Náttúrufræðingurinn - 1931, Blaðsíða 18
160
XÁTTÚRUKR.
st.). Suður og- vestur af henni er Algól; er hún í höfði Medúsu,.
sem Persevs ber með sér. Stjarna þessi er misbjört. I>egar hún
er björtust, er hún af 1. stærð, en af 4. stærð, þegar hún er
minnst. Persevs var sonur Júpíters. Hann vann á óvættinum
Medúsu. Hjó höfuðið af henni sofandi, og sneri andliti hennar
frá sér á meðan. Ella hefði honum illa farnazt, því að allir urðu.
að steini, er urðu fyrir augnaráði hennar.
12. Kassópeia (Cassiopeia) er vestar og hærra á lofti en
Persevs. Jónas Hallgrímsson nefndi hana Maríurokk. Mun hún
hafa heitið því nafni í Eyjafirði. Hún líkist W að lögun. Þetta
merki er í Vetrarbrautinni, og eru flestar stjörnur ]>ess 3. stærð-
ar. Kassópeia var drottning Cepheus konungs í Eþíópíu, og var
Andromeda dóttir þeirra, sú er Persevs bjargaði frá óvættinum..
13. Andromecla. Austasti hluti þessa stjörnumerkis sést á
myndinni, miðja vegu milli Kassiopeiu og Hrútsins. Nær það all-
langt til vesturs, sem ekki sést á myndinni. Þar eru tvær stjörn-
ur af 2. stærð, Sirrah (tvístirni) og Mirach, en allar hinar
minni.
Andromeda var gefin Persevs í launaskyni fyrir það, aS
hann frelsaði hana frá sjóskrímslinu.
Þrjú af þeim merkjum, sem hér hafa verið talin, teljast tiE
dýrahringsins (Zodiacus), Hrúturinn, Nautið og Tvíburarnir. I
Dýrahringnum eru 12 stjörnumerki. Skipa þau sér í hring út frá
braut þeirri, er oss virðist sólin fara eftir um himininn á einu
ári. En í raun og veru er það ]>annig, svo sem kunnugt er, að
jörðin hreyfist í kringum sólina á einu ári. Frá jörðunni séð,
virðist þá sólin færast frá einu stjörnumerki Dýrahringsins til
annars, og hefir farið fram hjá þeim öllum, ])egar árið er á
enda, og ákveðinn hluta ársins borið í hvert þeirra.
Hin stjörnumerki Dýrahringsins, talin í röð til vinstri
(austurs), frá Tvíburunum, eru þessi: Krabbinn, Ljónið, Jóm-
frúin (eða Meyjarmerkið), Metin (eða Metaskálamerkið), Sporð-
drekinn, Bogamaðurinn, Steingeitin, Vatnsberinn og Fiskarnir.
Ekkert af þessum 9 stjörnumerkjum sjást á myndinni hér að
ofan. I umgerðinni á titilblaði almanaksins, sem Þjóðvinafélagið
gefur út, eru táknmyndir af öllum 12 stjörnumerkjum Dýra—
hringsins.
G. G. B.