Fréttablaðið - 04.07.2009, Blaðsíða 51

heimili&hönnun ●
É g á góðar minningar frá Vík í Mýrdal en móðurfjölskylda mín er öll þaðan,“ segir Ragnheiður Gröndal söngkona. Fjölskylda hennar átti lítið hús í
bænum, sem hún dvaldi oft í sem barn, en hún segist ekki hafa haldið miklum
tengslum við Vík í seinni tíð. „Ég held ég hafi hreinlega ekki komið þangað
í mörg ár,“ viðurkennir hún en segir jafnframt tíma til kominn að endurnýja
kynnin.
Ragnheiður man eftir því að hafa gengið upp í fjall sem stóð við enda göt-
unnar og út í kolsvarta fjöruna. „Þar var svo gott að hugsa og vera einn með
sjálfum sér,“ minnist Ragnheiður. En lék hún sér ekki líka við krakkana? „Pabbi
hennar Steinunnar Camillu í Nylon átti hús við hliðina á okkar húsi. Við vorum
svo sem engar vinkonur en ég man eftir því að við vorum að leika okkur saman
að selja steina í búðarleik,“ segir hún glettin.
Ragnheiður telur sig þó meira borgarbarn en sveita-
barn. „Mér finnst voða gott að vera í borg og hafa
borgar menningu og líf í kringum mig,“ segir hún og
hlær. Hún stefnir hins vegar á það í sumar að fara í
göngu á Hornstrandir. „Þá reyni ég kannski að finna
náttúrubarnið í mér,“ segir hún glaðlega.
Útilegur eiga ekki upp á pallborðið hjá henni. „Nei,
þá fer ég frekar upp í sumarbústað ef vel liggur á mér,“
segir hún og innt eftir því hvað sé óheillandi við úti-
legurnar svarar hún: „Það er aðallega að komast ekki í
heitt vatn og jafnvel klósett. Ég vil hafa svolítil þæg-
indi í kringum mig þótt leiðinlegt sé að viður-
kenna að vera svona rosalegt borgarbarn.“
- sg
SVEITIN MÍN
Æskuminningar
frá Vík í Mýrdal
Ragnheiður Gröndal söngkona hefur í seinni
tíð heldur kosið borgarniðinn fram yfir
rólegheit í sveit. Hún ætlar þó að láta reyna á
sveitamanninn í sér í sumar og stefnir á að
fara á Hornstrandir.
Ragnheiður dvaldi nokkur sumur í Vík í Mýrdal. FRÉTTABLAÐIÐ/STEFÁN
E ngum blöðum er um það að fletta hve mikil áhrif seinni heimsstyrj-öldin hafði á Íslendinga. Dæmi um það er sá stóri hópur fólks sem bjó
í bröggunum sem setuliðið skildi eftir sig í Reykjavík eftir stríðið. Er talið að
mest hafi 2.200 manns átt heima í bröggunum á sjötta áratugnum. Þótt
ummerki síðari heimsstyrjaldarinnar séu ef til vill ekki eins mikil á Íslandi
eins og víða annars staðar, má finna stríðsminjar hér og þar um landið.
Þar á meðal í Öskjuhlíðinni, þar sem skoða má loftvarnarbyrgi, skotbyrgi,
stjórnstöð, skotgrafir og steypta grunna undan bröggum. Á Reyðarfirði eru
einnig fjögur loftvarnarbyrgi og braggar og hægt að heimsækja Stríðs-
minjasafnið. Heillegustu braggabyggð landsins er síðan að finna í Hvalfirði.
- hds
Minjar úr seinna stríði
Loftvarnarbyrgi á Reyðarfirði. MYND/ÚR EINKASAFNI
5. fl. 30. júní - 6. júlí, 7 dagar
10-12 ára (1997 - 1999) Verð kr. 36.400 Fullbókað / biðlisti
6. fl. 7. - 13. júlí, 7 dagar
8-10 ára (1999 -2001) Verð kr. 36.400 Örfá pláss laus
7. fl. 14. - 20. júlí, 7 dagar
9-11 ára (1998-2000)
Verð kr. 36.400 Nokkur pláss laus
8. fl. 21. - 27. júlí, 7 dagar
10 - 12 ára (1997 - 1999) Verð kr. 36.400 Fullbókað / biðlisti
9. fl* 28. - 31. júlí, 4 dagar
6 - 8 ára (2001 - 2003) Verð kr. 19.800 Nokkur pláss laus
10. fl 4. - 10. ágúst, 7 dagar
13 - 15 ára (1994 - 1996) Verð kr. 36.400 Nokkur pláss laus
11. fl** 11. - 14. ágúst, 4 dagar
11 - 13 ára (1996 - 1998)
Verð kr. 22.800 Örfá pláss laus
12. fl 4. - 6. sept., 2 dagar
Frá 6 ára Mæðginaflokkur Verð kr. 5.900 Laus pláss
13. fl 11. - 13. sept. 2 dagar
Frá 6 ára Mæðgnaflokkur Verð kr. 5.900 Laus pláss
Rútugjald frá Reykjavík innifalið í verði.
*9.fl er krílaflokkur fyrir yngri stúlkur, þar eru færri stúlkur og
flokkurinn styttri en venjulega
**11. flokkur er listaflokkur með sérstakri áherslu á samvinnu
í ólíkri listsköpun, undir stjórn Margrétar Rósar Harðardóttur
myndlistarkonu frá listaháskólanum í Bremen.
- Hollur matur og fyrsta flokks leiðbeinendur
- Leikir, útivist, sköpun og vinátta
- Fræðsla um kristna trú og góðu gildin
- Daglegar myndir og fréttir á www.kfum.is
Allar nánari upplýsingar á www.KFUM.is og í s. 588 8899
Tryggðu stúlkunni þinni pláss í skemmtilegum og uppbyggjandi sumarbúðum!
LAUGARDAGUR 4. JÚLÍ 2009 11