Náttúrufræðingurinn - 1964, Side 6

NÁTTÚRUFR Æ ÐINGURINN
52
Eyjafjarðar og Fnjóskadals. Þess er og vert að minnast, að hann
dvaldist í héraðinu alla starfsævi sína og leit árlega eftir gróðri eftir
því sem tækifæri gáfust. (St. Std. 1963).
Ólafur Davíðsson fór víða um héraðið á árunum 1897—1902,
einkum vestan megin ljarðarins og allt vestur í Fljót, þar sem hann
dvaldist við gróðurrannsóknir um skeið.
Ingimar Óskarsson ólst upp í Svarfaðardal, og var þaulkunnug-
ur gróðri þar frá barnæsku. Síðar fór hann margar rannsóknarferð-
ir um mestan hluta héraðsins báðum megin fjarðar á árunum
kringum 1930. Síðar hefur hann einnig ferðast um í sömu erind-
um, og meðan hann átti heima við Eyjafjörð leit hann eftir gróðri,
hvenær sem færi gafst. Hefur hann skrifað nokkrar ritgerðir um
Flóru Fyjafjarðar, sbr. ritaskrá.
Ingólfur Davíðsson er einnig alinn upp í héraðinu og hefur víða
kannað gróður þar, einkum í heimabyggð sinni á Árskógsströnd.
Helgi Jónasson á Gvendarstöðum hefur kannað gróður til hlítar
um Köldukinn og Kinnarfjöll og farið víða um austurhluta svæð-
isins að Eyjafirði.
Ymsir grasafræðingar aðrir hafa kannað gróður við Eyjafjörð,
þótt ekki hafi verið um beinar rannsóknarferðir um héraðið að
ræða. Má þar nefna Áskel Löve, Danina Chr. Grönlund og Johannes
Gröntved og Norðmanninn Johannes Lid, auk ýmissa annarra, sem
ég kann ekki að nefna.
Mjög margir nemendur Stefáns skólameistara voru áhugasamir
um gróðurrannsóknir og söfnuðu plöntum ekki sízt við Eyjafjörð,
má af þeim nefna: Davíð Sigurðsson, Jón Rögnvaldsson og Svein-
björn Jónsson. Nokkurra fleiri er getið í 2. útgáfu af Flóru íslands.
Þá hef ég farið víða um héraðið og kannað gróður þess, auk þess,
sem ég hef dvalizt þar alla æfi. Hinsvegar hef ég ekki tekið hérað-
ið til sérstakrar rannsóknar vegna þess, að þegar ég hóf gróðurrann-
sóknir um 1930 hafði Ingimar Óskarsson tekið að fást við rannsókn
á flóru Eyjafjarðar, og mér þóttu önnur verkefni liggja nær en
troða mér inn á rannsóknasvið annars manns.
Loks könnuðu grasafræðistúdentarnir Helgi Hallgrímsson og
Hörður Kristinsson fjallagróður við Eyjafjörð s. I. sumar og fóru
þá mjög vítt um héraðið. Létu þeir mér í té margar mjög mikil-
vægar upplýsingar, einkum urn hæðamörk tegunda, sem mjög skorti
þekkingu á áður. Kann ég þeim beztu þakkir fyrir. Af þessu yfir-