Náttúrufræðingurinn - 1963, Síða 45

NÁTTÚRUFRÆÐIN GURINN
39
3. mynd. Gondwanaland, eins og það hlutaðist í sundur.
bolir, allt að 8 m á lengd og 60 cm að gildleika. Hér hafa því sýni-
lega orðið mikil umskipti, og sennilegt að annaðhvort hafi færzt úr
stað, Suðurskautslandið eða suðurskautið, nema hvort tveggja hafi
gerzt.
Nú þegar hafa miklar jarðfræðilegar rannsóknir verið gerðar á
Suðurskautslandinu, þó að mikið sé þar enn ókannað. Fjölda stein-
gervinga hefur verið safnað þaðan úr fornum jarðlögum og hafa
þeir leitt í ljós, að hliðstæð stig þróunarsögunnar er að finna þarna
og annars staðar á jörðinni. Einkum svipar þó hinum fornu jarð-
lögum á meginlandi Suðurskautslandsins mikið til jarðlaga í S-
Ameríku austan Andesfjalla, í Afríku sunnan Atlasfjalla, í Arabíu,
í Indlandi og í Ástralíu. Sérkennandi fyrir þessi jai'ðlög eru jökul-
myndanir, rákað berg og jökulruðningur, sem liggja undir mis-
jafnlega þykkum lögum af þurrlendisseti, sem í eru bæði kol og
aðrar jurtaleifar. Jarðlög þessi, sem kennd eru við Gonclwana á
Indlandi, eru talin vera frá Perm-tímabilinu. Er talið víst, að á þessu
tímabili hafi loftslag, jurtagróður og dýralíf verið svo til hið sama
á þeim meginlöndum, sem nú mynda Suðurskautslandið, Ástralíu,
Indland, S-Afríku og S-Ameríku. Meira að segja hefur því verið
haldið fram, að hér hafi verið um eitt geysistórt meginland að ræða,