Náttúrufræðingurinn - 1988, Blaðsíða 49

Póra Ellen Þórhallsdóttir
Skýrsla um
Hið íslenska náttúrufræðifélag
fyrir árið 1987
FÉLAGAR
í árslok 1987 voru skráðir félagar og
kaupendur að N áttúrufræðingnum alls
1835 og skiptust þannig að heiðursfélagar
voru 4, kjörfélagar 4 og ævifélagar 31. Al-
mennir félagar voru alls 1602 innanlands.
Félagar og stofnanir erlendis voru 70 en
124 stofnanir innanlands keyptu Náttúru-
fræðinginn.
Á árinu fjölgaði því félagsmönnum um
32, sem er nánast sama fjölgun og varð frá
1985-86 (31).
STJÓRN OG STARFSMENN
Stjórn Fíins íslenska náttúrufræðifélags
var þannig skipuð: formaður var Þóra
Ellen Þórhallsdóttir, varaformaður Hregg-
viður Norðdahl, gjaldkeri Ingólfur Einars-
son, ritari Eva G. Þorvaldsdóttir og með-
stjórnandi Ingibjörg Kaldal. 1 varastjórn
sátu Einar Egilsson og Gyða Helgadóttir.
Haustið 1987 fór Eva Þorvaldsdóttir til
náms erlendis og tók þá Gyða Helgadóttir
við starfi ritara. Stjórnin færir Evu þakkir
fyrir góð störf í þágu félagsins og ágætt
samstarf. Endurskoðendur voru Magnús
Árnason og Sveinn Ólafsson en varaend-
urskoðandi Þór Jakobsson. Ritstjóri Nátt-
úrufræðingsins var Árni Einarsson. Erling
Ólafsson sá áfram um félagatalið og inn-
heimtu og dreifingu Náttúrufræðingsins.
Sigurður H. Richter var fulltrúi félags-
ins í dýraverndarnefnd og var hann end-
urskipaður í janúar 1988. í fuglafriðunar-
nefnd sat af hálfu félagsins Agnar Ingólfs-
son. í stjórn Minningarsjóðs Eggerts
Ólafssonar sátu Guðmundur Eggertsson,
formaður, Ingólfur Davíðsson og Sól-
mundur Einarsson sem var ritari. Vara-
maður var Óskar Ingimarsson. Einar
Egilsson var oddviti áhugahóps um bygg-
ingu náttúrufræðihúss. Fulltrúi félagsins á
aðalfundi Landverndar var Hlynur Ósk-
arsson. Fulltrúi félagsins á Náttúruvernd-
arþingi var Snorri Baldursson en til vara
Skúli Skúlason.
Einar Egilsson var ráðinn starfsmaður
félagsins í alls tvo mánuði (hálft starf frá
maí til ágúst). Hann sá um að auglýsa
ferðir og skráningu þátttakenda í ferðir og
á námskeið og ýmiss konar undirbúning
fyrir ferðirnar. Auk þess sá hann um dreif-
ingu á veggspjöldum félagsins.
Á árinu voru haldnir 7 stjórnarfundir og
auk þeirra einn fundur með afmælisnefnd
félagsins, en hún á að vera stjórninni til
aðstoðar um undirbúning aldarafmælisins
árið 1989. Alls urðu fundirnir því 8.
AÐALFUNDUR
Aðalfundur Hins íslenska náttúrufræði-
félags fyrir árið 1987 var haldinn laugar-
daginn 20. febrúar 1988 í stofu 201 í Odda,
hugvísindahúsi Háskólans. Fundarstjóri
var kjörinn Jórunn Erla Eyfjörð og fund-
arritari Bryndís Brandsdóttir.
Formaður flutti skýrslu um starfsemi fé-
lagsins árið 1987. Gjaldkeri gerði grein
fyrir endurskoðuðum reikningum og voru
þeir samþykktir. Síðan var gengið til kosn-
Náttúrufræðingurinn 58 (4), bls. 223-232, 1988. 223