Sjómannablaðið Víkingur - 01.09.1996, Page 51

Þing skipstjórnarmenntaðra yfirmanna hafna í Evrópu
var haldið hér á landi:
Umhverfisvemd í
vitund allra
Eitt af þeim þingum og ráðstefnum sem
haldin voru hér á landi í sumar var sjötta þing
skipstjórnarmenntaðra yfirmanna hafna,
haldið á Hótel Loftleiðum dagana 17. til 22.
júní sl. Voru þar 74 fulltrúar frá Evrópu,
fimmtán frá öðrum heimsálfum auk sautján
erlendra og tíu íslenskra fýrirlesara.
Yfirskrift þingsins var „Umhverfisvernd í
vitund allra“. I upphafi þings var minnst
Jóhannesar Ingþórssonar, forstöðumanns
Hafnarþjónustu Reykjavíkurhafnar, sem
bauð til þessa þings, en Jóhannes lést í maí
1995. Við starfi Jóhannesar sem forstöðu-
maður hafnarþjónustu tók Hörður Þórhalls-
son og var hann forsed þessa þings. Aðalræðu-
maður var Magnús Jóhannesson ráðuneytis-
stjóri og miðlaði hann þingfulltrúum af
reynslu sinni og þekkingu á stöðu og viðhorf-
um íslands til þessara mála og kynnum af
alþjóðaumhverfisvernd, þar sem hann hefur
svo lengi verið fulltrúi íslands. Magnús fagn-
aði þeim áhuga sem þetta þing sýndi um-
hverfismálum og lýsti ánægju sinni með að
þing, sem svo mikið fjallaði um þessi mál,
skyldi haldið hér á landi.
Auk fýrirlestrar Magnúsar voru sextán
fýrirlestrar um umhverfismál þar sem komið
var að málinu frá mismunandi hagsmuna-
hópum eins og t.d. tryggingafélögum, Al-
þjóðasambandi skipafélaga, umhverfisvernd-
arfélögum (Friends of the Earth Internatio-
nal) o.fl. Þá fluttu fulltrúar frá Ástralíu, S-
Afríku og Hong Kong fýrirlestui um fýrir-
komulag á rekstri og uppbyggingu hafna í
viðkomandi löndum. Meðal íslensltra fýrirles-
ara voru Gísli Viggósson og Jón Leví
Hilmarsson frá Hafnarmálastofnun; Hannes
B. Valdimarsson frá Slysavarnafélagi íslands;
Gunnar Sæmundsson frá Granda; Sigurlaug-
ur Þorkelsson frá Eimskipafélagi Islands; og
Davíð Egilsson frá Hollustuvernd (vegna for-
falla Davíðs var erindið flutt af Einari
Pálssyni).
Annað aðalmál þessa þings var að ganga frá
stofnun alþjóðasamtaka fýrir þetta þjónustu-
SlGURÐUR HALLGRÍMSSON
svið. Síðustu fimm til sex ár hefur mikið verið
leitað eftir því frá kollegum okkar í öðrum
heimsálfum að fá að komast sem þátttak-
endur í þessi samtök og að þau yrðu gerð
alþjóðleg. Auk þess hefur verið óskað eftir
þátttöku og viðhorfum þessara samtaka til
umhverfismála, t.d. á þingi IMO, og var frá-
farandi forseti á þeim ráðstefnum sem haldn-
ar hafa verið á þeirra vegum. Aðdragandann
að stofnun þessara samtaka má rekja aftur til
um 1970 er fúlltrúaráð nokkurra hafna stofn-
uðu Harbour Masters of North European
Ports. Þau samtök voru með árlegt þing en á
tólfta þingi þeirra, sem haldið var í Cork á
írlandi 1985, var samþykkt að stofna EHMA.
Fyrsta þing EHMA var haldið í Teesport á
Englandi 1986. Síðan hafa þau verið haldin
með tveggja ára millibili, í Stokkhólmi 1988,
Bremerhaven 1990, Bristol 1992, Marseilles
1994 og Reykjavík 1996. Næsta þing verður í
Amsterdam 1998 og síðan í London árið
2000. Á þinginu í Bristol var stofnuð nefnd
til skoðunar á stofnum IHMA og á
Marseilles-þinginu var stofnuð sérstök vinnu-
nefnd til að vinna að undirbúningi að stofnun
samtakanna, semja stjórnarskrá o.fl.
Niðurstöður þeirrar nefndar voru lagðar
fýrir þingið í Reykjavík, sem samþykkti stofn-
un og stjórnarskrá þessara nýju samtaka.
Fastar vinnunefndir milli þinga
Milli þinga eru starfandi fastar vinnu-
nefndir sem hittast eða senda á milli sín upp-
lýsingar um einstök mál sem eru til umfjöll-
unar eða senda út fýrirspurnir til allra starf-
andi félaga. Þessar vinnunefndir skila síðan
skýrslum á næsta þingi. Þannig komu fram á
Reykjavíkurþinginu mjög áhugaverðar og
fróðlegar umræður og upplýsingar um meng-
unarslysið við Millford Haven er mt. Sea
Empress strandaði á leið til hafnarinnar.
Starfandi vinnunefndir eru um eftirfarandi
málaflokka;
a. Umhverfismál.
b. Hafnarríkiseftirlit (Port State Control)
sem hefur með að gera eftirlit með
skipum. Hér á landi fer
Siglingamálastofnun með þetta eftirlit.
c. Þjálfun og reynsla starfsmanna við þjón-
ustu hafna.
d. VTS-kerfi (Vessel Traffic System), rat-
arkerfi til stjórnunar skipa í og við
hafnir.
e. Yfirgefm skip.
f. Tryggingarskipa.
Fráfarandi forseti EHMA er Malcolm
Ridge frá Southampton. Núverandi forseti
EHMA er Patrick Rarnan frá Cork. Fyrsti
forseti IHMA var kosinn Hans Jurgen Roos
frá Bremen. íslensku fúlltrúarnir á þessu þingi
voru Hörður Þórhallsson frá Reykjavík og
Sigurður Hallgrímsson úr Hafnarfirði. Er-
lendu þingfulltrúarnir voru mjög ánægðir
með komuna til fslands. Aðstaða og allur
búnaður var til fýrirmyndar. Gestgjafarnir,
Reykjavíkurhöfn, fengu mikið lof fýrir góðar
móttökur og frábæra skipulagningu þingsins
og Hótel Loftleiðir og Samvinnuferðir-Land-
sýn fýrir þægilega og góða þjónustu. Þegar þar
við bættist að veðurguðirnir voru okkur eins
hliðhollir og raun bar vitni gat útkoman ekki
orðið annað en góð. ■
Sjómannablaðið Víkingur
51