
Þeir vinna fyrir því.
Eftir þá reynslu sem ég fékk
af sjómennsku finnst mér að
það ætti að vera skylda stjórn-
málamanna að starfa eitthvað
til sjós eða í öðrum undir-
stöðuatvinnugreinum. Á sjó
læra menn að vinna sem einn
maður, vald skipstjórans er
mikið og það er lærdómsríkt
að kynnast þeim aga sem
myndast um borð í fiskiskipi.
Annað sem kemur upp í
minningunni er hversu lík sjó-
mennskan gat verið fótboltan-
um. Þegar verið er að hífa og
spenningurinn hvað mestur að
sjá hversu mikið er í pokanum
er það ekki ósvipað og að vera
á vellinum og vona að það lið
sem maður heldur með skori
mark. Fagnaðarlæti sjómanna
yfir góðu hali eru ekki síðri en
fögnuðurinn þegar mark er
skorað.“ ■
Tankahreinsun
Skipasundi
Hreinsum allar gerðir
aftönkum. Vatnstanka,
olíutanka, slamtonka,
sjótanka, wc tanka,
vélabotna ogfleira.
Fljót og örugg þjónusta.
Margra ára reynsla.
Magnús Sigurðsson
Skipasundi 40
Sími: 553-8796 - Símb: 846-1766
Sjómannablaðið Víkingur
15