Náttúrufræðingurinn - 1950, Side 4

66
NÁTT Ú R U F RÆT) I N G IIRIN N
vinum og vandamönnum. En eftir að hjónin höfðu sigrazt á sjúk-
dómnum og Sigurleifur fengið starf hjá Fiskideildinni, röskum
þremur árum síðar, var heimilið stofnað á ný, nú í Reykjavík.
Sigurleifur réðst að Fiskideildinni strax er hún tók til starfa, haust-
ið 1937, sem tæknilegur aðstoðarmaður við rannsóknir á vatnafisk-
um og síld. Þegar veiðimálastjóri var ráðinn, liætti Fiskideildin af-
skiptum af vatnarannsóknum og gat þá Sigurleifur gefið sig óskiptan
að síldinni.
Veturinn 1938—1939 dvaldist Sigurleifur í Noregi til þess að
kynna sér rannsóknaraðferðir Norðmanna á laxi (Próf. Knut Dahl,
Osló) og síld (Fiskerikon. Oscar Sund, Bergen). Eftir styrjöldina var
reynt að koma á sem nánastri samvinnu við Norðmenn um síldar-
rannsóknir og dvaldist þess vegna Sigurleifur aftur í Noregi tvívegis,
vorið 1948 og 1949, en vinur hans og sanrstarfsmaður, Thorolf Ras-
mussen, á Siglufirði bæði sumurin sömu ár. — í þrettán sumur fékkst
Sigurleifur við síldarrannsóknir á Siglufirði, fyrst með mér, en síðari
árin stjórnaði hann rannsóknunum þar. Hann sat alþjóða-síldarráð-
stefnu, sem haldin var í Aberdeen 1946 og s.l. vetur óskuðu Norð-
menn þess, að ltann fengi að taka að sér rannsóknarstörf á vertíðinni
þar, í veikindaforföllum Rasmussens.
íslenzkar náttúrurannsóknir mega enn teljast ungar að árum og
skammt er um liðið, síðan mönnum fór að gefast kostur á að gefa
sig óskipta að þeim. Ýmislegt er það, sem háir starfinu, svo sem
einangrun, skortur heimildarrita, takmarkaðar birgðir efna og
áhalda og margt annað, en síðast en ekki sízt vantar tilfinnanlega
sérhæft aðstoðarfólk.
Sigurleifur Vagnsson hafði sérhæft sig með ágætum til þess starfs,
sem honum var ætlað að vinna. Sérgrein lians var rannsókn á síldar-
hreistrinu: aldursgreining á síld, mæling á vexti hennar eftir hreistr-
inu og greining síldarinnar í stofna eftir gerð hreistursins. Auk þess
hal'ði hann um hönd allar aðrar rannsóknir á síldinni; hann mældi,
vóg, krufði, taldi hryggjarliði, ákvarðaði kynferði, kynþroska og
mör, færði spjaldskrá og bækur yfir rannsóknirnar og gerði .yfirlit
uin heildarárangurinn. Þannig lagði hann til hinn bezta efnivið í
ritgjörðir um síldarstofnana. Á starfi harts byggðist útsýn yfir við-
gang þeirra frá ári til árs, samspil þeirra í aflanum o. fl. o. I'l. Með
Sigurleifi er fallinn i vallinn góður drengur og frábær starfsmaður.
Það verður erfitt að fylla í skarðið og það tekur tíma.