Sjómannablaðið Víkingur - 01.06.2000, Qupperneq 69

við, þar sem það er eðli Internetsins að
geta breytt hratt og örugglega."
Kunnátta óþörf
„Þau fyrirtæki sem hafa þegar skráð sig
á mar.is, og þau sem það eiga eftir, njóta
þess að mar.is er þannig uppbyggður að
leiðrétta má það sem á honum er mjög
hratt og örugglega og eins er afar einfalt
að bæta upplýsingum við. Þetta hefur tek-
ist með miklu þróunarstarfi sem staðið
hefur yfir í nærri tvö ár.
Fyrir þau fyrirtæki og félög sem kaupa
skráningu fylgir sú vissa að viðkomandi
geta óskað breytinga með einu símtali til
Selsvarar. Það er nú einu sinni þannig að
það er gjörsamlega ástæðulaust að gera
ráð fyrir að allir, sem eiga erindi á Internetið
læri sjálfir að uppfæra og annað eftir því,
þess vegna er það innifalið í þeirri þjónustu
sem Selsvör selur.
Noendur sjá strax að vefurinn mar.is er
afar einfaldur í notkun og ég hef kosið að
líkja viðmóti hans við hótel. Forsíðan er
eins og lobbíið og eftir að þangað er komið
er auðvelt og á allra f'æri að finna það sem
leitað er að.
Annað sem mig langar að nefna er að
fjöldi fyrirtækja og félaga hefur keypt sér
heimasíður, og þá alltaf á margföldu því
verði sem mar.is býður, og þessar heima-
síður eru á netinu, oft rangar, óuppfærðar
og því jafnvel alveg marklausar. Selsvör
hefur séð við þessu með hentugum lausn-
um á mar.is. Til að gera það mögulegt varð
að vinna mikla vinnu og mörg mistök voru
gerð áður en okkur tókst að finna réttu
lausnina. En það er með það eins og svo
margt annað, að það sem er auðvelt í
notkun hefur oftast verið flókið í fram-
leiðslu. Við stöndum að þessum fyrsta vef
sem einblínir á sjó og sjómenn erum
ánægð með hvernig til hefur tekist. Eins og
ég sagði áðan er vefur eins og mar.is
álvallt í framþróun."
Sjómannafélög
„Að endingu vil ég nefna að ég vona að
sem flest stéttarfélög sjómanna nýti sér
vefinn með því að koma framfæri fréttum
og öðrum upplýsingum til félagsmanna.
Sjómannafélag Reykjavíkur hefur þegar
gert það og á síðunni þeirra má sjá hvaða
möguelikar eru í boði.“ ■
Skipstjóra- og stýrimannafélag Islands.
íslenskir farmenn lögðu grunn að búsetu á Islandi.
íslenskir farmenn könnuðu Grtenland og Vínland í vestri.
íslenskir farmenn renndu stoðum undir islenskt verslmiarsjálfitœði.
íslenskir farmenn eru forsenda inn- og útflutnings íslendinga.
íslemkir farmenn óska þjóðinni til bamingju með sjómannadaginn 2000.
Þar sem fagmenska ogfiemi er íjyrirrúmi.
Sjómannablaðið Víkingur
69