Fréttablaðið - 03.07.2009, Side 12

12 3. júlí 2009 FÖSTUDAGUR
Margir leggjast í ferðalög
í dag, eins og lengi hefur
tíðkast á þessum árstíma.
Fréttablaðið kannaði
áfengis sölu-, hita- og að-
sóknartölur fyrir helgina.
„Án þess að hafa kafað neitt ræki-
lega ofan í sölutölur gæti ég trúað
að það sé orðin hálfgerð mýta að
fyrsta helgin í júlí sé miklu meiri
ferðahelgi en til dæmis önnur
helgin í júlí eða síðasta helgin í
júní,“ segir Einar S. Einarsson,
framkvæmdastjóri ÁTVR, spurð-
ur um áfengissölu í aðdraganda
fyrstu helgarinnar í júlí í gegn-
um tíðina. „En þetta er nú bara til-
finning hjá mér og er sagt algjör-
lega án ábyrgðar,“ bætir Einar við
og hlær.
Að sögn Einars seldi ÁTVR
átján prósentum meira af áfengi
fyrir fyrstu helgina í júlí en síð-
ustu helgina í júní á síðasta ári.
Fyrir tveimur árum var þessu þó
þveröfugt farið, en þá seldist tíu
prósentum minna fyrstu helgina
í júlí en helgina á undan. „Það er
mjög margt sem taka þarf í reikn-
inginn í þessum málum; veðurfar
og fleira. Frá miðjum júní fram að
verslunarmannahelginni er mjög
erfitt að segja til um hvaða helgi
er stærst. Þetta eru allt miklar
ferðahelgar.
Einar segir að 77 til 80 prósent
af áfengi sem seljist í ÁTVR séu
bjór, og það breytist lítið sem ekk-
ert á sumrin. Við tökum þó eftir
aukinni sölu í kassavíni, það virð-
ist vera vinsælt í útilegurnar.“
Sigurður Þórður Ragnarsson veð-
urfræðingur, eða Siggi stormur,
segir útlit fyrir að Norðaustur-
land sé vænlegasti kosturinn
fyrir þá sem sæki í þurrt veður
um helgina. „Þetta er svona la la-
spá, ég hef séð þær betri. Í sjálfu
sér erum við að horfa fram á góð-
viðrishelgi með miklum hlýind-
um. Það er hins vegar annað mál
með rigninguna.
Ef ég ætti að ráðleggja fólki
hvar það fengi mestu birtuna og
líklega mestu sólina þá mæli ég
með Norðausturlandi, þótt ég lofi
engum brakandi þurrki nema
síður sé. En vel að merkja þá stytt-
ir upp í flestöllum landshlutum á
laugardagskvöldinu,“ segir Siggi
stormur.
Ýmsir viðburðir eru skipulagð-
ir um allt land eins og ævinlega
um þessa helgi. Sem dæmi má
nefna að Þjóðlagahátíð á Siglu-
firði verður haldin í tíunda skipti
og Humarhátíðin á Höfn heldur
sínu striki.
Gunnar Þórðarson, frægasti
sonur Hólmavíkur, heldur tónleika
á Hamingjudögum æskuslóðanna,
og væntanlega ríkir ekki minni
gleði á Írskum dögum á Akranesi,
auk þess sem tekið verður vel á
móti ferðaþyrstum Íslendingum
á tjaldstæðum landsins.
kjartan@frettabladid.is
nær og fjær
„ORÐRÉTT“
■ Gíraffar hafa lengstu tungu
allra núlifandi landdýra. Tunga
fullorðinna
gíraffa er á
bilinu 45 til
55 sentimetr-
ar á lengd og
hentar afar
vel til að slíta
laufblöð af
trjám. Lengd
tungunnar gerir gíröffum einnig
hægt um vik að þrífa sín eigin
eyru að innan með tungunni.
Það er nokkuð sem jafnvel
tunguliprustu menn, eins og
Gene Simmons, bassaleikari
þungarokkshljómsveitarinnar
Kiss, eru ekki færir um.
TUNGUTÆKNI
GÍRAFFAR GETA MARGT
„Það er allt ljómandi gott að frétta af mér,“ svarar
Valgerður Matthíasdóttir, betur þekkt sem Vala
Matt, fjölmiðlakona og arkitekt, spurð hvað sé að
frétta af henni.
„Ég er að vinna fyrir stærstu sjónvarpsstöð í
heimi, internetið, og er nú að leggja lokahönd á
vef sem ég er að fara að opna hjá Höfuðborgar-
stofu (visitreykjavik.is),“ segir Vala, sem búin er
að semja 25 innslög fyrir vefinn. Þau verða um
menningu, íslenska hönnun, söfn, veitinga-
staði og „allt sem er fallegt og skemmtilegt“.
Allt efnið verður aðgengilegt á samskipta-
síðunum Youtube og Facebook og fleiri
erlendum vefjum.
„Að vinna á internetinu er nýr vettvangur
fyrir mig og þessi miðill er stór hluti af
framtíðinni. Þetta er samt í raun sama
vinna nema annar miðill og mér
finnst svo ofsalega gaman að vinna
við myndmiðlana. Svo hef ég líka unnið í útvarpi
og á dagblöðum og því mætti segja að ég sé
eiginlega fjölmiðlari,“ segir Vala.
Ekki saknar hún þó að vera á skjáum allra
landsmanna en hún segist stundum sakna þess
að vera arkitekt.
„Ég er búin að vera að teikna framtíðarhús fyrir
sjálfa mig í laumi en hef ekki gefið mér tíma til
að vinna mikið í því. Það koma alltaf einhver
tækifæri til að vinna arkitektavinnu en ég
er alltaf komin með spennandi fjölmiðla-
verkefni sem ég tek fram yfir,“ segir Vala.
Utanlandsferð er í kortunum hjá
Völu í sumar en hún segist ekki vera
búin að ákveða hvert, bara að farið
verði. Eftir sumarið gerir hún síðan ráð
fyrir að halda áfram hjá Höfuðborgar-
stofu á meðan henni finnst það
skemmtilegt og gefandi.
HVAÐ ER AÐ FRÉTTA? VALGERÐUR MATTHÍASDÓTTIR FJÖLMIÐLAKONA OG ARKITEKT
Vinnur fyrir stærstu sjónvarpsstöðina
„Ég er að gera upp íbúðir hér í
Helsinki og þurfti að hætta í miðju
verkefni, því að Icesave-inneign
eigandans, sem er Breti, var fryst.
Þetta var svolítið furðulegt,“ segir
Magnús Logi Kristinsson, myndlist-
ar- og handverksmaður í Finnlandi.
Ljóst sé að Icesave-málið komi illa
við fleiri en Íslendinga.
Magnús hefur ekki gert upp við
sig hvort hann telji að Íslendingar
eigi að borga Icesave-tryggingarnar
eða ekki. „ Auðvitað er asnalegt að
almenningur eigi að fara að borga
fyrir stóru karlana. En svo er heldur
ekkert gaman að fá stóru löndin á
móti sér,“ segir hann.
Hann segir einnig að umræða
um Ísland og Íslendinga hafi breyst
mikið í Helsinki.
„Það er ekki lengur talað um
fallega Ísland og hvað allt sé gott
þar, heldur um landið sem fór á
hausinn, og hvað það sé mikið af
vitleysingum á Íslandi.“ Hann finni
líka fyrir mikilli vorkunnsemi í fólki.
„Og nú halda allir að ég sé í Finn-
landi út af bankahruninu.“
SJÓNARHÓLL
ÍMYND ÍSLANDS OG ICESAVE
Fleiri tapa á
Icesave en
Íslendingar
MAGNÚS LOGI KRISTINSSON
Veðurfarið skiptir miklu
Í ÚTILEGU Búast má við að fjöldi ungra og aldinna Íslendinga ferðist um landið sitt um helgina. FRÉTTABLAÐIÐ/VILHELM
Ljót sjón
„Við vorum að labba og sáum
þá gráan úfinn kött sem var
frekar druslulegur.“
JÓNGEIR ÞÓRISSON MÆTTI
ILLSKEYTTUM KÖTTUM SEM RÉÐUST
Á HANN.
Fréttablaðið 1. júlí
Innblástur
„Ég var við ströndina við
Reykjanesvita og fann þar
leifar af kríubeinagrind.“
JÓHANNA METÚSALEMSDÓTTIR
FÉKK HUGMYND AÐ SNIÐUGRI
SKARTGRIPA LÍNU.
Fréttablaðið 1. júlí
4
10
4
0
0
0
|
l
an
d
sb
an
ki
nn
.is
AUKAKRÓNUR
36 bíóferðir á ári
fyrir Aukakrónur
A-kortin
Kreditkort sem safna Aukakrónum fyrir þig
Þú getur farið í Laugarásbíó, Háskólabíó, Regnbogann, Smárabíó eða Borgarbíó á
Akureyri á 10 daga fresti fyrir Aukakrónurnar sem safnast þegar þú notar A-kortið þitt
– eða fengið þér eitthvað annað sem þig langar í hjá samstarfsaðilum Aukakróna.
Sæktu um A-kort á www.aukakronur.is
* M.v. 150 þúsund kr. innlenda verslun á mánuði, þ.a. 1/3 hjá samstarfsaðilum.
Sjá nánar á www.aukakronur.is.
*