Fréttablaðið - 29.05.2009, Qupperneq 14
14 29. maí 2009 FÖSTUDAGUR
greinar@frettabladid.is
FRÁ DEGI TIL DAGS
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is VIÐSKIPTARITSTJÓRI: Óli Kr. Ármannsson olikr@markadurinn.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Emilía Örlygsdóttir emilia@frettabladid.is
og Roald Eyvindsson roald@frettabladid.is ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf.
RITSTJÓRAR: Jón Kaldal jk@frettabladid.is og Þorsteinn Pálsson thorsteinn@frettabladid.is AÐSTOÐARRITSTJÓRI:
Steinunn Stefánsdóttir steinunn@frettabladid.is. Fréttablaðið kemur út í 90.000 eintökum og er dreift ókeypis á heimili á
höfuðborgarsvæðinu og Akureyri. Einnig er hægt að fá blaðið í völdum verslunum á landsbyggðinni. Fréttablaðið áskilur
sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871
Nýja skoðunin
Ekki varð betur séð í gær en að
fjölmargir þingmenn hefðu skipt um
skoðun í Evrópusambandsmálinu.
Pétur H. Blöndal og fleiri sjálf-
stæðismenn sem áður hafa lýst sig
andstæða aðild, lögðu fram tillögu
um mögulega aðild að Evrópu-
sambandinu. Þá virðast þingmenn
Framsóknarflokks ekki lengur á
þeirri skoðun að sækja eigi um
aðild með skilyrðum, líkt
og flokkurinn hefur sam-
þykkt. Nú tala þeir um
mögulega aðild.
Stúkustjórnin
Kvisast hefur út
að ríkisstjórn-
in ætli sér að
hækka skatta og álögur á áfengi,
sem leiðir til hærra áfengisverðs,
sem einhverjum þótti þó nógu hátt
fyrir. En einhversstaðar verður víst að
ná í aurinn og ölþyrstir liggja líklega
vel við höggi.
Og þeir sem hugsuðu sér gott
til glóðarinnar með að hella sér
út í bruggun ættu að sitja á strák
sínum, því heilbrigðisráðherra hefur
boðað sykurskatt, en sú vara ku
nauðsynleg bruggurum. Nú
þarf ekki að leita að nafni fyrir
stjórnina lengur; stúkustjórnin
er komin til valda.
Enga umræðu
Borgarahreyfingin
stærir sig af því að
vera sprottin upp
úr grasrótinni, framboðið hafi orðið
til á meðal óánægðrar þjóðar sem
vildi breytingar. Þær breytingar sner-
ust ekki síst um opna stjórnsýslu og
lýðræðislegar umræður. Kallað var
eftir því að gluggar Alþingishússins
yrðu opnaðir og þingið talaði við
þjóðina.
Því skýtur nokkuð skökku við að
þingmenn hreyfingarinnar skuli ekki
vilja ræða ályktunartillögu um
aðild að Evrópusambandinu.
Þráinn Bertelsson kynnti
afstöðu hreyfingarinnar, sem
óskaði eftir að allri umræðu
um málið yrði hætt á
þingi og málið sett í
nefnd. Öðruvísi mér
áður brá.
kolbeinn@frettabladid.isÞ
etta er sögulegur dagur, sagði Össur Skarphéðinsson
þegar hann kynnti Alþingi þingsályktunartillögu þess
efnis að sækja bæri um aðild að Evrópusambandinu.
Þetta var jú í fyrsta sinn sem slík tillaga er lögð fram af
ríkisstjórn og eðlilegt framhald af kosningaumræðunni,
þegar í fyrsta sinn var rætt af einhverri alvöru um að ganga til
aðildarviðræðna við ESB. Nú stefnir í að til viðræðnanna verði
gengið og mun þá fást niðurstaða í það hvaða möguleikar eru fyrir
hendi í samningum til að verja helstu hagsmuni þjóðarinnar.
Í því þarf að hugsa um heildarhagsmuni þjóðarinnar, ekki bara
einstaka sérhagsmuni. Heildarhagsmunirnir geta ekki verið sam-
lagning af þessum sérhagsmunum. Sem dæmi má nefna að hags-
munir þjóðarinnar sem neytenda og hagsmunir landbúnaðar eru
ekki endilega samrýmanlegir, hvort sem þeir eru settir í samhengi
við aðild að Evrópusambandinu eða ekki. Við mat á heildarhags-
munum þarf að vega og meta hvaða hagsmunir vega meira til
hagsbóta fyrir þjóðina alla.
Umræðuna á þingi í gær mátti greina í tvenns konar mismun-
andi umræðu. Annars vegar hvort, yfirhöfuð, ætti að sækja um
aðild að Evrópusambandinu. Hins vegar hvernig fara ætti að því
að sækja um aðild. Þeir þingmenn sem frekar vildu fjalla um
málsmeðferð og samningsmarkmið hafa væntanlega svarað fyrri
spurningunni játandi. Þeir hafa svarað grundvallarspurningunni
sem þingsályktunartillaga utanríkisráðherra fjallar um; að sækja
skuli um aðild að Evrópusambandinu. Þegar þeirri spurningu
hefur verið svarað er hægt að fara að ræða um hvernig eigi að
komast að því markmiði.
Tillaga Sjálfstæðisflokks og Framsóknarflokks um að fela
utanríkismálanefnd Alþingis að undirbúa mögulega umsókn um
aðild getur vel fallið með tillögu utanríkisráðherra, með örlitlum
breytingum. Sérstaklega á það við um fyrra atriðið, að utanríkis-
nefnd eigi að setja saman greinargerð um mikilvægustu hagsmuni
Íslands í aðildarviðræðum. Seinna atriðið í tillögu stjórnarandstöð-
unnar, um að utanríkismálanefnd skuli vinna vegvísi að mögulegri
aðildarumsókn, er aðeins óljósara.
Vegvísirinn á meðal annars að skýra aðkomu þjóðarinnar að
aðildarumsókn og staðfestingu aðildarsamningsins, hvaða stjórn-
arskrárbreytingar eru nauðsynlegar og hvað umsókn muni kosta.
Þetta eru allt spurningar sem þarf að fá svarað. Ekki er hins vegar
ljóst hví þarf að svara þeim áður en afstaða er tekin til þess hvort
sækja skuli um aðild. Allir flokkar eru sammála um að samningur
skuli fara í þjóðaratkvæðagreiðslu, allir flokkar eru sammála um
að breytingar á stjórnarskrá eru nauðsynlegar og afstaðan til þess
hvort sækja eigi um aðild að Evrópusambandinu snýst varla um
kostnaðinn sem af viðræðunum hlýtur.
Þingmenn allra flokka hafa tekið þátt í ítarlegum umræðum um
kosti og galla ESB-aðildar og hafa því flestir fyrir sitt leyti svarað
grundvallarspurningunni um aðild. Sumir eru henni fylgjandi og
aðrir andvígir. Þeir sem eru fylgjandi ættu því í utanríkismála-
nefnd að geta komist að niðurstöðu um hvernig þeir fylgja þeirri
sannfæringu eftir.
Alþingi fjallar loks um ESB-aðild af alvöru.
Grundvallar-
spurningu svarað
SVANBORG SIGMARSDÓTTIR SKRIFAR
UMRÆÐAN
Benedikt Steinar Magnússon og Sig-
urður Örn Stefánsson
Undanfarið hefur Stúdentaráð Háskóla Íslands staðið fyrir mótmælum og
undir skriftasöfnun gegn fyrirhugaðri
gjaldtöku af bílastæðum við HÍ. Við fórum
á fund Ingjalds Hannibalssonar, fram-
kvæmdastjóra rekstrarsviðs HÍ, til að fá
nánari upplýsingar um framkvæmdina. Hér
viljum við vekja athygli á rangfærslum í
málflutningi Stúdentaráðs, nú síðast í grein
Jóhanns Más Helgasonar, framkvæmda-
stjóra ráðsins, í Fréttablaðinu 25. maí.
Næsta haust hyggst HÍ leggja á gjald-
skyldu á bílastæði við Aðalbyggingu og
Háskólatorg, einungis um 100 stæði af 2.000
á lóð skólans. Með því er ætlað að auðvelda
þeim aðgengi sem eiga skammtímaerindi
í helstu þjónustumiðstöðvar Háskólans, en
nám er stundað við skólann í 10 byggingum
utan hins eiginlega háskólasvæðis.
Stúdentaráð hefur ítrekað haldið því ranglega
fram að ágóðinn af gjaldskyldunni muni ekki renna
til Háskólans heldur Bílastæðasjóðs. Í ofangreindri
grein Jóhanns vísar hann máli sínu til stuðnings
í orð Ingjalds á student.is þann 29.03.09: „Þessi
aðgerð er ekki gerð til að afla háskólanum tekna en
Bílastæðasjóður mun reka þjónustuna og
sjá um alla framkvæmd.“ Jóhann lætur hér
staðar numið og fullyrðir: „Svo mörg voru
þau orð.“
Hér fer Jóhann vísvitandi með rangt mál,
því áfram er haft eftir Ingjaldi á student.
is: „Ef afgangur er af gjöldunum eftir að
kostnaður er dreginn frá mun sjóðurinn
og Háskóli Íslands skipta honum milli sín.
Hugsanleg hlutdeild Háskólans færi í að
bæta samgöngur á svæðinu, eins og hjóla-
og göngustíga og aðstöðu við biðskýli. Það
verði þó engin sérstök tekjulind.“ Nákvæm-
lega svo mörg voru þau orð.
Stúdentaráð leggst einnig lágt með því að
halda því fram að með mótmælum sínum sé
það að verja hagsmuni veikra og fatlaðra.
Það er út í hött að gefa í skyn að gjaldtakan
muni skerða aðgengi þeirra. Sérmerkt stæði
fyrir fatlaða má finna við allar byggingar
skólans og eru engin áform um að fjarlægja
þau. Þar að auki er handhöfum stæðiskorts
hreyfihamlaðra heimilt að leggja ökutæki í
gjaldskyld stæði án sérstakrar greiðslu.
Hvers vegna heldur Stúdentaráð ítrekað fram
ósannindum gegn betri vitund? Ljóst er að lítið
er að marka undirskriftasöfnun sem byggir á
rangfærslum.
Höfundar eru nemendur við Háskóla Íslands.
Stúdentaráð blekkir stúdenta
BENEDIKT STEINAR
MAGNÚSSON
SIGURÐUR ÖRN
STEFÁNSSON
SPOTTIÐ