Náttúrufræðingurinn - 1988, Side 27

2. mynd. Hólmatindur á milli Eskifjarðar og Reyðarfjarðar séður frá Eskifirði. Fjallið er
tæpir 1000 m á hæð og gert úr basalthraunlögum. Sjá má að opnur í berglögin eru hér
sums staðar góðar en annars staðar slæmar. Á þessum slóðum byrjaði Walker rannsókn-
ir sínar á Austfjörðum árið 1955. Holmatindur in Reydarfjordur Eastern Iceland, where
Walker started his investigations in Iceland in 1955. The mountain is a succession of bas-
altic lavaflows, nearly 1000 m high. (Ljósm. photo Páll Imsland).
að alhliða rannsókn og kortlagningu
hans. Einkum lagði hann sig eftir að
mæla jarðlögin, átta sig á sérkennum
þeirra og flokka þau saman í einingar,
stórar og smáar. Hann notaði einstök
lög og bergfræðilega samstæðar
grúppur til þess að rekja sig langar
leiðir eftir jafngömlum flötum í stafl-
anum. Þannig rakti Walker í sundur
þennan hraunlagastafla sem virtist
vera afar einsleitur ásýndum (2.
mynd). Hann fann í honum einingar
og myndanir sem gáfu heildarmynd af
gerð hans. Þetta kom fram í fyrstu
eiginlegu greininni sem hann birti um
jarðfræði Austfjarða (1959). Fyrstu
skrif hans um jarðfræði Austfjarða
voru lítið ágrip, sem út kom haustið
1955 í Fréttabréfi Jarðfræðafélagsins í
London. Það varpar nokkru ljósi á
það hvernig Austfjarðastaflinn leit út í
augum hans eftir fyrstu kynnin og er
því þetta ágrip birt hér til fróðleiks og
skemmtunar. Ágripið heitir: „JARÐ-
FRÆÐI ELDVIRKA SVÆÐISINS
FRÁ TERTÍER VIÐ REYÐAR-
FJÖRÐ, AUSTURLANDI" og er
svona í þýðingu:
„Sumarið 1954 heimsótti ég austurhluta
íslands ásamt Hr. D.S.R. Thompson. Hin
gífurlega þykkt tertíera hraunlagastaflans,
sem hér finnst vakti sérstaklega athygli
mína. Fleiri mílur hallar honum óslitið um
4-6° í VSV-læga stefnu. Síðan hef ég hafið
201